“സന്തുഷ്ട ജീവനക്കാര് കന്പനികളുടെ വളര്ച്ചയില് പ്രധാന ഘടകം’’
Sunday, October 27, 2024 6:22 AM IST
കൊച്ചി: ബിസിനസ് രംഗത്ത് പുതുമ തേടാനും പുതിയ കാര്യങ്ങള് പഠിക്കാനും തയാറാകുന്നവര്ക്കാണ് പുരോഗതിയുണ്ടാകുകയെന്ന് ഹെര്ബല് ഐസൊലേറ്റ്സ് ലിമിറ്റഡ് മാനേജിംഗ് ഡയറക്ടറും സിന്തൈറ്റ് ഇന്ഡസ്ട്രീസ് ലിമിറ്റഡ് ഡയറക്ടറുമായ ജേക്കബ് നൈനാന്. കേരള മാനേജ്മെന്റ് അസോസിയേഷന്റെ ഇന്സ്പെയര് സീരിസില് പ്രസംഗിക്കുകയായിരുന്നു അദ്ദേഹം.
കമ്പനി വളരുമ്പോള് കൂടെയുള്ള എല്ലാവരും വളരുകയെന്ന നയം ഉണ്ടായിരിക്കണമെന്നും സന്തുഷ്ടരായ ജീവനക്കാര് വളര്ച്ചയില് പ്രധാന ഘടകമാണെന്നും ജേക്കബ് നൈനാന് വിശദീകരിച്ചു. കേരള മാനേജ്മെന്റ് അസോസിയേഷന് പ്രസിഡന്റ് ബിബു പുന്നൂരാന് അധ്യക്ഷത വഹിച്ചു. ഡോ. രാധ തേവനൂര് സ്വാഗതവും ഡോ. അനില് ജോസഫ് നന്ദിയും പറഞ്ഞു.