എംബിബിഎസ് സീറ്റ് വാഗ്ദാനം ചെയ്ത് 1.40 കോടി രൂപ തട്ടിയയാൾ പിടിയിൽ
Sunday, October 27, 2024 6:37 AM IST
തൃപ്പൂണിത്തുറ: വെല്ലൂർ മെഡിക്കൽ കോളജിൽ എംബിബിഎസ് സീറ്റ് വാഗ്ദാനം ചെയ്തു പണം തട്ടിയയാൾ അറസ്റ്റിൽ. തൃപ്പൂണിത്തുറ സ്വദേശിയിൽനിന്ന് 1.40 കോടി രൂപ തട്ടിയെടുത്ത കേസിൽ കടവന്ത്രയിൽ താമസിക്കുന്ന ആലപ്പുഴ കാർത്തികപ്പള്ളി ജോൺസൺ വില്ലയിൽ ജോൺസൺ വർഗീസിനെ (41)യാണു ഹിൽ പാലസ് പോലീസ് അറസ്റ്റ് ചെയ്തത്.
പാലാരിവട്ടത്ത് ദക്ഷ, മൈ സ്റ്റഡി എന്ന എൻട്രൻസ് കോച്ചിംഗ് എന്ന സ്ഥാപനത്തിന്റെ മറവിലായിരുന്നു തട്ടിപ്പെന്നും സമാനരീതിയിൽ വരാപ്പുഴയിലും പന്തളത്തും പ്രതി തട്ടിപ്പ് നടത്തിയതായി പരാതിയുള്ളതായും പോലീസ് പറഞ്ഞു.