തൊട്ടിയാർ ജലവൈദ്യുത പദ്ധതി 28ന് നാടിനു സമർപ്പിക്കും
Saturday, October 26, 2024 2:42 AM IST
തൊടുപുഴ: തൊട്ടിയാർ ജലവൈദ്യുത പദ്ധതി 28ന് മഖ്യമന്ത്രി പിണറായി വിജയൻ നാടിനു സമർപ്പിക്കും. 40 മെഗാവാട്ട് ശേഷിയുള്ള പദ്ധതിയിൽ പെരിയാറിന്റെ കൈവഴിയായ ദേവിയാറിലെ ജലമാണ് പ്രയോജനപ്പെടുത്തുന്നത്.
വാളറയിൽ ദേവിയാറിനു കുറുകെ സ്ഥാപിച്ച തടയണയും അനുബന്ധ ജലാശയവുമാണ് പദ്ധതിയുടെ ഊർജസ്രോതസ്.
222 മീറ്റർ നീളവും ഏഴര മീറ്റർ ഉയരവുമുള്ള തടയണയുടെ സഹായത്തോടെ സംഭരിച്ചിരിക്കുന്ന ജലമാണ് 1252 മീറ്റർ നീളമുള്ള പെൻസ്റ്റോക്കിലേക്കെത്തുന്നത്.
28നു രാവിലെ 10.30നു ലോവർപെരിയാർ പവർഹൗസ് പരിസരത്തു ചേരുന്ന യോഗത്തിൽ മന്ത്രി കെ. കൃഷ്ണൻകുട്ടി അധ്യക്ഷത വഹിക്കും. മന്ത്രി റോഷി അഗസ്റ്റിൻ, ഡീൻ കുര്യാക്കോസ് എംപി എന്നിവർ മുഖ്യാതിഥികളായിരിക്കും.