ജര്മനിയില് നഴ്സ്; നോര്ക്കയിൽ സ്പോട്ട് രജിസ്ട്രേഷന് അവസരം
Sunday, October 27, 2024 6:22 AM IST
തിരുവനന്തപുരം: സംസ്ഥാന സര്ക്കാര് സ്ഥാപനമായ നോര്ക്ക റൂട്ട്സിന്റെ ട്രിപ്പിള് വിന് പദ്ധതിയുടെ ആറാമത് എഡിഷന്റെ ഭാഗമായി ജര്മനിയിലെ നഴ്സിംഗ് ഹോമുകളിലേയ്ക്കുള നഴ്സ് തസ്തികയിലേക്ക് സ്പെഷല് റിക്രൂട്ട്മെന്റിലേക്ക് അപേക്ഷ ക്ഷണിച്ചു.
ചില സ്ലോട്ടുകളിലേക്ക് സ്പോട്ട് രജിസ്ട്രേഷനും അവസരമുണ്ട്. ഇതിനായി നോര്ക്ക ഇന്സ്റ്റിറ്റ്യൂട്ട് ഓഫ് ഫോറിന് ലാംഗ്വേജസിന്റെ (എന്ഐഎഫ്എല്) കോഴിക്കോട് സെന്ററില് നവംബര് ഒന്നിനും തിരുവനന്തപുരം സെന്ററില് നവംബര് നാലിനും നേരിട്ടെത്തി രജിസ്റ്റര് ചെയ്യാൻ അവസരമുണ്ടാകും.
നഴ്സിംഗില് ബിഎസ്സി/പോസ്റ്റ് ബേസിക് വിദ്യാഭ്യാസ യോഗ്യതയും മൂന്നുവര്ഷത്തെ പ്രവൃത്തിപരിചയവും വേണം.
വയോജന പരിചരണം/പാലിയേറ്റീവ് കെയര്/ജറിയാട്രിക് എന്നിവയില് രണ്ടു വര്ഷം പ്രവൃത്തിപരിചയമുള്ളവര്ക്കും ജര്മന് ഭാഷയില് ബി1, ബി2 യോഗ്യതയുള്ള ഉദ്യോഗാര്ഥികള്ക്കും (ഫാസ്റ്റ് ട്രാക്ക്) മുന്ഗണന ലഭിക്കും. പ്രായപരിധി 38 വയസ്. കൂടുതല് വിവരങ്ങള്ക്ക് വെബ് സൈറ്റുകള് www. norka roots. org, www.nifl. norka roots. org ഫ്രീ നമ്പറുകൾ 1800 425 3939 (ഇന്ത്യയില്നിന്നും) +91-8802 012 345 (വിദേശത്തുനിന്നും, മിസ്ഡ് കോള് സര്വീസ്) ബന്ധപ്പെടാം.