ദിവ്യക്കെതിരേ പരാതി നൽകി എഎപി
Sunday, October 27, 2024 6:22 AM IST
കണ്ണൂർ: പി.പി. ദിവ്യക്കെതിരേ അഴിമതി ആരോപണത്തിൽ ആം ആദ്മി പാർട്ടി വിജിലൻസിൽ പരാതി നൽകി. ദിവ്യ ജില്ലാ പഞ്ചായത്ത് പ്രസിഡന്റായിരുന്ന സമയത്ത് നൽകിയ കരാറുകളിൽ ബിനാമി ഇടപാട് നടന്നെന്നും ഒരു കമ്പനിക്ക് തന്നെ കരാർ നൽകുന്നുവെന്നുമാണ് പരാതി. ആം ആദ്മി പാർട്ടി കണ്ണൂർ ജില്ലാ പ്രസിഡന്റ് ഷാജി തെക്കേമുറിയാണ് പരാതി നൽകിയത്.
2021 ൽ ദിവ്യ ജില്ലാ പഞ്ചായത്ത് പ്രസിഡന്റായി അധികാരമേൽക്കുമ്പോൾ മുതൽ 12 കോടിയിലധികം രൂപയുടെ പ്രീഫാബ്രിക്കേറ്റഡ് നിർമാണ കരാറുകൾ കാർട്ടൺ ഇന്ത്യ അലൈൻസ് പ്രൈവറ്റ് ലിമിറ്റഡ് എന്ന കമ്പനിക്ക് മാത്രമായി നൽകിയിട്ടുണ്ടെന്ന് എഎപി വിജിലൻസിൽ നൽകിയ പരാതിയിൽ പറയുന്നു.