മുനമ്പം-വഖഫ് പ്രതിസന്ധി പരിഹരിക്കാന് സര്ക്കാര് മുന്കൈയെടുക്കണമെന്ന് കെസിബിസി
Saturday, October 26, 2024 1:33 AM IST
കൊച്ചി: കെസിബിസി വൈസ് ചെയര്മാന് മാര് പോളി കണ്ണൂക്കാടന്റെ നേതൃത്വത്തില് കെസിബിസി ഡെപ്യൂട്ടി സെക്രട്ടറി ജനറല് ഫാ. ജേക്കബ് പാലക്കാപ്പിള്ളിയും കെസിബിസിയുടെ വിവിധ കമ്മീഷന് സെക്രട്ടറിമാരും അടങ്ങുന്ന സംഘം മുനമ്പം-വഖഫ് ഭൂമി അവകാശവാദം സംബന്ധിച്ച പ്രതിസന്ധി അഭിമുഖീകരിക്കുന്ന പ്രദേശവും സമരപ്പന്തലും സന്ദര്ശിച്ചു.
മുനമ്പം നിവാസികളായ 600ൽപ്പരം കുടുംബങ്ങളുടെ പ്രതിസന്ധിയില് കേരള കത്തോലിക്കാ മെത്രാന് സമിതിയുടെ പൂര്ണ പിന്തുണ കെസിബിസി വൈസ് ചെയര്മാന് മാര് പോളി കണ്ണൂക്കാടന് പ്രദേശവാസികളെ അറിയിച്ചു.
സര്ക്കാര് മുന്കൈയെടുത്ത് ഈ പ്രതിസന്ധിക്ക് ഉടന് പരിഹാരം കണ്ടെത്തണമെന്നും അദ്ദേഹം ആവശ്യപ്പെട്ടു. കെസിബിസി ഡെപ്യൂട്ടി സെക്രട്ടറി ജനറല് ഫാ. ജേക്കബ് പാലക്കാപ്പിള്ളി, കെസിബിസി ജാഗ്രതാ കമ്മീഷന് സെക്രട്ടറി ഫാ. മൈക്കിള് പുളിക്കല്, കെസിബിസി യുവജന കമ്മീഷന് സെക്രട്ടറി ഫാ. സ്റ്റീഫന് ചാലയ്ക്കല് തുടങ്ങിയവര് പ്രക്ഷോഭത്തില് പങ്കെടുക്കുന്ന ജനങ്ങളെ അഭിസംബോധന ചെയ്തു സംസാരിക്കുകയും പിന്തുണ ഉറപ്പ് നല്കുകയും ചെയ്തു.