പിൻവാതിൽ നിയമനം യുവതയോടുള്ള ചതി: ചെന്നിത്തല
Sunday, October 27, 2024 6:22 AM IST
തിരുവനന്തപുരം: എട്ടുവർഷത്തെ ഭരണത്തിനിടെ പിണറായി സർക്കാർ 1.8 ലക്ഷം പാർട്ടി ബന്ധുക്കൾക്കു പിൻവാതിൽ നിയമനം നൽകിയെന്ന വാർത്ത ഞെട്ടിക്കുന്നുവെന്ന് കോണ്ഗ്രസ് പ്രവർത്തകസമിതി അംഗം രമേശ് ചെന്നിത്തല.
സംസ്ഥാനത്ത് എംപ്ലോയ്മെന്റ് എക്സ്ചേഞ്ചുകളിൽ രജിസ്റ്റർ ചെയ്ത 26 ലക്ഷത്തിൽപരം യോഗ്യരായ ഉദ്യോഗാർഥികൾ തൊഴിലില്ലാതെ അലയുന്പോഴാണ് സംസ്ഥാനസർക്കാർ പിൻവാതിലിലൂടെ ഇത്രയും സ്വന്തക്കാർക്കും പാർട്ടി ബന്ധുക്കൾക്കും നിയമനം നൽകിയിരിക്കുന്നത്. ഇതു കേരളത്തിലെ യുവജനങ്ങളോടുള്ള ചതിയാണ്- അദ്ദേഹം പറഞ്ഞു.