സ്കൂൾ കായികമേള: ആറിടത്ത് അടുക്കള ഒരുങ്ങി
Monday, November 4, 2024 2:56 AM IST
കൊച്ചി: കേരള സ്‌കൂള്‍ കായികമേളയ്ക്ക് 12 വിതരണ കേന്ദ്രങ്ങളിലായി ഒരുക്കുന്ന ഭക്ഷണത്തിന് ആറു സ്ഥലങ്ങളിലായി അടുക്കള ഒരുങ്ങി. ആറിടത്തും ഇന്നു രാവിലെ പത്തിന് പാലുകാച്ചല്‍ നടക്കും.
പ്രധാന ഭക്ഷണശാലയായ മഹാരാജാസ് ഗ്രൗണ്ടിനു സമീപത്തുള്ള രുചിയിടത്തിനുപുറമേ കളമശേരി, കടയിരുപ്പ്, പനമ്പിള്ളി നഗര്‍, കോതമംഗലം, കൊച്ചി വെളി എന്നിവിടങ്ങളിലെ അടുക്കളകളിലാണ് പാലുകാച്ചല്‍ നടക്കുന്നത്.
മഹാരാജാസില്‍ വിദ്യാഭ്യാസമന്ത്രി വി. ശിവന്‍കുട്ടി ഉദ്ഘാടനം ചെയ്യും. പനമ്പിള്ളി നഗറില്‍ സിനിമാതാരം അഭിറാം രാധാകൃഷ്ണന്‍, കൊച്ചി വെളിയില്‍ കെ.ജെ. മാക്‌സി എംഎല്‍എ, കോതമംഗലത്ത് ആന്‍റണി ജോണ്‍ എംഎല്‍എ, കടയിരുപ്പില്‍ പി.വി. ശ്രീനിജിന്‍ എംഎല്‍എ, കളമശേരിയില്‍ മുനിസിപ്പല്‍ ചെയര്‍പേഴ്‌സണ്‍ സീമ കണ്ണന്‍ എന്നിവര്‍ ഉദ്ഘാടനം ചെയ്യും.