മൊബൈല് ഫോണിലെ ഗെയിം കളി സ്വന്തം ജീവനെടുക്കാൻ പാകത്തിലുളള മാനസിക മാറ്റം കുട്ടിയില് ഉണ്ടാക്കിയ കാര്യം ആരും തിരിച്ചറിഞ്ഞിരുന്നില്ല. അമ്മയുടെ ഫോണിലാണ് കുട്ടി നിരന്തരം ഗെയിം കളിച്ചിരുന്നത്.
പോലീസ് കസ്റ്റഡിയിലെടുത്ത ഈ ഫോണില്നിന്ന് ഫ്രീ ഫയര്, ഹൊറര് ഫീല്ഡ്, ഡെവിൾ എന്നീ ഗെയിമിംഗ് ആപ്പുകളാണ് കണ്ടെത്തിയിരിക്കുന്നത്. ഇതിൽ മരണകാരണമായതെന്നു സംശയിക്കുന്ന ഗെയിം ഏതെന്ന് ഇനിയും വ്യക്തമായിട്ടില്ല.
കഴിഞ്ഞ വെള്ളിയാഴ്ച വൈകുന്നേരമാണ് ചെങ്ങമനാട് കപ്രശേരി വടക്കുഞ്ചേരി വീട്ടിൽ ജെയ്മിയുടെ മകൻ ആഗ്നലിനെ വീട്ടിലെ കിടപ്പുമുറിയിൽ ആത്മഹത്യ ചെയ്ത നിലയിൽ കണ്ടെത്തിയത്. മഴക്കോട്ടുകൊണ്ട് ദേഹമാകെ മൂടി വായില് സെല്ലോ ടേപ്പൊട്ടിച്ച് കൈയും കാലും കെട്ടിയ നിലയിലാണ് മൃതദേഹം കാണപ്പെട്ടത്. ഓണ്ലൈന് ഗെയിമിലെ ടാസ്കിന്റെ ഭാഗമായാണു ആത്മഹത്യയെന്നാണ് സംശയിക്കുന്നത്.