ഈ സാഹചര്യങ്ങൾ നിലനിൽക്കേയാണ് പരോളുമായി ബന്ധപ്പെട്ട ഭേദഗതി വരുത്താൻ ഡിജിപി ശിപാർശ ചെയ്തത്.
ഇതിനു പുറമേ ജയിൽവകുപ്പിലെ തസ്തികകളുടെ പുനർനാമകരണം, ഉദ്യോഗസ്ഥരുടെ താമസസ്ഥലത്തെ സംബന്ധിച്ച വ്യവസ്ഥകൾ, ഉദ്യോഗസ്ഥരുടെ കർത്തവ്യം, ജീവനക്കാരുടെ യൂണിഫോം, നിയമനം, തടവുകാരുടെ പ്രവേശനം, ക്ഷേമപ്രവർത്തനങ്ങൾ, സുരക്ഷാ നടപടികളുടെ പരിഷ്കരണം, ഭക്ഷണക്രമത്തിൽ വരുത്തേണ്ട മാറ്റങ്ങൾ, സ്ത്രീതടവുകാരുടെ വസ്ത്രങ്ങളുടെ പുനർനാമകരണം, വിയ്യൂർ അതിസുരക്ഷാ ജയിലിന്റെ പ്രവർത്തനം തുടങ്ങി പ്രാധാന്യമർഹിക്കുന്ന വിഷയങ്ങളിലാണ് ഭേദഗതിക്കു ശിപാർശ ചെയ്തത്.
ഭേദഗതി ആവശ്യകത സംബന്ധിച്ച വിഷയം സർക്കാർ വിശദമായി പരിശോധിച്ചിരുന്നു. തുടർന്നാണു വിദഗ്ധ സമിതിയെ രൂപവത്കരിച്ച് റിപ്പോർട്ട് ആവശ്യപ്പെട്ടത്.