ഇനി വ്യോമയാന ഡയറക്ടർ ജനറലിന്‍റെ അംഗീകാരവും ഒപ്പം സംസ്ഥാന സർക്കാരിന്‍റെ പുതിയ വിജ്ഞാപനവും നടപടിക്രമങ്ങളും പൂർത്തിയാവണം. ശബരിമല വിമാനത്താവളത്തിനായി കേരള സ്റ്റേറ്റ് ഇൻഡസ്ട്രിയൽ ഡെവലപ്‌മെന്‍റ് കോർപറേഷൻ (കെഎസ്ഐഡിസി) സമർപ്പിച്ച പദ്ധതി ശിപാർശ പരിഗണിച്ചാണ് പി എം ഗതിശക്തിയുടെ ഇപ്പോഴത്തെ കേന്ദ്രാനുമതി.
ഭാസ്കരാചാര്യ നാഷണൽ ഇൻസ്റ്റിറ്റ്യൂട്ട് ഫോർ സ്പെയ്‌സ് ആപ്ലിക്കേഷൻസ് ആൻഡ് ജിയോ-ഇൻഫർമാറ്റിക്സ് (ബിസാഗ്-എൻ) എന്ന കേന്ദ്രസ്ഥാപനം പദ്ധതിക്കുള്ള ജിയോ-മാപ്പിംഗ് തയാറാക്കിയിരുന്നു.