ഇന്നലെ രാവിലെ നടിയുടെ അപ്പീൽ ഡിവിഷൻ ബെഞ്ചിലെത്തി. രാവിലെതന്നെ ഹർജി പരിഗണിച്ചു. ഉച്ചയോടെ വീണ്ടും പരിഗണിക്കാമെന്നു വ്യക്തമാക്കി ഹർജി മാറ്റി. ഉച്ചയ്ക്ക് ഹർജി വീണ്ടുമെടുത്ത ഡിവിഷൻ ബെഞ്ച് രഞ്ജിനിയുടെ ആവശ്യം തള്ളി. വിഷയത്തിൽ സിംഗിൾ ബെഞ്ചിനെ സമീപിക്കാൻ കോടതി നിർദേശിച്ചു.
ഒരു മണിക്കൂറിനുള്ളിൽ നടിയുടെ അഭിഭാഷകൻ പുതിയ ഹർജിയുമായി സിംഗിൾ ബെഞ്ച് മുന്പാകെ എത്തി. സുപ്രീംകോടതിയിൽനിന്ന് മുതിർന്ന അഭിഭാഷകരെയും ഓൺലൈനായി ഹാജരാക്കി. ഉച്ചകഴിഞ്ഞു രണ്ടിന് ഹർജി പരിഗണനയ്ക്കെത്തിയപ്പോൾ റിപ്പോർട്ടിന് സ്റ്റേ അനുവദിക്കാനാകില്ലെന്ന് കോടതി വ്യക്തമാക്കുകയായിരുന്നു. ഹർജി 27ന് പരിഗണിക്കാമെന്നും അറിയിച്ചു.
ഇതിനിടെ സജിമോൻ പാറയിലും ഇന്നലെ അപ്പീലുമായെത്തിയെങ്കിലും ഡിവിഷൻ ബെഞ്ച് അതു പരിഗണിക്കുന്നത് നാളത്തേക്ക് മാറ്റുകയായിരുന്നു. സജിയുടെയും രഞ്ജിനിയുടെയും ആവശ്യങ്ങൾ ഇന്നലെ കോടതി നിരാകരിച്ചതോടെ ഉച്ചകഴിഞ്ഞു 2.30 ന് ഹേമ കമ്മിറ്റി റിപ്പോർട്ട് സർക്കാർ പുറത്തുവിട്ടു.