ഷീലയുടെ അടുത്തിരുന്ന മല്‍പെ അവരെ ആശ്വസിപ്പിച്ചു. തെരച്ചിന് ഡ്രഡ്ജര്‍ കൊണ്ടുവരണം. വെള്ളത്തിന്‍റെ കുത്തൊഴുക്ക് കുറഞ്ഞിട്ടുണ്ട്. കുറച്ചു മണ്ണുകൂടി നീക്കാനുണ്ട്. അതു പൂര്‍ത്തിയാക്കികഴിഞ്ഞാല്‍ അമ്മയുടെ മകനെ ഞാന്‍ നിങ്ങള്‍ക്കു മുന്നിലെത്തിക്കും. ഇതെന്‍റെ പ്രതിജ്ഞയാണ്. ധൈര്യമായിരിക്കുക- മല്‍പെ പറഞ്ഞപ്പോള്‍, മുറിയില്‍ കൂടിയിരുന്ന ഭാര്യ കൃഷ്ണപ്രിയ, സഹോദരി അഞ്ജു എന്നിവരടക്കമുള്ള കുടുംബാംഗങ്ങളുടെ കണ്ണുകള്‍ നിറയുന്നുണ്ടായിരുന്നു. അര്‍ജുന്‍റെ പിതാവ് പ്രേമനെയും ഈശ്വര്‍ മല്‍പെ ആശ്വസിപ്പിച്ചു.
അര്‍ജുന്‍റെ ലോറി ഉടമ മനാഫ്, മുങ്ങല്‍ ടീം അംഗങ്ങളായ അനീഷ് കേശവന്‍, സ്‌റ്റെഫിന്‍, മിഥുന്‍, അനില്‍, അഭിഷേക്, മുഹമ്മദ് മിലാന്‍ എന്നിവര്‍ക്കൊപ്പമാണ് ഈശ്വര്‍ മല്‍പെ എത്തിയത്.