വയനാട് ദുരന്തത്തിന്റെ പശ്ചാത്തലത്തില് വിളിച്ചുചേര്ത്ത സ്റ്റേറ്റ് ലെവല് ബാങ്കേഴ്സ് സമിതി യോഗത്തില് പ്രസംഗിക്കുകയായിരുന്നു മുഖ്യമന്ത്രി. ഇതുപോലൊരു ഘട്ടത്തില് യാന്ത്രികമായി മാറാന് ഒരു കാരണവശാലും പറ്റില്ലെന്നു മുഖ്യമന്ത്രി പറഞ്ഞു.
ദുരിതബാധിതര്ക്ക് സര്ക്കാര് നല്കിയ ധനസഹായത്തില്നിന്നാണ് കേരള ഗ്രാമീണ് ബാങ്ക് വായ്പാ തിരിച്ചടവിന്റെ ഗഡുക്കൾ അവരുടെ സമ്മതമില്ലാതെ പിടിച്ചത്. ഇത് ശ്രദ്ധയില്പ്പെട്ട ഉടനെ മുഖ്യമന്ത്രി ഇടപെടുകയും തുടര്ന്ന് ബാങ്ക് പിടിച്ച തുക തിരിച്ചുനല്കാന് കളക്ടര് ഉത്തരവിറക്കുകയും ചെയ്തിരുന്നു.
വയനാട് ദുരന്തബാധിതരുടെ വായ്പകള് എഴുതിത്തള്ളാന് ബാങ്കുകള് തയാറാകണമെന്നും മുഖ്യമന്ത്രി പിണറായി വിജയന് ആവശ്യപ്പെട്ടു. വയനാട് ദുരന്തത്തിന്റെ പശ്ചാത്തലത്തില് വിളിച്ചു ചേര്ത്ത സ്റ്റേറ്റ് ലെവല് ബാങ്കേഴ്സ് സമിതി യോഗത്തില് പ്രസംഗിക്കുകയായിരുന്നു മുഖ്യമന്ത്രി.