അസംബ്ലിയുടെ ഫലപ്രദമായ നടത്തിപ്പിനായി എല്ലാവരുടെയും പ്രാര്ഥനയും സഹകരണവും മേജര് ആര്ച്ച്ബിഷപ് അഭ്യര്ഥിച്ചു.
കാഞ്ഞിരപ്പള്ളി ബിഷപ് മാര് ജോസ് പുളിക്കല് നയിച്ച ധ്യാനചിന്തകളോടെയാണു സിനഡ് ആരംഭിച്ചത്. തുടര്ന്ന് മേജര് ആര്ച്ച്ബിഷപ് മാര് റാഫേല് തട്ടിലിനൊപ്പം മെത്രാന്മാര് വിശുദ്ധ കുര്ബാനയര്പ്പിച്ചു.
മെത്രാഭിഷേക രജതജൂബിലി ആഘോഷിക്കുന്ന ബിഷപ് മാര് ലോറന്സ് മുക്കുഴിയുടെ സേവനങ്ങള്ക്ക് മേജര് ആര്ച്ച്ബിഷപ് നന്ദി പറഞ്ഞു. ജൂബിലി നിറവിലായിരിക്കുന്ന ബെല്ത്തങ്ങാടി രൂപതയ്ക്കും മേജര് ആര്ച്ച്ബിഷപ് ആശംസകള് അറിയിച്ചു.
സഭയുടെ മേജര് സെമിനാരികളുടെ റെക്ടര്മാരുമായും വിവിധ കമ്മീഷനുകളുടെ സെക്രട്ടറിമാരുമായും മെത്രാന്മാര് കൂടിക്കാഴ്ച നടത്തും.
സഭയെയും സമൂഹത്തെയും ബാധിക്കുന്ന വിവിധങ്ങളായ വിഷയങ്ങളെക്കുറിച്ച് സിനഡ് ചര്ച്ചകള് ആരംഭിച്ചു. 31ന് സിനഡ്സമ്മേളനം സമാപിക്കും.