കഴിഞ്ഞ മാസം 27നു തൃക്കരിപ്പൂർ ഇളമ്പച്ചിക്കും ഒളവറയ്ക്കുമിടയിൽ രാത്രിയിൽ പത്തിടങ്ങളിൽ കരിങ്കൽ ചീളുകൾ നിരത്തിവച്ചതു സംബന്ധിച്ച് റെയിൽവേയുടെ അന്വേഷണം നടന്നുവരുന്നതിനിടയിലാണ് ഒന്നര കിലോമീറ്ററിനുള്ളിൽ വീണ്ടും റെയിൽപാളത്തിൽ കല്ലുകൾവച്ച സംഭവമുണ്ടായത്.
ജൂലൈ 27നു രാത്രി മംഗളൂരു ഭാഗത്തുനിന്നു കണ്ണൂർ ഭാഗത്തേക്ക് ഇന്ധനവുമായി പോകുകയായിരുന്ന ചരക്കുവണ്ടിയുടെ ലോക്കോ പൈലറ്റ് ആർ.കെ. മീണയാണു പയ്യന്നൂരിൽ വിവരം നൽകിയത്.
ഞായറാഴ്ച രാത്രി ഉണ്ടായ സംഭവത്തിൽ ഗൗരവമായ അന്വേഷണത്തിന് റെയിൽവേ രഹസ്യാന്വേഷണ വിഭാഗം തുടക്കമിട്ടിട്ടുണ്ട്.