തിരുവനന്തപുരം: ഓട്ടോറിക്ഷകള്‍ക്ക് സംസ്ഥാന പെര്‍മിറ്റ് നല്‍കിയ സ്റ്റേറ്റ് ട്രാന്‍സ്‌പോര്‍ട്ട് അഥോറിറ്റി തീരുമാനം ഉടന്‍ നടപ്പാക്കിയേക്കും. പുതിയ ട്രാന്‍സ്‌പോര്‍ട്ട് കമ്മീഷണര്‍ എ. അക്ബര്‍ ചുമതലയേറ്റെടുത്തയുടന്‍ ഇതുമായി ബന്ധപ്പെട്ട മാര്‍ഗനിര്‍ദേശങ്ങള്‍ പുറത്തിറക്കുന്നതിനാണ് ഗതാഗത വകുപ്പ് തയാറെടുക്കുന്നത്.
അതേസമയം, കേരളത്തിലെ ഓട്ടോറിക്ഷകള്‍ക്കു സംസ്ഥാന പെര്‍മിറ്റ് നല്‍കുന്ന തീരുമാനം പമ്പ കാനന പാതയില്‍ നടപ്പാക്കാനിടയില്ലെന്നാണ് സൂചന. ശബരിമല സേഫ് സോണ്‍ പദ്ധതിക്കു വിരുദ്ധമാണ് തീരുമാനമെന്നാണ് വിലയിരുത്തല്‍. അപകട സാധ്യത കണക്കിലെടുത്തു പമ്പയിലേക്ക് ഇതര ജില്ലകളില്‍നിന്നുള്ള ഓട്ടോറിക്ഷകള്‍ക്കു നേരത്തേമുതല്‍ നിയന്ത്രണമുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.