ലൈംഗികചൂഷണം സംബന്ധിച്ച അന്വേഷണത്തിന് സീനിയര്‍ വനിതാ ഐപിഎസ് ഉദ്യോഗസ്ഥരുടെ നേതൃത്വത്തിലുള്ള സംഘത്തെ നിയോഗിക്കണം.
എത്ര വലിയ കൊമ്പന്‍മാരാണെങ്കിലും ലൈംഗികചൂഷണം നടത്തിയവരെ നിയമത്തിനു മുന്നില്‍ കൊണ്ടുവരികയെന്നത് സര്‍ക്കാരിന്‍റെ ചുമതലയാണ്. ഒരു തൊഴില്‍മേഖലകളിലും ചൂഷണം നടക്കാന്‍ പാടില്ല. ഏതെങ്കിലും ഒരു സര്‍ക്കാര്‍ ഓഫീസിലാണ് ഇതുപോലെ ലൈംഗികചൂഷണം നടന്നതെങ്കില്‍ നടപടിയെടുക്കുമായിരുന്നല്ലോ.
പോക്സോ കേസുകള്‍ അടക്കമുള്ള ഗുരുതര കുറ്റകൃത്യങ്ങളാണ് സിനിമയില്‍ നടക്കുന്നതെന്ന് റിപ്പോര്‍ട്ട് വ്യക്തമാക്കുന്നു. അടിയന്തരമായി അന്വേഷിച്ച് കുറ്റക്കാര്‍ക്കെതിരേ മുഖം നോക്കാതെ നടപടിയെടുക്കണമെന്നും വി.ഡി. സതീശൻ ആവശ്യപ്പെട്ടു.