12 അംഗ സ്കൂബാ ടീം അംഗങ്ങളായിരുന്നു സുരക്ഷാ സംവിധാനങ്ങള് ഉപയോഗിച്ച് മാന്ഹോളിനുള്ളില് തെരച്ചില് നടത്തിയത്. മാലിന്യങ്ങള് കുമിഞ്ഞുകൂടിയതിനാല് ടണലിൽ അധിക ദൂരം സഞ്ചരിക്കാന് രക്ഷാപ്രവര്ത്തകര്ക്കു സാധിച്ചില്ല.
ടണലിന്റെ നീളം 150 മീറ്ററാണ്. എന്നാല് ഇവിടെ മാലിന്യങ്ങള് പാറപോലെ അടിഞ്ഞു കിടക്കുന്നതാണ് രക്ഷാപ്രവര്ത്തനത്തിനു തടസം സൃഷ്ടിച്ചതെന്നു നേതൃത്വം നല്കിയവര് പറഞ്ഞു. ഇന്നലെ ഉച്ചയോടെ ടണലിന്റെ ഏതാണ്ട് 40 മീറ്ററോളം ഉള്ളിലേക്കു പരിശോധന നടത്തി. അഗ്നിരക്ഷാ സേനയും സ്കൂബ ടീമും ചേര്ന്ന് ടണലിന്റെ രണ്ടു വശങ്ങളില്നിന്നാണ് തെരച്ചില് നടത്തിയത്. ഉച്ചയ്ക്കു പന്ത്രണ്ടോടെ റോബോട്ടിക് കാമറയില് മനുഷ്യശരീരം പോലെ എന്തോ കണ്ടെത്തിയെങ്കിലും തുടര്ന്നു നടത്തിയ പരിശോധനയില് മാലിന്യമാണെന്നു തിരിച്ചറിഞ്ഞു.