19ന് മഴയ്ക്കു ശമനമുണ്ടായെങ്കിലും അവസാന 24 മണിക്കൂറിനുള്ളിൽ 897 മില്ലി മീറ്റർ ആയിരുന്നു മഴയുടെ തോത്. ഇംഗ്ലീഷുകാർ മൂന്നാറിനെ തേയില വ്യവസായത്തിനായി പ്രകൃതിരമണീയമായി പരുവപ്പെടുത്തി വരുന്നതിനിടയിലായിരുന്നു ദുരന്തമഴ.
24 കിലോമീറ്റർ റെയിൽപാളം ഒഴുകിപ്പോയി മൂന്നാറിന്റെ പ്രതാപമായിരുന്ന 24 കിലോമീറ്റർ റെയിൽവേപ്പാളങ്ങൾ ഒഴുകിപ്പോയി. മോണോ റെയിലും കുണ്ടളവാലി റെയിലും പുനർനിർമിക്കാൻ കഴിയാത്തത് മൂന്നാറിന്റെ നഷ്ടമായി അവശേഷിക്കുന്നു. കാലവർഷക്കെടുതികളിൽ 110 പേർ മരിച്ചുവെന്നാണ് രേഖപ്പെടുത്തിയിട്ടുള്ളതെങ്കിലും മരണസംഖ്യ അതിനു മുകളിലായിരുന്നു.