ഓഡിറ്റോറിയത്തില് പിറന്നാള് പാര്ട്ടി നടത്താനായിരുന്നു പദ്ധതിയിട്ടിരുന്നത്. ഇതിനായുള്ള ക്ഷണക്കത്തും അടിച്ചു. വിവരം സ്പെഷല് ബ്രാഞ്ച് ഉദ്യോഗസ്ഥരുടെ ശ്രദ്ധയില്പ്പെട്ടതിനെത്തുടര്ന്ന് പോലീസ് അനുമതി നിഷേധിച്ചു. പിന്നീടാണ് ആഘോഷം വാടകവീട്ടിലേക്കു മാറ്റിയത്.
സംസ്ഥാനത്തിന്റെ വിവിധയിടങ്ങളില്നിന്നുള്ള കുറ്റവാളികള് പാര്ട്ടിയില് പങ്കെടുക്കാന് എത്തിച്ചേരുമെന്നുള്ള വിവരം റൂറല് എസ്പി വൈഭവ് സക്സേനയ്ക്ക് ലഭിച്ചിരുന്നു. ഇതേത്തുടർന്ന് പിറന്നാളാഘോഷം നടക്കുന്ന വീടിനു സമീപം വരാപ്പുഴ ഇന്സ്പെക്ടര് പ്രശാന്ത് ക്ലിന്റിന്റെ നേതൃത്വത്തില് മഫ്തിയില് പോലീസിനെ വിന്യസിച്ചിരുന്നു. പാലക്കാട്, തൃശൂര്, ആലപ്പുഴ, എറണാകുളം ജില്ലകളില് കൊലക്കേസ് ഉള്പ്പെടെയുള്ള നിരവധി കേസുകളില് പ്രതികളായവരാണ് പോലീസിന്റെ പിടിയിലായത്.