ഈ സ്ഥലത്തേക്ക് പ്രവേശനത്തിന് നിയന്ത്രണവും ഏർപ്പെടുത്തിയിട്ടുണ്ട്. 90 മഴക്കുഴികൾ നിർമിക്കാൻ 18 തൊഴിലുറപ്പ് തൊഴിലാളികളാണ് ഇവിടെ ജോലി ചെയ്തിരുന്നത്. ഇതിനകം 25 കുഴികളാണ് കുഴിച്ചത്.
കൂടോത്രമെന്നു കരുതി ഭയന്നു: ഉഷ (വാർഡ് മെംബർ) മണ്ണിനടിയിൽനിന്നു പാത്രം കണ്ടെത്തിയപ്പോൾ തൊഴിലാളികൾ കൂടോത്രമാണെന്നു കരുതി ഭയന്നുപോയി. മുക്കാൽ മീറ്ററോളം കുഴിച്ചപ്പോഴാണ നിധികുംഭം കണ്ടെത്തിയത്.
തൊഴിലാളികൾ ജോലിക്കിടെ ഇതു മാറ്റിവച്ച് പണി തുടരുകയായിരുന്നു. വൈകുന്നേരം തുറന്നുനോക്കിയപ്പോഴാണ് ആഭരണങ്ങളും നാണയങ്ങളും ലഭിച്ചത്. ഉടൻതന്നെ തൊഴിലാളികൾ പഞ്ചായത്തധികൃതരെ അറിയിക്കുകയും പഞ്ചായത്ത് തുടർനടപടികൾ സ്വീകരിക്കുകയുമായിരുന്നു.