ഇടുക്കി ജില്ലയിലെ 2,15,720 ഏക്കർ സിഎച്ച്ആർ നിക്ഷിപ്ത വനഭൂമിയാണെന്നും ഇവിടെ നൽകിയിട്ടുള്ള പട്ടയങ്ങളും കുത്തകപ്പാട്ടങ്ങളും റദ്ദുചെയ്യണമെന്നുമാണ് പരാതിക്കാരുടെ ആവശ്യം.
സെൻട്രൽ എംപവേർഡ് കമ്മിറ്റി നൽകിയ റപ്പോർട്ടിലും 2,15720 ഏക്കർ വനഭൂമിയാണെന്നാണ് പറഞ്ഞിരിക്കുന്നത്.
കേസിൽ കക്ഷി ചേർന്ന കാർഡമംഗ്രോവേഴ്സ് അസോസിയേഷൻ, വന വിസ്തൃതി സംബന്ധിച്ച രേഖ കൃത്രിമമായി സൃഷ്ടിച്ചതാണെന്നും ചില നിക്ഷിപ്ത കക്ഷികൾ സിഇസിയെ തെറ്റിദ്ധരിപ്പിച്ചാണ് റിപ്പോർട്ട് നൽകിപ്പിച്ചതെന്നും സുപ്രീം കോടതിയെയും സിഇസി യെയും ധരിപ്പിച്ചിരുന്നു.
രാജഭരണകാലത്ത് ഏലം കൃഷിക്കായി സ്ഥലം അനുവദിച്ചു നൽകിയപ്പോൾ 15,720 ഏക്കർ വനഭൂമിയെന്നു രേഖപ്പെടുത്തിയിരുന്നു. ഇതാണ് സർക്കാരിന്റെ പുരാവസ്തു ശേഖരത്തിലുമുള്ള ഗസറ്റ് രേഖകളിലുമുള്ളത്.
ഇത് കരിമണ്ണൂർ, കാരിക്കോട് വില്ലേജുകളിലുള്ള പ്രദേശങ്ങളാണെന്നും വനം വകുപ്പിന്റെ കോട്ടയം ഡിവിഷനു കീഴിലാണെന്നും സിഎച്ച്ആർ ദേവികുളം ഡിവിഷനിൽ പെട്ടതാണെന്നും കാർഡമം ഗ്രോവേഴ്സ് അസോസിയേഷൻ രേഖകൾ സഹിതം കോടതിയെയും സിഇസിയെയും ധരിപ്പിച്ചിരുന്നു. ഇതിന്റെ അടിസ്ഥാനത്തിലാണ് 22ലെ യോഗം നടക്കുന്നത്.