തനിക്ക് ഇപ്പോൾ ചെലവിന് തുക ആവശ്യമുണ്ടെന്നും പണം നല്കിയാൽ ഇരട്ടിയായി നൽകാമെന്നും പറഞ്ഞ് യുവാവ് മറ്റുള്ളവരെ വിശ്വസിപ്പിക്കുകയായിരുന്നു. ഇതോടെ സർക്കാർ ഉദ്യോഗസ്ഥരടക്കം നിരവധിപ്പേർ ഇയാൾക്ക് ഒരു ലക്ഷം മുതൽ 10 ലക്ഷം രൂപ വരെ രണ്ടുവർഷത്തിനുള്ളിൽ നല്കിയതായാണ് സൂചന.
ഒടുവിൽ പണം തിരികെ ലഭിക്കാത്തതിനെ തുടർന്ന് ഇവർ പെരിങ്ങോം പോലീസിനെ സമീപിക്കുകയായിരുന്നു. സമീപകാലത്ത് കോൺഗ്രസിൽനിന്ന് പുറത്താക്കപ്പെട്ട ഒരു നേതാവിന്റെ മധ്യസ്ഥതയിൽ ചർച്ച ചെയ്തെങ്കിലും പണം തിരികെ കൊടുക്കാൻ യുവാവിന് സാധിച്ചില്ല. തുടർന്ന് ആത്മഹത്യക്ക് ശ്രമിക്കുകയായിരുന്നു. സംഭവത്തെക്കുറിച്ച് രഹസ്യാന്വേഷണ വിഭാഗം അന്വേഷണം തുടങ്ങി.