തൊടുപുഴ യൂണിറ്റി സോക്കർ സ്കൂളിൽ നടന്ന യാത്രയയപ്പ് ചടങ്ങ് വികാരനിർഭരമായ രംഗങ്ങൾക്കാണ് സാക്ഷ്യം വഹിച്ചത്. യോഗത്തിൽ യൂണിറ്റി സോക്കർ സ്കൂൾ ഡയറക്ടർ പി.എ.സലിംകുട്ടി അധ്യക്ഷത വഹിച്ചു. സ്പോർട്സ് മുൻ ലേഖകൻമാരായ സനിൽ പി.തോമസ്, രവീന്ദ്രദാസ്, ഷാജി ജേക്കബ്, പ്രസ്ക്ലബ് സെക്രട്ടറി ജെയിസ് വാട്ടപ്പിള്ളിൽ എന്നിവർ പ്രസംഗിച്ചു.
കായികരംഗത്ത് കേരളം ഒന്നാമതെത്തണമെന്നാണ് തന്റെ തീരാമോഹം. ഒളിന്പിക് മെഡൽ നേട്ടത്തിന് കായികതാരങ്ങളെ ചെറുപ്പംമുതൽ കണ്ടെത്തി ചിട്ടയായ പരിശീലനം നൽകണം. എന്നാൽ കാൽചുവട്ടിൽനിന്നു മണ്ണൊലിച്ചുപോകുന്ന സ്ഥിതിയാണ് ഇന്നുള്ളതെന്നും തോമസ് മാഷ് പറഞ്ഞു.
ചടങ്ങിൽ ഇദ്ദേഹത്തെ പൊന്നാടയണിയിച്ചും മെമന്റോ നൽകിയും ആദരിച്ചു.
മക്കളായ രാജാസ് തോമസ്, രജനി എന്നിവരും കുടുംബാംഗങ്ങളും ചടങ്ങിനെത്തിയിരുന്നു.