വാഹനങ്ങള് വാങ്ങുന്നതിനും, വാഹനങ്ങള്ക്ക് വാടക നല്കുന്നതിനും, അലവന്സുകള് നല്കുന്നതിനും മറ്റുമായി ന്യൂനപക്ഷ ഫണ്ട് ദുരുപയോഗം ചെയ്ത അതേ കാലയളവില്, ഫണ്ടില്ല എന്ന കാരണം പറഞ്ഞ് അര്ഹരായ അപേക്ഷകര്ക്ക് പോലും സ്കോളര്ഷിപ്പുകള് നിഷേധിക്കുന്ന അവസ്ഥയുണ്ടായിരുന്നു എന്നതും പ്രതിഷേധാര്ഹമാണെന്ന് കെസിസി ജനറല് സെക്രട്ടറി ഡോ. പ്രകാശ് പി. തോമസ് പറഞ്ഞു.
ന്യൂനപക്ഷ വിദ്യാര്ഥികള്ക്കായുള്ള സ്കോളര്ഷിപ്പില് നടന്നതുപോലെ തന്നെയുള്ള കൃത്രിമങ്ങളും, സാമ്പത്തിക അതിക്രമങ്ങളും പിന്നാക്ക വിഭാഗങ്ങളില്പെട്ട വിദ്യാര്ഥികള്ക്കുള്ള സ്കോളര്ഷിപ്പുകളുമായി ബന്ധപ്പെട്ട് നടന്നിട്ടുണ്ടെന്ന റിപ്പോര്ട്ടിലെ കണ്ടെത്തലുകള് പൊതുസമൂഹത്തിന്റെ മനഃസാക്ഷിയെ ഉണര്ത്തേണ്ടതാണെന്നും അദ്ദേഹം അഭിപ്രായപ്പെട്ടു.
ഇത്തരം വിഷയങ്ങളില് സുതാര്യമായ ഇടപെടലുകള് ഉറപ്പുവരുത്താന് സര്ക്കാര് ശ്രദ്ധ ചെലുത്തുകയും, സേവനങ്ങളില് വീഴ്ച വരുത്തിയ ഉദ്യോഗസ്ഥര്ക്കെതിരേ നടപടികള് സ്വീകരിക്കുകയും വേണം.
സ്കോളര്ഷിപ്പുകളുടെ ക്രിയാത്മകവും നിയമാനുസൃതവും സുതാര്യവുമായ നടത്തിപ്പിനായി സിഎജി നല്കിയിട്ടുള്ള ശിപാര്ശകള് നടപ്പിലാക്കുന്നതിന് അടിയന്തര നടപടികള് സ്വീകരിക്കാന് സര്ക്കാര് തയാറാകണമെന്നും കെസിസി ആവശ്യപ്പെട്ടു.