ഏതൊക്കെ ഫീസുകൾ വർധിപ്പിക്കാം എന്നതു സംബന്ധിച്ച ശിപാർശകൾ വകുപ്പ് സെക്രട്ടറിമാർ തയാറാക്കി ജൂലൈ 26നകം ഉത്തരവ് ഇറക്കണമെന്നാണു നിർദേശം.
കഴിഞ്ഞ ദിവസം രാത്രി ചേർന്ന മന്ത്രിസഭയിൽ മുഖ്യമന്ത്രി പിണറായി വിജയൻ തന്നെയാണ് നിരക്കുകൾ ഉയർത്തുന്നതിനുള്ള അജൻഡ അവതരിപ്പിച്ചത്. കഴിഞ്ഞ ആറുമാസത്തിനകം നിരക്കുകൾ വർധിപ്പിച്ച സ്ഥലങ്ങളിൽ നിരക്ക് കൂട്ടില്ല. വിദ്യാർഥികൾ, പട്ടികജാതി-വർഗ വിഭാഗങ്ങൾക്ക് നിരക്കു വർധന ബാധകമാകില്ല.
സെക്രട്ടറിമാരുടെ നിർദേശങ്ങൾ പരിശോധിച്ചാകും നടപ്പാക്കുക. മദ്യത്തിന് വില ഉയർത്തുകയും പെട്രോൾ, ഡീസലിന് കൂടുതൽ തുക സെസ് ഏർപ്പെടുത്തുകയും ലോട്ടറിവില ഉയർത്തുകയും വഴി മാത്രമേ ആയിരക്കണക്കിന് കോടിയുടെ വരുമാനവർധന സാധ്യമാകൂ.
മദ്യത്തിന് ഇപ്പോൾത്തന്നെ രാജ്യത്തെ ഏറ്റവും ഉയർന്ന നികുതിയാണ് കേരളത്തിൽ വാങ്ങുന്നതെന്ന പരാതിയുണ്ട്. പെട്രോൾ, ഡീസൽ സെസ് നേരത്തേ രണ്ടു രൂപ വീതം അധികമായി ഈടാക്കാൻ തീരുമാനിച്ചപ്പോൾ വൻ വിവാദം ഉയർന്നിരുന്നു. ഇതിനാൽ ഇവയിലൊന്നും തൊടാതെയുള്ള വർധനയാകും നടപ്പാക്കുക.