കുട്ടികളടക്കം വലിയ ജനക്കൂട്ടത്തെ താങ്ങാന്‍ സൗകര്യമില്ലാത്തതാണ് കോളജുകളുടെ നിലവിലെ ഓഡിറ്റോറിയങ്ങളെന്ന് ഹര്‍ജിയില്‍ പറയുന്നു. ഇത്തരം ആള്‍ക്കൂട്ടം നേരിടാന്‍ പ്രിന്‍സിപ്പലും അധ്യാപകരും പരിശീലനം ലഭിച്ചവരല്ല. എന്നാല്‍, ഇതിന്‍റെ ഉത്തരവാദിത്വം മുഴുവന്‍ പ്രിന്‍സിപ്പലിനും അധ്യാപകര്‍ക്കുമായിരിക്കും.
2015ല്‍ പുറത്തുനിന്നുള്ള പരിപാടികള്‍ വിലക്കി സര്‍ക്കാര്‍ ഉത്തരവ് പുറപ്പെടുവിച്ചിരുന്നു. എന്നാല്‍, അജ്ഞാത കാരണങ്ങളാല്‍ വീണ്ടും ഈ വര്‍ഷം അനുമതി നല്‍കുകയായിരുന്നു.
കുസാറ്റില്‍ സംഭവിച്ചതുപോലുള്ള ദാരുണസംഭവങ്ങളുണ്ടാകാതിരിക്കാന്‍ ഇത്തരം പരിപാടികള്‍ക്ക് കാമ്പസിനകത്തുള്ള വിലക്ക് തുടരണമെന്നും കരിക്കുലര്‍, കോ-കരിക്കുലര്‍, എക്‌സ്ട്രാ കരിക്കുലര്‍ പ്രവര്‍ത്തനങ്ങള്‍ക്കല്ലാതെ കാമ്പസില്‍ അനുമതി നല്‍കരുതെന്നും ഹര്‍ജിയില്‍ പറയുന്നു.