പാ​ല​ക്കാ​ട് - പൊ​ള്ളാ​ച്ചി പാ​ത​യി​ൽ പാ​സ​ഞ്ച​ർ ട്രെയി​നുവേ​ണ്ടി സമരം
Friday, October 18, 2024 3:39 AM IST
പു​തു​ന​ഗ​രം: പാ​ല​ക്കാ​ട് - പൊ​ള്ളാ​ച്ചി ബ്രോ​ഡ്ഗേ​ജ് നി​ർ​മാ​ണം പൂ​ർ​ത്തി​യാ​യി വ​ർ​ഷ​ങ്ങ​ൾ ക​ഴി​ഞ്ഞി​ട്ടും മു​ൻ​കാ​ല പാ​സ​ഞ്ച​ർ ട്രെ​യി​നു​ക​ൾ പു​നഃസ്ഥാ​പി​ക്കാ​ത്ത​തി​ൽ ഇ​ട​വേ​ള​യ്ക്ക് ശേ​ഷം വീ​ണ്ടും യാ​ത്ര​ക്കാ​രു​ടെ പ്ര​തി​ഷേ​ധം ശ​ക്ത​മാ​കു​ന്നു. നാ​ളെ വൈ​കു​ന്നേ​രം അ​ഞ്ചി​ന് വ​ട​വ​ന്നൂ​ർ ജം​ഗ്ഷ​നി​ൽ നാ​ട്ടു​കാ​ർ ജ​ന​കീ​യ പ്ര​തി​ഷേ​ധ ധ​ർ​ണ ന​ട​ത്തും. വ​ട​ക​ന്യാ​പു​രം റെ​യി​ൽ​വേ സ്റ്റേ​ഷ​ൻ സേ​വ​ന​ങ്ങ​ൾ കു​റ​ച്ച അ​ധി​കൃ​ത​രു​ടെ ന​ട​പ​ടി പു​നഃപ​രി​ശോ​ധി​ക്ക​ണ​മെ​ന്നാ​വ​ശ്യ​പ്പെ​ട്ടു​മാ​ണ് ധ​ർ​ണ.

800 കോ​ടി​യി​ല​ധി​കം ചെ​ല​വ​ഴി​ച്ചാ​ണ് പാ​ല​ക്കാ​ട് - പൊ​ള്ളാ​ച്ചി പാ​ത ന​വീ​ക​രി​ച്ച​ത്. പാ​ല​ക്കാ​ട് - രാ​മേ​ശ്വ​രം, പാ​ല​ക്കാ​ട് - മ​ധു​ര, പാ​ല​ക്കാ​ട് - പ​ഴ​നി ഉ​ൾ​പ്പെ​ടെ ആ​റ് പാ​സ​ഞ്ച​ർ ട്രെ​യി​നു​ക​ളാ​ണ് മീ​റ്റ​ർഗേ​ജി​ൽ ഓ​ടി​യി​രു​ന്ന​ത്. പു​തു​ന​ഗ​രം, വ​ട​ക​ന്യാ​പു​രം, ഊ​ട്ട​റ, മു​ത​ല​മ​ട, മീ​നാ​ക്ഷി​പു​രം സ്റ്റേ​ഷ​നു​ക​ളി​ൽ നി​ന്നും നൂ​റു​ക​ണ​ക്കി​നു യാ​ത്ര​ക്കാ​ർ യാ​ത്ര​ചെ​യ്തി​രു​ന്നു. പു​തു​ന​ഗ​രം, വ​ട​വ​ന്നൂ​ർ, കൊ​ല്ല​ങ്കോ​ട്, മു​ത​ല​മ​ട പ​ഞ്ചാ​യ​ത്ത് പ്ര​ദേ​ശ​ങ്ങ​ളി​ലെ യാ​ത്ര​ക്കാ​ർ​ക്ക് കു​റ​ഞ്ഞ ചെ​ല​വി​ൽ ഹ്ര​സ്വ​ദൂ​ര - ദീ​ർ​ഘ​ദൂ​ര യാ​ത്ര​യും സാ​ധ്യ​മാ​യി​രു​ന്നു .

കൂ​ടു​ത​ൽ മെ​ച്ച​പ്പെ​ട്ട യാ​ത്രാ​സൗ​ക​ര്യ​ത്തോ​ടെ ബ്രോ​ഡ്ഗേ​ജി​ൽ ട്രെ​യി​നു​ക​ൾ ഓ​ടിതു​ട​ങ്ങു​മെ​ന്നാ​ണ് ജ​നം പ്ര​തീ​ക്ഷി​ച്ചി​രു​ന്ന​ത്.


എ​ന്നാ​ൽ നീ​ണ്ട ജ​ന​കീ​യ പ്ര​തി​ഷേ​ധ​ങ്ങ​ൾ​ക്ക് ശേ​ഷം പാ​ല​ക്കാ​ട് നി​ന്നും തി​രു​ച്ചെ​ന്തൂ​രി​ലേ​ക്ക് ഒ​രു പാ​സ​ഞ്ച​ർ ആ​രം​ഭി​ച്ചെ​ങ്കി​ലും ഇ​തും ല​ക്ഷ്യം ക​ണ്ടി​ല്ല. പു​ല​ർ​ച്ചെ പാ​ല​ക്കാ​ട് നി​ന്നും പു​റ​പ്പെ​ടു​ന്ന ട്രെ​യി​ൻ രാ​ത്രി എ​ട്ടി​നാ​ണ് തി​രി​ച്ച് പാ​ല​ക്കാ​ട് എ​ത്തു​ന്ന​ത്. ഈ ​ട്രെ​യി​ൻ പ്രാ​ദേ​ശി​ക യാ​ത്ര​ക്കാ​ർക്ക് ​പ്ര​യോ​ജ​ന​പ്പെ​ടു​ന്നി​ല്ലെ​ന്ന​താ​ണ് നി​ല​വി​ലെ സാ​ഹ​ച​ര്യം. പാ​ല​ക്കാ​ട് - ചെ​ന്നൈ സൂ​പ്പ​ർഫാ​സ്റ്റ് ഓ​ടു​ന്നു​ണ്ടെ​ങ്കി​ലും ഇ​തി​നു പ്രാ​ദേ​ശി​ക സ്റ്റോ​പ്പു​ക​ൾ അ​നു​വ​ദി​ച്ചി​ട്ടി​ല്ല.

അ​മൃ​ത എ​ക്സ്പ്ര​സി​നു കൊ​ല്ല​ങ്കോ​ട്ട് മാ​ത്ര​മാ​ണ് സ്റ്റോ​പ്പു​ള്ള​ത്. മു​ൻ​കാ​ല​ങ്ങ​ളി​ൽ പു​തു​ന​ഗ​രം, മു​ത​ല​മ​ട സ്റ്റേ​ഷ​നു​ക​ളി​ൽ നി​ന്നും മീ​റ്റ​ർ​ഗേ​ജ് ട്രെ​യി​നി​ൽ നി​റ​യെ യാ​ത്ര​ക്കാ​രു​ണ്ടാ​യി​രു​ന്നു. എ​ന്നാ​ൽ ബ്രോ​ഡ്ഗേ​ജ് ലൈ​ൻ വ​ന്ന​തോ​ടെ പു​തു​ന​ഗ​രം സ്റ്റേ​ഷ​ൻ യാ​ത്ര​ക്കാ​രി​ല്ലാ​തെ വി​ജ​ന​മാ​യി​രി​ക്കു​ക​യാ​ണ്.

ഒ​രു ഡ​ബി​ൾഡ​ക്ക​ർ ട്രെ​യി​ൻ ഓ​ടി​ക്കു​മെ​ന്ന് അ​റി​യി​ച്ച് മൂ​ന്ന് മാ​സം മു​ന്പ് ട്ര​യ​ൽറ​ൺ ന​ട​ത്തി​യി​രു​ന്നു. എ​ന്നാ​ൽ മാ​സ​ങ്ങ​ളാ​യും ട്രെ​യി​ൻ സ​ർ​വീ​സ് തു​ട​ങ്ങി​യി​ട്ടി​ല്ല. വൈ​കാ​തെ പു​തു​ന​ഗ​ര​വും മു​ത​ല​മ​ട​യും മീ​നാ​ക്ഷി​പു​ര​വും ഫ്ലാ​ഗ് സ്റ്റേ​ഷ​നാ​യി ത​രം​താ​ഴ്ത്ത​പ്പെ​ടു​മെ​ന്ന ആ​ശ​ങ്ക​യു​മു​ണ്ട്.