പെരുവെമ്പ് : സംസ്ഥാനത്ത് സർവീസ് പെൻഷൻ പരിഷ്കരണ കമ്മീഷനെ ഉടൻ നിയമിക്കണമെന്ന് കെഎസ്എസ്പിഎ പെരുവെമ്പ് മണ്ഡലം വാർഷികസമ്മേളനം ആവശ്യപ്പെട്ടു. ക്ഷാമാശ്വാസ കുടിശിക അനുവദിക്കുന്നതിനും നടപടി വേണം. ജില്ലാ പ്രസിഡന്റ് കെ. ബാലകൃഷ്ണൻ ഉദ്ഘാടനം ചെയ്തു. മണ്ഡലം പ്രസിഡന്റ് കെ. വിജയകുമാർ അധ്യക്ഷത വഹിച്ചു.
സംസ്ഥാന സെക്രട്ടറിയേറ്റംഗം എം. പോൾ, മുൻ സംസ്ഥാന സെക്രട്ടറി സി. വേലായുധൻ, എം. ഉണ്ണികൃഷ്ണൻ, ആർ. മണി, സാംസ്കാരിക വേദി ജില്ലാ ചെയർമാൻ ചന്ദ്രൻ ചിറ്റൂർ, പെരുവെമ്പ് കോൺഗ്രസ് മണ്ഡലം സെക്രട്ടറി പി. സുരേഷ് ബാബു, പെരുവെമ്പ് സർവീസ് സഹകരണ ബാങ്ക് പ്രസിഡന്റ് കെ. മോഹൻ, പഞ്ചായത്തംഗം എം. രാജ്കുമാർ, കെഎസ്എസ്പിഎ ചിറ്റൂർ നിയോജകമണ്ഡലം പ്രസിഡന്റ് സുകുമാരൻ, സെക്രട്ടറി കെ.ജി. പത്മകുമാർ, ജയപ്രകാശ് നാരായണൻ, കെ. ശിവരാമൻ, ദണ്ഡപാണി, വി. രാമൻകുട്ടി, ഷൈലജ, പി. അംബിക എന്നിവർ പ്രസംഗിച്ചു. ഭാരവാഹികളായി പി.വി. ശശി -പ്രസിഡന്റ്, മുഹമ്മദ് നാസർ -സെക്രട്ടറി, വി. രാമൻ കുട്ടി -ട്രഷറർ എന്നിവരെ തെരഞ്ഞെടുത്തു.