വണ്ടിത്താവളം: സ്കൂൾ ഗ്രൗണ്ട് റോഡിന്റെ മധ്യഭാഗത്തുണ്ടായിരിക്കുന്ന വൻഗർത്തം ഇരുചക്രവാഹന-കാൽനടയാത്ര അതീവ ദുഷ്കരമാക്കി. ഗർത്തംകാരണം ഇരുവശത്തേക്കുമുള്ള വാഹനങ്ങൾ റോഡിന്റെ ഒരുവശംവഴി സഞ്ചരിക്കുന്നതിനാൽ ഇടയ്ക്കിടെ ഗതാഗതതടസവും ഉണ്ടാവുന്നുണ്ട്.
രാത്രി സഞ്ചരിക്കുന്ന വാഹനങ്ങൾക്കാണ് ഏറെ ദുരിതം. ഇരുചക്ര വാഹനങ്ങൾ നേർക്കുനേർ കൂട്ടിയിടിച്ച അപകടങ്ങളും ഉണ്ടായിട്ടുണ്ട്. സമീപവാസികൾ ഇടയ്ക്കിടെ ഗർത്തത്തിൽ മണ്ണിടാറുണ്ടെങ്കിലും മഴ പെയ്താലുടൻ ഇത് ഒലിച്ചുപോവുകയും വീണ്ടും ഗർത്തമുണ്ടാവുകയും ചെയ്യുന്നു.