മം​ഗ​ലം​പാ​ല​ത്തി​നു​സ​മീ​പം പു​ന​ർ​നി​ർ​മി​ച്ച ക​ൾ​വ​ർ​ട്ടി​ലെ സ്ലാ​ബ് വീ​ണ്ടും ത​ക​ർ​ന്നു
Friday, October 18, 2024 3:39 AM IST
വ​ട​ക്ക​ഞ്ചേ​രി: മം​ഗ​ലം- ഗോ​വി​ന്ദാ​പു​രം സം​സ്ഥാ​ന​പാ​ത​യി​ൽ മം​ഗ​ലം​പാ​ല​ത്തി​നു സ​മീ​പം പു​ന​ർ​നി​ർ​മി​ച്ച ക​ൾ​വ​ർ​ട്ട് വീ​ണ്ടും ത​ക​ർ​ന്നു. സം​ഭ​വം വാ​ർ​ത്ത​യാ​കും​മു​മ്പേ ത​ക​ർ​ന്ന​സ്ലാ​ബ് നീ​ക്കം​ചെ​യ്തു വീ​ണ്ടും നി​ർ​മി​ക്കാ​നു​ള്ള അ​ധി​കൃ​ത​രു​ടെ നീ​ക്കം നാ​ട്ടു​കാ​ർ ത​ട​ഞ്ഞു.

ചൊ​വ്വാ​ഴ്ച മു​ത​ലാ​ണ് പു​ന​ർ​നി​ർ​മി​ച്ച ക​ൾ​വ​ർ​ട്ടു​വ​ഴി വാ​ഹ​ന​ങ്ങ​ൾ ക​ട​ത്തി​വി​ട്ടു​തു​ട​ങ്ങി​യ​ത്. എ​ന്നാ​ൽ ഒ​രു​ദി​വ​സം​ക​ഴി​ഞ്ഞ് ഇ​ന്ന​ലെ രാ​വി​ലെ സ്ലാ​ബു​ത​ക​ർ​ന്നു.

നി​ർ​മാ​ണം പൂ​ർ​ത്തി​യാ​ക്കാ​നാ​ണെ​ന്ന മ​ട്ടി​ൽ ജെ​സി​ബി കൊ​ണ്ടു​വ​ന്നു പ​ത്ത​ടി​യോ​ളം​നീ​ള​വും അ​ഞ്ച​ടി വീ​തി​യു​മു​ള്ള സ്ലാ​ബ് മാ​റ്റി​വ​ച്ചു.

പി​ന്നീ​ട് പു​തി​യ സ്ലാ​ബ് വാ​ർ​ക്കാ​നു​ള്ള പ്ര​വൃ​ത്തി ആ​രം​ഭി​ച്ച​തോ​ടെ​യാ​ണു നാ​ട്ടു​കാ​ർ ഇ​ട​പെ​ട്ട​ത്. ഈ​രീ​തി​യി​ൽ ഇ​നി​യും​നി​ങ്ങ​ൾ പ​ണി ന​ട​ത്തേ​ണ്ട​തി​ല്ലെ​ന്നും ബ​ന്ധ​പ്പെ​ട്ട അ​ധി​കാ​രി​ക​ൾ എ​ത്തി​യ​ശേ​ഷം​മ​തി പ​ണി​ക​ളെ​ന്നും നാ​ട്ടു​കാ​ർ പ​റ​ഞ്ഞു.

വി​വ​ര​മ​റി​ഞ്ഞ് പ​ഞ്ചാ​യ​ത്ത് മെം​ബ​ർ സേ​തു, എ​ൻ​ജി​നീ​യ​ർ​മാ​ർ, എം​എ​ൽ​എ ഓ​ഫീ​സി​ൽ നി​ന്നു​ള്ള​വ​ർ, വ്യാ​പാ​രി​ക​ൾ എ​ന്നി​വ​ർ സ്ഥ​ല​ത്തെ​ത്തി. നി​ർ​മാ​ണ​ത്തി​ലെ അ​പാ​ക​ത സം​ബ​ന്ധി​ച്ച് പ​രി​ശോ​ധി​ച്ച് കു​റ്റ​ക്കാ​ർ​ക്കെ​തി​രേ ന​ട​പ​ടി​യെ​ടു​ക്കാ​മെ​ന്ന ഉ​റ​പ്പി​ലാ​ണ് പ​ണി​ക​ൾ പു​ന​രാ​രം​ഭി​ക്കാ​ൻ നാ​ട്ടു​കാ​ർ സ​മ്മ​തി​ച്ച​ത്. സ്ലാ​ബി​നു ബ​ല​ക്ഷ​യ​മു​ണ്ടെ​ന്ന സം​ശ​യ​ത്തി​ലാ​ണു വീ​ണ്ടും​പ​ണി​യു​ന്ന​തെ​ന്നും സ്ലാ​ബ് ത​ക​ർ​ന്നി​ട്ടി​ല്ലെ​ന്നു​മാ​ണു അ​ധി​കൃ​ത​രു​ടെ ന്യാ​യീ​ക​ര​ണം.


അ​ങ്ങ​നെ​യെ​ങ്കി​ൽ മാ​റ്റി​വ​ച്ച സ്ലാ​ബു​ത​ന്നെ പു​നഃ​സ്ഥാ​പി​ച്ചാ​ൽ​പോ​രെ എ​ന്ന ചോ​ദ്യ​ത്തി​നു വ്യ​ക്ത​മാ​യ ഉ​ത്ത​രം ന​ൽ​കാ​നും അ​ധി​കൃ​ത​ർ ത​യാ​റാ​യി​ല്ല. ര​ണ്ടു സ്ലാ​ബു​ക​ളാ​യാ​ണ് സം​സ്ഥാ​ന​പാ​ത​ക്കു​കു​റു​കെ ക​ൾ​വ​ർ​ട്ട് നി​ർ​മി​ച്ചി​രു​ന്ന​ത്.

മ​റു​ഭാ​ഗ​ത്തെ സ്ലാ​ബും ഇ​ത്ത​ര​ത്തി​ൽ പു​ന​ർ​നി​ർ​മി​ച്ച് ഒ​രാ​ഴ്ച​ക്കു​ള്ളി​ൽ ത​ക​ർ​ന്നു​വീ​ണി​രു​ന്നു. ഇ​തു​ര​ണ്ടാ​മ​തും നി​ർ​മി​ച്ച് ഇ​തി​ലൂ​ടെ ഒ​റ്റ​വ​രി​യാ​യി വാ​ഹ​ന​ങ്ങ​ൾ ക​ട​ത്തി​വി​ട്ട് എ​ൻ​ജി​നീ​യ​ർ​മാ​ർ ചു​റ്റും​നി​ന്നാ​ണ് ഇ​ന്ന​ലെ ത​ക​ർ​ന്ന സ്ലാ​ബ് ക​മ്പി​കെ​ട്ടി വാ​ർ​ത്ത​ത്. അ​തും ത​ക​ർ​ന്ന​തോ​ടെ​യാ​ണ് നാ​ട്ടു​കാ​ർ പ്ര​കോ​പി​ത​രാ​യ​ത്. നാ​ട്ടു​കാ​ർ​ക്ക് പി​ന്തു​ണ​യു​മാ​യി വാ​ഹ​ന​യാ​ത്ര​ക്കാ​രും പ്ര​തി​ഷേ​ധി​ക്കാ​നെ​ത്തി​യി​രു​ന്നു.