പാലക്കാട്: ഉപജില്ലാ ശാസ്ത്രമേള മൂത്താന്തറ കർണകിയമ്മൻ ഹയർ സെക്കൻഡറി സ്കൂളിൽ ആരംഭിച്ചു. എഇഒ രമേശ് പാറപ്പുറത്ത് ഉദ്ഘാടനം ചെയ്തു. സ്കൂൾ മാനേജർ യു. കൈലാസമണി അധ്യക്ഷത വഹിച്ചു. പ്രധാനാധ്യാപിക വി.കെ. നിഷ സ്വാഗതം പറഞ്ഞ ചടങ്ങിൽ സംസ്ഥാന അവാർഡ് ജേതാവ് ശശിധരൻ മാസ്റ്റർ മുഖ്യാതിഥിയായി. കൗണ്സിലർ കെ. ലക്ഷ്മണൻ, ബാലഗോപാൽ, വി. ഗംഗാധരൻ, അനൂപ് എബ്രഹാം, എ.ജെ. ശ്രീനി, ടി.എം. സാലിഹ്, ലിന്റോ വേങ്ങശേരി, എം.കെ. മുബാറക്, കെ.സി. ശുഭശ്രീ പ്രസംഗിച്ചു. സബ് ജില്ലയിലെ എണ്പതോളം വിദ്യാലയങ്ങളിൽ നന്നായി മൂവായിരത്തിൽപരം വിദ്യാർഥികൾ മത്സരയിനങ്ങളിൽ മാറ്റുരക്കുന്നുണ്ട്.