എ​രു​മേ​ലി: തീ​നാ​ള​ങ്ങ​ളി​ൽ ജീ​വ​ൻ പൊ​ലി​ഞ്ഞ ഒ​രു കു​ടും​ബ​ത്തി​ലെ മൂ​ന്നു പേ​ർ​ക്കും ഹൃ​ദ​യ വേ​ദ​ന​യോ​ടെ നാ​ടി​ന്‍റെ ക​ണ്ണീ​ർ യാ​ത്രാ​മൊ​ഴി. അ​ച്ഛ​നും അ​മ്മ​യും സ​ഹോ​ദ​രി​യും ക​ൺ​മു​മ്പി​ൽ തീ​പി​ടി​ച്ചു മ​ര​ണ​ത്തി​ലേ​ക്കു പോ​യ​തി​ന്‍റെ ന​ടു​ക്കു​ന്ന കാ​ഴ്ച മ​റ​ക്കാ​നാ​കു​ന്നി​ല്ല അ​ഖി​ലേ​ഷ് എ​ന്ന ഉ​ണ്ണി​ക്കു​ട്ട​ന്. പ്രി​യ​പ്പെ​ട്ട​വ​രെ ഒ​ന്നി​ച്ചു ന​ഷ്ട​പ്പെ​ട്ട അ​വ​നെ ആ​ശ്വ​സി​പ്പി​ക്കാ​ൻ ബ​ന്ധു​ക്ക​ൾ​ക്കും നാ​ട്ടു​കാ​ർ​ക്കും വാ​ക്കു​ക​ളില്ല.

എ​രു​മേ​ലി ശ്രീ​നി​പു​രം പു​ത്ത​ൻ​പു​ര​യ്ക്ക​ൽ സ​ത്യ​പാ​ല​ൻ (53), ഭാ​ര്യ സീ​ത​മ്മ (ശ്രീ​ജ-50), മ​ക​ൾ അ​ഞ്ജ​ലി (26) എ​ന്നി​വ​രു​ടെ സം​സ്കാ​ര​മാ​ണ് ഇ​ന്ന​ലെ കു​ടും​ബ​വീ​ടി​ന്‍റെ വ​ള​പ്പി​ൽ ഉ​ച്ച​യ്ക്ക് ഒ​രേ​സ​മ​യം ന​ട​ന്ന​ത്. വ​ൻ ജ​നാ​വ​ലി​യു​ടെ സാ​ന്നി​ധ്യ​ത്തി​ലാ​യി​രു​ന്നു സം​സ്കാ​ര​ച്ച​ട​ങ്ങു​ക​ൾ.

ക​ഴി​ഞ്ഞ ദി​വ​സ​മാ​ണ് വീ​ട്ടി​ൽ തീ ​പി​ടി​ച്ചു മൂ​ന്നു പേ​രും മ​ര​ണ​പ്പെ​ട്ട​ത്. സീ​ത​മ്മ വീ​ട്ടി​ൽ മ​രി​ച്ച നി​ല​യി​ലാ​യി​രു​ന്നു. ഗു​രു​ത​ര​മാ​യി പൊ​ള്ള​ലേ​റ്റ സ​ത്യ​പാ​ല​നും മ​ക​ളും ആ​ശു​പ​ത്രി​യി​ലാ​ണ് മ​രി​ച്ച​ത്. അ​ഖി​ലേ​ഷ് ഇ​ന്ന​ലെ മൂ​വ​രു​ടെ​യും മൃ​ത​ദേ​ഹ​ങ്ങ​ൾ​ക്കൊ​പ്പ​മാ​ണ് ആ​ശു​പ​ത്രി​യി​ൽ​നി​ന്നു വീ​ട്ടി​ൽ എ​ത്തി​യ​ത്.

അ​ഞ്ജ​ലി​ക്ക് പി​താ​വി​ന്‍റെ സ്ഥാ​പ​ന​ത്തി​ൽ മു​മ്പു ജോ​ലി ചെ​യ്തി​രു​ന്ന നാ​ട്ടി​ലെ യു​വാ​വു​മാ​യി ഉ​ണ്ടാ​യി​രു​ന്ന പ്ര​ണ​യ​ത്തെ​ത്തു​ട​ർ​ന്നു വി​വാ​ഹം ന​ട​ത്തു​ന്ന​തി​നെ​ച്ചൊ​ല്ലി വീ​ട്ടി​ലു​ണ്ടാ​യ എ​തി​ർ​പ്പാ​ണ് മ​ര​ണ​ത്തി​ൽ ക​ലാ​ശി​ച്ച​ത്.

പോ​ലീ​സ് വീ​ട് സീ​ൽ ചെ​യ്തി​രി​ക്കു​ക​യാ​ണ്. ഫോ​റ​ൻ​സി​ക് വി​ഭാ​ഗം എ​ത്തി തെ​ളി​വെ​ടു​പ്പ് ന​ട​ത്തി​യി​രു​ന്നു. മൂ​വ​രു​ടെ​യും മ​ര​ണം സം​ബ​ന്ധി​ച്ച് വി​ശ​ദ​മാ​യ അ​ന്വേ​ഷ​ണം ന​ട​ത്ത​ണ​മെ​ന്ന് സ​ത്യ​പാ​ല​ന്‍റെ സ​ഹോ​ദ​ര​ൻ സ​ന്തോ​ഷ്‌ പോ​ലീ​സി​നെ അ​റി​യി​ച്ചി​രു​ന്നു.