ADVERTISEMENT

ADVERTISEMENT

ശുചിത്വ ഭവനം സുന്ദര ഭവനം പദ്ധതി വൃത്തി-2025 കോൺക്ലേവിൽ

കോട്ടയം: തിരുവനന്തപുരം കനകക്കുന്ന് പാലസിൽ നടക്കുന്ന വൃത്തി 2025 കോൺക്ലേവിൽ ജില്ലയിൽനിന്നും അകലക്കുന്നം പഞ്ചായത്തിന്‍റെ തനത് പദ്ധതി ശുചിത്വ ഭവനം സുന്ദര ഭവനം പദ്ധതി അവതരിപ്പിച്ചു. പഞ്ചായത്ത് വൈസ് പ്രസിഡന്‍റ് മാത്തുക്കുട്ടി ഞായറുകുളം പദ്ധതിയുടെ അവതരണം നടത്തി.

പഞ്ചായത്ത് പ്രസിഡന്‍റ് സിന്ധു അനിൽകുമാർ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ജാൻസി ബാബു, രാജശേഖരൻ നായർ, ജോർജ് മൈലാടി, എം.എസ്. ആശിഷ്, സനൽ സാം എന്നിവർ പഞ്ചായത്തിനെ പ്രതിനിധീകരിച്ച് പങ്കെടുത്തു.
പഞ്ചായത്തിന് വൃത്തി 2025 ന്‍റെ ഭാഗമായി പ്രത്യേക പുരസ്കാരവും ലഭിച്ചു.

ADVERTISEMENT

അരുവിത്തുറ കോളജിൽ മുഖാമുഖം പരിപാടി സംഘടിപ്പിച്ചു

അരുവിത്തുറ: ബിരുദ പഠനത്തിൽ സാധ്യതകളുടെ അക്ഷയഖനി തുറന്ന് അരുവിത്തുറ സെന്‍റ് ജോർജസ് കോളജിൽ "സമീക്ഷ - 2025' മുഖാമുഖം പരിപാടി സംഘടിപ്പിച്ചു. ദേശീയ വിദ്യാഭ്യാസ നയത്തിന്‍റെ ഭാഗമായി അന്താരാഷ്‌ട്ര നിലവാരത്തിൽ നവീകരിച്ച ഡിഗ്രി ഓണേഴ്സ് കോഴ്സുകളിൽ വിജയകരമായി ബിരുദ പഠനം ആഗ്രഹിക്കുന്ന വിദ്യാർഥികൾക്കും അവരുടെ മാതാപിതാക്കൾക്കുമായാണ് പരിപാടി സംഘടിപ്പിച്ചത്.

ഡിഗ്രി ഓണേഴ്സ് കോഴ്സുകൾ സംബന്ധിച്ച് അറിയേണ്ടതെല്ലാം ഉൾപ്പെടുത്തി സംഘടിപ്പിച്ച പരിപാടിയുടെ ഉദ്ഘാടനം എംജി യൂണിവേഴ്സിറ്റി സിൻഡിക്കേറ്റ് അംഗം ഡോ. ജോജി അലക്സ് നിർവഹിച്ചു. പ്രിൻസിപ്പൽ പ്രഫ.ഡോ. സിബി ജോസഫ്, ബർസാർ റവ.ഫാ. ബിജു കുന്നയ്ക്കാട്ട്, വൈസ് പ്രിൻസിപ്പൽ ഡോ. ജിലു ആനി ജോൺ, ഐക്യുഎസി കോഓർഡിനേറ്റർ ഡോ. സുമേഷ് ജോർജ്, എഫ്‌വെെയുജിപി നോഡൽ ഓഫീസർ ഡോ. സിബിൽ ജോസ് തുടങ്ങിയവർ സംസാരിച്ചു.

ചങ്ങനാശേരിയിലെ റേഷന്‍കടകളില്‍ ഈ മാസത്തെ അരി എത്തിയില്ല : വിഷുവിന് കിട്ടിയില്ല; ഈസ്റ്ററിനു കിട്ടുമെന്ന് ഉറപ്പില്ല

ചങ്ങനാശേരി: ചങ്ങനാശേരി താലൂക്കിലെ റേഷന്‍ കടകളില്‍ ഈ മാസത്തെ ഭക്ഷ്യസാധനങ്ങള്‍ എത്തിയില്ല. വിഷുവിന് അരി വിതരണം മുടങ്ങി. ഈസ്റ്ററിനും കിട്ടുമെന്ന് ഉറപ്പില്ല. താലൂക്കില്‍ 147 റേഷന്‍ കടകളാണുള്ളത്. റേഷന്‍ വ്യാപാരികളുടേയും കാര്‍ഡ് ഉടമകളുടേയും പ്രതിഷേധത്തെത്തുടര്‍ന്ന് കഴിഞ്ഞ ശനിയാഴ്ച ആറുകടകളില്‍ സപ്ലൈകോയില്‍നിന്നും ഭക്ഷ്യസാധനങ്ങള്‍ എത്തിച്ചിട്ടുണ്ട്. 141 കടകളില്‍ സാധനങ്ങള്‍ ഇനിയും എത്തിയിട്ടില്ല. സാധനങ്ങളില്ലാത്തതുമൂലം വിഷുവിന് സാധാരണക്കാര്‍ക്ക് റേഷന്‍കടകളില്‍നിന്നു സാധനങ്ങള്‍ ലഭ്യമായില്ല. വിഷു പ്രമാണിച്ച് ഇന്ന് റേഷന്‍കടകള്‍ക്ക് അവധിയാണ്. നാളെയും ബുധനാഴ്ചയുമായി സാധനങ്ങള്‍ കടകളില്‍ എത്തിയെങ്കിലേ ഈസ്റ്ററിനും ഭക്ഷ്യവിതരണം നടക്കുകയുള്ളു. കഴിഞ്ഞമാസവും അവസാന ദിനങ്ങളിലാണ് റേഷന്‍കടകളില്‍ സാധനങ്ങളെത്തിയത്. പല കടകളിലും സ്റ്റോക്കുള്ള അരി പുഴുക്കെട്ടും പൂപ്പലുമുള്ളതാണെന്നു കാര്‍ഡ് ഉടമകള്‍ പറയുന്നു. എവൈ, പിഎച്ച്എച്ച് തുടങ്ങിയ വിഭാഗങ്ങള്‍ക്കുള്ള ആട്ട, കോന്നിയിലെ മില്ലില്‍നിന്നു പായ്ക്കു ചെയ്തു സപ്ലൈകോ ഗോഡൗണില്‍ എത്താന്‍ വൈകിയതാണ് കടകളില്‍ സാധനങ്ങള്‍ എത്താന്‍ വൈകിയതിനു കാരണമെന്നാണ് സപ്ലൈകോ അധികൃതരുടെ ഭാഷ്യം.

ഡല്‍ഹിയില്‍ കുരുത്തോല പ്രദക്ഷിണത്തിന് അനുമതി നിഷേധിച്ചത് ഫാസിസം: കൊടിക്കുന്നില്‍

ചങ്ങനാശേരി: ഡല്‍ഹിയില്‍ സമാധാനപരമായി നടത്തിവരുന്ന കത്തോലിക്കരുടെ കുരുത്തോല പ്രദിക്ഷിണത്തിന് ഡല്‍ഹി പോലീസ് അനുമതി നിഷേധിച്ച നടപടിയെ ശക്തമായി അപലപിക്കുന്നതായി കൊടിക്കുന്നില്‍ സുരേഷ് എംപി. പതിറ്റാണ്ടുകളായി പ്രത്യേക പ്രശ്‌നങ്ങളൊന്നുമില്ലാതെ നടത്തിവരുന്ന ഈ ആത്മീയ ചടങ്ങിന് എതിരായ നടപടി ബിജെപി സര്‍ക്കാരിന്‍റെ മതനിരോധന രാഷ്‌ട്രീയമാണെന്നും അദ്ദേഹം ആരോപിച്ചു. ഇത്തരം നീക്കങ്ങള്‍ ന്യൂനപക്ഷ സമൂഹത്തില്‍ ഭീതിയും അവഗണനയും വളര്‍ത്തുന്നുവെന്നും രാജ്യത്തിന്‍റെ മതനിരപേക്ഷതയും ജനാധിപത്യ ഘടനയും ഇത്തരത്തില്‍ ദുര്‍ബലമാകാന്‍ അനുവദിക്കരുതെന്നും എംപി പറഞ്ഞു.

ലഹരിക്കെതിരേ വെട്ടിത്തുരുത്തില്‍ ജനകീയ സദസും വാഹന വിളംബര റാലിയും

ചങ്ങനാശേരി: വര്‍ധിച്ചുവരുന്ന മയക്കുമരുന്ന്, രാസലഹരി ഉപയോഗത്തിലൂടെ യുവതലമുറ നാശത്തിലേക്കു നീങ്ങുന്നതിനെതിരേ വെട്ടിത്തുരുത്ത് ഇടവകയില്‍ ജനകീയ സദസും വാഹന വിളംബര റാലിയും ബോധവത്കരണ ക്ലാസും സംഘടിപ്പിച്ചു. കത്തോലിക്കാ കോണ്‍ഗ്രസ്, യുവദീപ്തി-എസ്എംവൈഎം യൂണിറ്റുകള്‍ സംയുക്തമായി നേതൃത്വം നല്‍കിയ വിളബര വാഹനജാഥ ബോട്ട് ജെട്ടിയില്‍നിന്നുമാരംഭിച്ചു. കത്തോലിക്കാ കോണ്‍ഗ്രസ് ഗ്ലോബല്‍ വൈസ് പ്രസിഡന്‍റ് രാജേഷ് ജോണ്‍ ഉദ്ഘാടനം ചെയ്തു. അതിരൂപത സെക്രട്ടറി സൈബി അക്കര പ്രസംഗിച്ചു. വാഹന വിളംബര ജാഥ വെട്ടിത്തുരുത്ത് കുരിശടി ജംഗ്ഷനില്‍ എത്തിച്ചേര്‍ന്നപ്പോള്‍ ചേര്‍ന്ന ലഹരി വിരുദ്ധ ജനകീയ സദസ് ജോബ് മൈക്കിള്‍ എംഎല്‍എ ഉദ്ഘാടനം ചെയ്തു. കത്തീഡ്രല്‍ പള്ളി വികാരി ഫാ. ജോസഫ് വാണിയപ്പുരയ്ക്കല്‍ അധ്യക്ഷത വഹിച്ചു. ദീപിക ന്യൂസ് എഡിറ്റര്‍ ജോണ്‍സണ്‍ പൂവന്തുരുത്ത് മുഖ്യപ്രഭാഷണം നടത്തി. വെട്ടിത്തുരുത്ത് ഇടവക വികാരി ഫാ. ടോം കൊറ്റത്തില്‍, കത്തോലിക്ക കോണ്‍ഗ്രസ് വെട്ടിത്തുരുത്ത് യൂണിറ്റ് പ്രസിഡന്‍റ് കെ.എസ്. ആന്‍റണി കരിമറ്റം, ഇമാം എസ്. സക്കീര്‍ ഹുസൈന്‍ മൗലവി, വിവിധ രാഷ്‌ട്രീയ സമുദായിക നേതാക്കളായ വി.ജെ. ലാലി, എം.പി. രാജഗോപാല്‍, സുധീഷ് സുഗതന്‍, സിബി വാസുദേവന്‍, കുഞ്ഞുമോന്‍ തൂമ്പുങ്കല്‍, ഔസേപ്പച്ചന്‍ ചെറുകാട്, ഇമ്മാനുവല്‍ പോള്‍സണ്‍, രാജേഷ് വര്‍ഗീസ്, ജോയിച്ചന്‍ കാര്‍ത്തികപ്പള്ളി, വി.എസ്. ജോര്‍ജ് വട്ടപ്പറമ്പില്‍, അലന്‍ സജി, ആന്‍ മരിയ രാജീവ്, ഉണ്ണിമോന്‍ ജോര്‍ജ്, സാബു കക്കാട്ടുപറമ്പില്‍ എന്നിവര്‍ പ്രസംഗിച്ചു.

തൃക്കൊടിത്താനത്ത് ലഹരിവിരുദ്ധ സന്ദേശയാത്ര

തൃക്കൊടിത്താനം: ലഹരിവിരുദ്ധ സന്ദേശവുമായി യുവദീപ്തി-എസ്എംവൈഎം തൃക്കൊടിത്താനം ഫൊറോനായുടെ നേതൃത്വത്തില്‍ ബൈക്ക് റാലി നടത്തി. കുന്നന്താനം സെന്‍റ് ജോസഫ് ദേവാലയത്തില്‍നിന്ന് ആരംഭിച്ച റാലി ഇടവക വികാരി ഫാ. തോമസ് പ്ലാത്തോട്ടത്തില്‍ ഫ്‌ളാഗ് ഓഫ് ചെയ്തു. തൃക്കൊടിത്താനം ജംഗ്ഷനില്‍ എത്തിയ ബൈക്ക് റാലി ഫൊറോനാ വികാരി ഫാ. സെബാസ്റ്റ്യന്‍ പുന്നശേരി സ്വീകരിച്ച് സന്ദേശം നല്‍കി. തൃക്കൊടിത്താനം പോലീസ് സ്റ്റേഷനിലെ പോലീസ് ഉദ്യോഗസ്ഥര്‍ ബര്‍ണബാസ് യു. ലഹരിക്കെതിരേ അവബോധ സന്ദേശം നല്‍കി. സിസ്റ്റര്‍ സ്‌നേഹ ലഹരിവിരുദ്ധ പ്രതിജ്ഞ ചൊല്ലിക്കൊടുത്തു. ഡയറക്ടര്‍ ഫാ. ജോണ്‍സണ്‍ മുണ്ടുവേലില്‍, പ്രസിഡന്‍റ് ദീപു അപ്രേം, ഹിമാ ട്രീസാ ജോബി, ജോസണ്‍ ജോസ് ജോസഫ്, ഷോണ്‍ തോമസ് എന്നിവര്‍ പ്രസംഗിച്ചു.

ഓശാനത്തിരുനാൾ ആചരണത്തോടെ വിശുദ്ധവാരത്തിനു തുടക്കം

ചങ്ങനാശേരി: ഓശാനത്തിരുനാള്‍ ആചരണത്തോടെ ക്രൈസ്തവര്‍ വിശുദ്ധവാരത്തിലേക്കു പ്രവേശിച്ചു. ഈശോയുടെ പീഡാനുഭവവും കുരിശുമരണവും ഉയിര്‍പ്പും വിശുദ്ധവാരത്തില്‍ അനുസ്മരിക്കും. കഴുതപ്പുറത്ത് എഴുന്നള്ളിയ ഈശോയ്ക്ക് ജറൂസലേം ജനത ഓശാന പാടിയതിന്‍റെ ഓര്‍മ പുതുക്കി ക്രൈസ്തവ ദേവാലയങ്ങളില്‍ കുരുത്തോല വെഞ്ചരിപ്പും കുരുത്തോല പ്രദക്ഷിണവും വിശുദ്ധകുര്‍ബാനയും നടന്നു. ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയിലെ ഓശാനശുശ്രൂഷകള്‍ രാവിലെ 6.15ന് പാരീഷ്ഹാളില്‍ ആരംഭിച്ചു. കുരുത്തോല വെഞ്ചരിപ്പിനും വിശുദ്ധകുര്‍ബാനയ്ക്കും ആര്‍ച്ച്ബിഷപ് മാര്‍ തോമസ് തറയില്‍ മുഖ്യകാര്‍മികത്വം വഹിച്ചു. വികാരി ഫാ. ജോസഫ് വാണിയപ്പുരയ്ക്കല്‍, ഫാ. നിഖില്‍ അറയ്ക്കത്തറ, ഫാ. ഷെറിന്‍ കുറശേരി, ഫാ. സിറിള്‍ കളരിക്കല്‍, ഫാ. റോബിന്‍ പുതുപ്പറമ്പില്‍ എന്നിവര്‍ സഹകാര്‍മികത്വം വഹിച്ചു. ചങ്ങനാശേരി പാറേല്‍ സെന്‍റ് മേരീസ് പള്ളിയില്‍ കുരുത്തോല വെഞ്ചരിപ്പ്, വിശുദ്ധകുര്‍ബാന. എന്നീ ശുശ്രൂഷകളോടെ ഓശാനത്തിരുനാള്‍ ആചരിച്ചു. വികാരി ഫാ. ജേക്കബ് വാരിക്കാട്ട്, ഫാ. ടെജി പുതുവീട്ടിക്കളം, ഫാ. ജിജോ മാറാട്ടുകളം എന്നിവര്‍ കാര്‍മികത്വം വഹിച്ചു. കുറുമ്പനാടം സെന്‍റ് ആന്‍റണീസ് ഫൊറോന പള്ളിയിലെ ഓശാനത്തിരുക്കര്‍മങ്ങള്‍ സെന്‍റ് പീറ്റേഴ്സ് സ്‌കൂളില്‍ ആരംഭിച്ചു. കുരുത്തോല വെഞ്ചരിപ്പിനും വിശുദ്ധകുര്‍ബാനയ്ക്കും അതിരൂപത വികാരി ജനറാള്‍ മോണ്‍. സ്‌കറിയ കന്യാകോണില്‍, വികാരി റവ.ഡോ. ജോബി കറുകപ്പറമ്പില്‍ എന്നിവര്‍ കാര്‍മികരായിരുന്നു. തൃക്കൊടിത്താനം സെന്‍റ് സേവ്യേഴ്സ് ഫൊറോന പള്ളിയില്‍ കുരുത്തോല വെഞ്ചരിപ്പിനും വിശുദ്ധകുര്‍ബാനയ്ക്കും വികാരി ഫാ. സെബാസ്റ്റ്യന്‍ പുന്നശേരി കാര്‍മികത്വം വഹിച്ചു. നെടുംകുന്നം സെന്‍റ് ജോണ്‍ ദി ബാപ്റ്റിസ്റ്റ് ഫൊറോന പള്ളിയിലെ ഓശാനത്തിരുക്കർമങ്ങൾക്കു വികാരി ഫാ. വര്‍ഗീസ് കൈതപ്പറമ്പില്‍ കാര്‍മികത്വം വഹിച്ചു. കുറുമ്പനാടം അസംപ്ഷന്‍ പള്ളിയില്‍ ഓശാനത്തിരുക്കര്‍മങ്ങള്‍ക്കും വിശുദ്ധകുര്‍ബാനയ്ക്കും വികാരി ഫാ. ജോസ് കൊച്ചുപറമ്പില്‍, ഫാ. ജോസഫ് പാറത്താനം എന്നിവര്‍ കാര്‍മ്മികരായിരുന്നു. ചെത്തിപ്പുഴ തിരുഹൃദയ പള്ളിയില്‍ കുരുത്തോല വെഞ്ചരിപ്പ്, പ്രദക്ഷിണം, വിശുദ്ധകുര്‍ബാന ശുശ്രൂഷകള്‍ക്ക് വികാരി ഫാ. തോമസ് കല്ലുകളം,ഫാ. ജിന്നു താഴത്ത് എന്നിവര്‍ കാര്‍മികത്വം വഹിച്ചു. ഫാത്തിമാപുരം ഫാത്തിമാമാതാ പള്ളിയില്‍ ഓശാന തിരുക്കര്‍മങ്ങള്‍ക്കും വിശുദ്ധകുര്‍ബാനയ്ക്കും വികാരി റവ.ഡോ. തോമസ് പാറത്തറ കാര്‍മികത്വം വഹിച്ചു. മാടപ്പള്ളി ചെറുപുഷ്പം പള്ളിയില്‍ കുരുത്തോല വെഞ്ചരിപ്പിനും വിശുദ്ധ കുര്‍ബാനയ്ക്കും വികാരി ഫാ. മാത്യു ചെത്തിപ്പുഴ, ഫാ. ജോണ്‍ തത്തക്കാട്ടുപുളിക്കല്‍ എന്നിവര്‍ കാര്‍മികത്വം വഹിച്ചു. വെരൂര്‍ സെന്‍റ് ജോസഫ് പള്ളിയില്‍ ഓശാനത്തിരുക്കര്‍മങ്ങള്‍ക്കും വിശുദ്ധകുര്‍ബാനയ്ക്കും വികാരി ഫാ. തോമസ് പുത്തന്‍പുരയ്ക്കല്‍, ഫാ. നിധിന്‍ അമ്പലത്തുങ്കല്‍ എന്നിവര്‍ കാര്‍മികരായിരുന്നു. തുരുത്തി മര്‍ത്ത്മറിയം ഫൊറോന പള്ളിയില്‍ കുരുത്തോല വെഞ്ചരിപ്പിനും വിശുദ്ധകുര്‍ബാന യ്ക്കും വികാരി ഫാ. ജോസ് വരിക്കപ്പള്ളി കാര്‍മികത്വം വഹിച്ചു. സഭയെ ഭിന്നിപ്പിക്കാൻ ആര്‍ക്കും കഴിയില്ല: മാര്‍ തോമസ് തറയില്‍ ചങ്ങനാശേരി: പൗരാവകാശങ്ങള്‍ മാനിച്ചും പൊതുനന്മ ലക്ഷ്യം വച്ചും പ്രവര്‍ത്തിക്കുന്ന ക്രൈസ്തവ സഭയെ സങ്കുചിത താല്പര്യങ്ങളുടെ പേരില്‍ ആര്‍ക്കും ഭിന്നിപ്പിക്കാന്‍ കഴിയില്ലെന്നും ക്രൈസ്തവര്‍ രാഷ്‌ട്രീയ പ്രബുദ്ധതയുള്ളവരാണെന്നും ആര്‍ച്ച്ബിഷപ് മാര്‍ തോമസ് തറയില്‍. ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയില്‍ ഓശാനത്തിരുക്കര്‍മങ്ങള്‍ക്ക് മുഖ്യകാര്‍മികത്വം വഹിച്ചു സന്ദേശം നല്‍കുകയായിരുന്നു ആര്‍ച്ച്ബിഷപ്. സമൂഹം എക്കാലവും അവഗണിക്കുന്ന കഴുതക്കുട്ടിയുടെ പുറത്താണ് കര്‍ത്താവ് തന്‍റെ രക്ഷാകരദൗത്യം പൂര്‍ത്തീകരിക്കാന്‍ വിനയാന്വിതനായി ജറുസലേമിലേക്കു കടന്നുവന്നത്. ലാളിത്യത്തിന്‍റെയും വിനയത്തിന്‍റെയും മഹനീയ മാതൃകയാണ് അവിടുന്ന് വെളിവാക്കിയത്. എളിമ, സഹനം, വിനയം, ലാളിത്യം, ത്യാഗം, അഹിംസ എന്നിവയാണ് ദൈവരാജ്യത്തിന്‍റെ മുഖമുദ്രയെന്ന് ഈശോ തന്‍റെ രാജകീയ പ്രവേശനത്തിലൂടെ വ്യക്തമാക്കുന്നുവെന്നും മാര്‍ തോമസ് തറയില്‍ കൂട്ടിച്ചേര്‍ത്തു.

ദേവാലയങ്ങളിൽ ഓശാനത്തിരുനാൾ ആചരിച്ചു

കടുത്തുരുത്തി: പെസഹ ആചരണത്തിന് മുന്നോടിയായി യേശുക്രിസ്തു ജറുസലേമിലേക്കു നടത്തിയ രാജകീയ പ്രവേശനത്തെ അനുസ്മരിച്ചു ക്രൈസ്തവര്‍ ഓശാന തിരുനാള്‍ ആചരിച്ചു. ദേവാലയങ്ങളില്‍ പ്രത്യേക പ്രാര്‍ഥനകളും തിരുക്കര്‍മങ്ങളും നടന്നു. രാവിലെ ദേവാലയങ്ങളില്‍ നടന്ന കുരുത്തോല വെഞ്ചരിപ്പ്, നേര്‍ച്ച വെഞ്ചരിപ്പ്, കുരുത്തോല പ്രദക്ഷിണം, ജപമാല, ആരാധന, വിശുദ്ധ കുര്‍ബാന എന്നീ തിരുക്കര്‍മങ്ങളില്‍ വിശ്വാസികളുടെ വലിയ തിരക്കായിരുന്നു. കടുത്തുരുത്തി സെന്‍റ് മേരീസ് ഫൊറോന താഴത്തുപള്ളിയുടെ ‍ പഴയപള്ളിയില്‍ രാവിലെ തിരുക്കര്‍മങ്ങള്‍ ആരംഭിച്ചു. തുടര്‍ന്ന് കുരുത്തോല വെഞ്ചരിപ്പ്, പുതിയ പള്ളിയിലേക്കു കുരുത്തോല പ്രദക്ഷിണം, വിശുദ്ധ കുര്‍ബാന എന്നിങ്ങനെയാണ് തിരുക്കര്‍മങ്ങള്‍ നടന്നത്. വികാരി ഫാ.മാത്യു ചന്ദ്രന്‍കുന്നേല്‍ മുഖ്യകാര്‍മികത്വം വഹിച്ചു. കടുത്തുരുത്തി സെന്‍റ് മേരീസ് ഫൊറോന വലിയപള്ളിയില്‍ രാവിലെ ഏഴിന് കുരുത്തോല വെഞ്ചരിപ്പോടെ തിരുക്കര്‍മങ്ങള്‍ ആരംഭിച്ചു. തുടര്‍ന്ന് പ്രദക്ഷിണം, വിശുദ്ധ കുര്‍ബാന, നേര്‍ച്ച വെഞ്ചരിപ്പ്, ദമ്പതികള്‍ക്കായുള്ള പ്രത്യേക പ്രാര്‍ഥന എന്നിവ നടന്നു. വികാരി ഫാ.ജോണ്‍സണ്‍ നീലനിരപ്പേല്‍ മുഖ്യകാര്‍മികത്വം വഹിച്ചു. മുട്ടുചിറ ഫൊറോന പള്ളിയില്‍ രാവിലെ 6.30ന് തിരുക്കര്‍മങ്ങള്‍ ആരംഭിച്ചു. കുരുത്തോല വെഞ്ചരിപ്പ്, തുടര്‍ന്ന് വിശുദ്ധ കുര്‍ബാന എന്നിങ്ങനെയാണ് തിരുക്കര്‍മങ്ങള്‍ നടന്നത്. വികാരി ഫാ.ഏബ്രഹാം കൊല്ലിത്താനത്തുമലയില്‍ കാര്‍മികത്വം വഹിച്ചു. മണ്ണാറപ്പാറ സെന്‍റ് സേവ്യേഴ്‌സ് പള്ളിയില്‍ രാവിലെ ആറിന് ഓശാന തിരുക്കര്‍മങ്ങള്‍ ആരംഭിച്ചു. തുടര്‍ന്ന് വിശുദ്ധ കുര്‍ബാനയ്ക്ക് വികാരി ഫാ.ജോസ് വള്ളോംപുരയിടം കാര്‍മികത്വം വഹിച്ചു. കാഞ്ഞിരത്താനം സെന്‍റ് ജോണ്‍സ് പള്ളിയിലെ ഓശാന തിരുക്കര്‍മങ്ങള്‍ രാവിലെ 6.45 ന് ആരംഭിച്ചു. 10.30നുള്ള വിശുദ്ധ കുര്‍ബാനയെത്തുടര്‍ന്ന് തമുക്ക് നേര്‍ച്ച വെഞ്ചരിപ്പും വിതരണവും നടന്നു. വികാരി ഫാ. ജയിംസ് വയലില്‍ നേര്‍ച്ച വെഞ്ചരിപ്പ് നിര്‍വഹിച്ചു. കോതനല്ലൂര്‍ കന്തീശങ്ങളുടെ ഫൊറോന പള്ളിയില്‍ രാവിലെ ഏഴിനു നടന്ന തിരുക്കര്‍മങ്ങള്‍ക്ക് വികാരി ഫാ. സെബാസ്റ്റ്യന്‍ പടിക്കക്കുഴുപ്പില്‍ കാര്‍മികത്വം വഹിച്ചു. അറുനൂറ്റിമംഗലം സെന്‍റ് തോമസ് മലകയറ്റ പള്ളിയില്‍ രാവിലെ ഏഴിന് ഓശാനയുടെ തിരുക്കര്‍മങ്ങള്‍ ആരംഭിച്ചു. വികാരി ഫാ.അഗസ്റ്റിന്‍ വരിക്കമാക്കല്‍ കാര്‍മികത്വം വഹിച്ചു. തലയോലപ്പറന്പ്: വിശുദ്ധ വാരാചരണത്തിന് പ്രാർഥനാനിർഭരമായ തുടക്കം കുറിച്ച് തലയോലപ്പറമ്പ് സെന്‍റ് ജോർജ് പള്ളിയിൽ ഓശാന ഞായർ ആചരിച്ചു. ഓശാന തിരുക്കർമങ്ങൾ സെന്‍റ് ജോർജ് സ്കൂൾ അങ്കണത്തിൽ ആരംഭിച്ചു. കുരുത്തോല വെഞ്ചരിച്ച് പ്രദക്ഷിണം പള്ളിയിലെത്തിയതിനെ തുടർന്ന് വിശുദ്ധ കുർബാന നടന്നു. വികാരി റവ. ഡോ. ബെന്നി ജോൺ മാരാംപറമ്പിൽ തിരുക്കർമങ്ങൾക്ക് കാർമികത്വം വഹിച്ചു. ഫാ. ജോഷി വാസുപുരത്തുകാരൻ സന്ദേശം നൽകി. ഇന്നും, നാളെയും കുമ്പസാരം ഉണ്ടായിരിക്കും. 17നു രാവിലെ 6.30ന് കാൽ കഴുകൽ ശുശ്രുഷ, വിശുദ്ധ കുർബാന പ്രസംഗം. ഏഴിന് അപ്പം മുറിക്കൽ ശുശ്രൂഷ. 18നു രാവിലെ ഏഴിന് പീഡാനുഭവ തിരുക്കർമങ്ങൾ. പ്രസംഗം സഹ വികാരി ഫാ. ഫ്രെഡ്‌ഡി കോട്ടൂർ, വൈകുന്നേരം നാലിന് യൂണിറ്റുകളിൽ നിന്ന് കുരിശിന്റെ വഴി പള്ളിയിൽ എത്തും. തുടർന്ന് പരിഹാര പ്രദക്ഷിണം. 5.30ന് പീഡാനുഭവ സന്ദേശം: സിസ്റ്റർ ഷെറിൻ. 19നു രാവിലെ 6.30ന് വിശുദ്ധ കുർബാന. ഉയിർപ്പ് തിരുക്കർമങ്ങൾ ശനിയാഴ്ച രാത്രി 10ന് പാരീഷ് ഹാളിൽ ആരംഭിക്കും.

ഇൻഡോർ സ്റ്റേഡിയം ഉദ്ഘാടനം ചെയ്തു

വൈക്കം: വൈക്കം ബാഡ്മിന്‍റൺ അക്കാദമിയുടെ ആഭിമുഖ്യത്തിൽ ഉദയനാപുരം നക്കം തുരുത്തിൽ നിർമിച്ച ഇൻഡോർ സ്റ്റേഡിയത്തിൽ ബാഡ്മിന്‍റൺ സമ്മർ കോച്ചിംഗ് ക്യാമ്പിന് തുടക്കമായി. വൈക്കം ബാഡ്മിന്‍റൺ അക്കാദമി പ്രസിഡന്‍റ് എൻ.പി. ലൗജി ന്‍റെ അധ്യക്ഷതയിൽ നടന്ന യോഗത്തിൽ ഇൻഡോർ സ്റ്റേഡിയത്തിന്‍റെ ഉദ്ഘാടനം ഫ്രാൻസിസ് ജോർജ് എംപി നിർവഹിച്ചു. ഇന്ത്യൻ ബാഡ്മിന്‍റൺ അസോസിയേഷൻ സീനിയർ വൈസ് പ്രസിഡന്‍റ് ദ്രോണാചാര്യ എസ്. മുരളീധരൻ ബാഡ്മിന്‍റൺ സമ്മർ കോച്ചിംഗ് ക്യാമ്പ് ഉദ്ഘാടനം ചെയ്തു. കെബിഎസ്എ ട്രഷറർ ജി. പ്രശാന്ത് മുഖ്യപ്രഭാഷണം നടത്തി. ഉദയനാപുരം പഞ്ചായത്ത് പ്രസിഡന്‍റ് പി.കെ.ആനന്ദവല്ലി, വൈസ് പ്രസിഡന്‍റ് സി.പി.അനൂപ്, കെഡിബിഎസ്എ കോട്ടയം പ്രസിഡന്‍റ് കുഞ്ഞ് മൈക്കിൾ മണർകാട്, അഡ്വ. ജോർജ്കാരിത്താനം, വൈക്കം ബാഡ്മിന്‍റൺ അക്കാദമി സെക്രട്ടറി ഡോ. പി.വിനോദ് തുടങ്ങിയവർ പ്രസംഗിച്ചു.

ആശാ പ്രവർത്തകയ്ക്ക് 12,000 രൂപ ഇൻസന്‍റീവ് നൽകി പഞ്ചായത്തംഗം

വൈക്കം: വിഷുവിനും ആശമാരുടെ സമരം സെക്രട്ടേറിയറ്റിൽ തുടരുമ്പോൾ തലയാഴത്ത് പഞ്ചായത്തംഗം ഒരു വർഷത്തെ ഇൻസന്‍റീവായി 12,000 രൂപ വാർഡിലെ ആശാ വർക്കർക്ക് വിഷുക്കൈനീട്ടമായി നൽകി.തലയാഴം പഞ്ചായത്ത് 10 -ാം വാർഡിലെ ബിജെപി മെംബർ പ്രീജു കെ. ശശിയാണ് വാർഡിലെ ആശാ പ്രവർത്തക മഹിളാമണിക്ക് 12,000 രൂപ ഇൻസന്‍റീവ് കൈ നീട്ടമായി നൽകിയത്. കോവിഡ് കാലത്തടക്കം വാർഡിലെ ആരോഗ്യ രംഗത്തെ പ്രവർത്തനങ്ങളിൽ മഹിളാമണി പ്രതിബദ്ധതയോടെ പ്രവർത്തിച്ചത് മുൻനിർത്തിയാണ് മാസം ആയിരം രൂപ എന്ന നിരക്കിൽ ഒരു വർഷത്തെ ഇൻസന്‍റീവ് പ്രിജു ഒരുമിച്ച് നൽകിയത്. സർക്കാർ പിഎസ്‌സി അംഗങ്ങൾക്കടക്കം ആനുകൂല്യങ്ങൾ വാരിക്കോരി നൽകിയിട്ടും നേരിയ വർധനയെങ്കിലും വരുത്തി ആശമാരുടെ സമരം വിഷുവിന് മുമ്പ് തീർക്കാതിരുന്നതിലെ തന്‍റെ പ്രതിഷേധമാണ് ഈ വിധത്തിൽ പ്രകടിപ്പിച്ചതെന്നു പ്രീജു കെ. ശശി പറഞ്ഞു. മഹിളാമണിക്കു പുറമെ തന്‍റെ വാർഡിലെ എഡിഎസ്, സിഡിഎസ്, മേറ്റുമാർ, വയോജനങ്ങൾഎന്നിവരുൾപ്പെട്ട 236 തൊഴിലുറപ്പ് തൊഴിലാളികൾക്കും പ്രീജു വിഷുക്കൈനീട്ടം നൽകി.

വിഷുക്കൈനീട്ടമായി സഹോദരങ്ങളുടെ മാമ്പഴ വിതരണം

കടുത്തുരുത്തി: വിഷുക്കൈനീട്ടമായി കുരുന്നുകളായ സഹോദരങ്ങളുടെ മാമ്പഴ വിതരണം. വിഷുവിന് വീട്ടില്‍ കണി വയ്ക്കാനായി പിതാവ് സന്തോഷ് മാമ്പഴം പറിക്കുന്നത് കണ്ടപ്പോഴാണ് ആയാംകുടി സെന്‍റ് തെരേസ് ഇംഗ്ലീഷ് മീഡിയം സ്‌കൂളിലെ വിദ്യാര്‍ഥിനിയായ മകള്‍ ജ്യോതികയ്ക്ക് ഇത്തരമൊരു ചിന്തയുണ്ടാകുന്നത്. തലയോലപ്പറമ്പ് കുറുന്തറ കണ്ടത്തില്‍ സന്തോഷിന്‍റെ മകളാണ് നാലാം ക്ലാസുകാരി ജ്യോതിക. പറിച്ചെടുക്കാത്തതിനാല്‍ മാമ്പഴമെല്ലാം വെറുതേ വീണ് പോവുകയാണല്ലോ. വിഷുവല്ലേ, ഇതു പറിച്ചെടുത്ത് എല്ലാവര്‍ക്കും സൗജന്യമായി നല്‍കിയാല്‍ അവര്‍ കണിയൊരുക്കുമ്പോള്‍ മാമ്പഴം കൊടുത്ത നമ്മളെയും ഓര്‍ക്കുമല്ലോ. ഇതായിരുന്നു ഈ കുരുന്നിന്‍റെ മനസിലെ ചിന്ത. മകളുടെ ആഗ്രഹത്തിന് സന്തോഷും ഭാര്യ റാണിയും പിന്തുണ നല്‍കി. തുടര്‍ന്ന് പറ്റാവുന്നിടത്തോളം മാമ്പഴം മക്കള്‍ക്കായി ഇരുവരും ചേര്‍ന്ന് പറിച്ചെടുത്തു. യുകെജി വിദ്യാര്‍ഥിനിയായ സഹോദരി സാന്‍വികയുമായി ചേര്‍ന്ന് ജ്യോതിക ബക്കറ്റില്‍ മാമ്പഴവും കൂട്ടിവച്ചു ഫ്രീ മാംഗോ എന്ന ബോര്‍ഡും വച്ച് പരിസരത്തുള്ള വീടുകളിലും റോഡിലൂടെ നടന്നും കാണുന്നവര്‍ക്കെല്ലാം മാമ്പഴം വിതരണം ചെയ്തു. 75 കിലോയോളം വരുന്ന അല്‍ഫോന്‍സ് ഇനത്തില്‍പ്പെട്ട മാമ്പഴമാണ് കുട്ടികള്‍ വിതരണം ചെയ്തത്. ആയാംകുടി സെന്‍റ് തെരേസാസ് ഇംഗ്ലീഷ് മീഡിയം സ്‌കൂളില്‍തന്നെയാണ് സാന്‍വികയും പഠിക്കുന്നത്.

വേനല്‍മഴയില്‍ പാടത്ത് വെള്ളം നിറഞ്ഞു :വിളവെടുക്കാനാവാതെ 47 ഏക്കറിലെ നെല്‍കൃഷി

കടുത്തുരുത്തി: വേനല്‍മഴയില്‍ പാടത്ത് വെള്ളം നിറഞ്ഞു. 47 ഏക്കറിലെ നെല്‍കൃഷി വിളവെടുക്കാനാവാതെ നാശാവസ്ഥയില്‍. മാഞ്ഞൂര്‍ പഞ്ചായത്തിലെ ആനിത്താനം-പെരുങ്കരി പാടശേഖരത്തെ നെല്‍കൃഷിയുടെ വിളവെടുപ്പാണ് പ്രതിസന്ധിയിലായിരിക്കുന്നത്. പാടത്ത് വെള്ളം കിടക്കുന്നതിനാല്‍ കൊയ്ത്തു യന്ത്രം ഇറക്കാനാവാത്തതാണ് പ്രതിസന്ധിക്ക് കാരണം. വേനല്‍മഴയില്‍ ജലനിരപ്പ് ഉയര്‍ന്ന് ഞാറക്കല്‍ തോട്ടില്‍നിന്നാണ് വെള്ളം പാടത്തേക്കു കയറിയത്. പുറംബണ്ടില്ലാത്തതാണ് വെള്ളം കയറാന്‍ കാരണമെന്ന് കര്‍ഷകനായ അനില്‍ പറയുന്നു. മോട്ടോര്‍ ഉണ്ടെങ്കിലും പാടത്തെയും സമീപമുള്ളതുമായ ചാലുകളൊന്നും കൃത്യമായി തെളിക്കാത്തതുമൂലം വെള്ളം പൂര്‍ണമായും വറ്റിക്കാനാവാത്തതും പ്രതിസന്ധിക്ക് ആക്കം കൂട്ടി. വെള്ളം കയറ്റാനും ഇറക്കാനും നിര്‍മിച്ച പാടത്തെ ചീപ്പ് (തടയണ) തകര്‍ന്ന് കിടക്കുകയാണ്. രണ്ടു വര്‍ഷമായി ഇവിടത്തെ കൃഷി വേനല്‍മഴയെത്തുടര്‍ന്ന് കൊയ്ത്ത് നടത്താനാവാതെ കര്‍ഷകര്‍ ഉപേക്ഷിക്കുകയായിരുന്നെന്നും അനില്‍ പറഞ്ഞു. 52 കര്‍ഷകരാണിവിടെയുള്ളത്. നവംബര്‍ ആദ്യം വിതച്ച നെല്ല് 25 ദിവസം വളര്‍ച്ചയെത്തിയപ്പോള്‍ മഴയെത്തുടര്‍ന്നു വെള്ളം കയറി നശിച്ചുപോയിരുന്നു. തുടര്‍ന്ന് ഡിസംബറില്‍ കിലോയ്ക്ക് 47 രൂപ നിരക്കില്‍ വിത്ത് വില കൊടുത്തു വാങ്ങിയാണ് വീണ്ടും വിതച്ചത്. രണ്ടാമത് ചെയ്ത കൃഷിയാണ് ഇപ്പോള്‍ വിളവെടുക്കാറായ സമയത്ത് വെള്ളം കയറി നാശാവസ്ഥയിലായിരിക്കുന്നത്. ഇത്തവണയും കൃഷി നശിച്ചാല്‍ വരുംകാലങ്ങളില്‍ കൃഷി ഉപേക്ഷിക്കേണ്ട അവസ്ഥയിലാണ് കര്‍ഷകരെന്നു പാടശേഖര സമിതി സെക്രട്ടറി ജോസഫും പ്രസിഡന്‍റ് ഏബ്രഹാമും പറഞ്ഞു. വലിയ സാമ്പത്തിക നഷ്ടമാണ് കര്‍ഷകര്‍ക്കുണ്ടായിരിക്കുന്നത്. ഒരേക്കറില്‍നിന്ന് 25 ക്വിന്‍റല്‍ നെല്ല് ലഭിക്കുന്ന നിലയില്‍ മികച്ച വിളവ് കിട്ടേണ്ട പാടശേഖരമാണ് കൊയ്ത്ത് നടത്താനാകാതെ കിടക്കുന്നതെന്നും പാടശേഖര സമിതി ഭാരവാഹികള്‍ പറയുന്നു.

ലഹരിവിരുദ്ധ കാമ്പയിൻ

കൂരോപ്പട: പബ്ലിക് ലൈബ്രറിയുടെ ആഭിമുഖ്യത്തിൽ ലഹരി വ്യാപനത്തിനെതിരേ സംഘടിപ്പിച്ച ലഹരിവിരുദ്ധ കാന്പയിനും ഇരുപതിൽ അധികം ഗായകർ പങ്കെടുത്ത സംഗീതനിശയും ചാണ്ടി ഉമ്മൻ എംഎൽഎ ഉദ്ഘാടനം ചെയ്തു. ലൈബ്രറി പ്രസിഡന്‍റ് ടി. ജി. ബാലചന്ദ്രൻ നായർ അധ്യക്ഷത വഹിച്ചു. ഡോ. മഞ്ജുഷ വി. പണിക്കർ, ലൈബ്രറി സെക്രട്ടറി ടി.എസ്. ഉണ്ണികൃഷ്ണൻ നായർ, വൈസ് പ്രസിഡന്‍റ് എസ്. അരുൺ തുടങ്ങിയവർ പ്രസംഗിച്ചു.

ഡോ. ബി.ആര്‍. അംബേദ്കര്‍ ജന്മദിനാഘോഷം

കോട്ടയം: അഖില കേരള ചേരമര്‍ ഹിന്ദു മഹാസഭ സംസ്ഥാന കമ്മിറ്റിയുടെ അഭിമുഖ്യത്തില്‍ ഡോ. ബി.ആര്‍. അംബേദ്ക്കര്‍ ദ്വിദിന ജന്മദിനാഘോഷ സംസ്ഥാന തല ഉദ്ഘാടം കോട്ടയം ഹെഡ് ഓഫീസില്‍ സംസ്ഥാന പ്രസിഡന്‍റ് എസ്. ബാബു നിര്‍വഹിച്ചു. സംസ്ഥാന വൈസ് പ്രസിഡന്‍റ് മുട്ടമ്പലം ശ്രീകുമാർ അധ്യക്ഷത വഹിച്ചു. ജനറല്‍ സെക്രട്ടറി സി.കെ. സനില്‍ കുമാര്‍, എസ്. കൃഷ്ണകുമാര്‍, എസ്. കണ്ണന്‍, സന്തോഷ് മണര്‍ക്കാട് തുടങ്ങിയവര്‍ പ്രസംഗിച്ചു. ജന്മദിന ദിവസമായ ഇന്നു ശാഖകളില്‍ ഛായാചിത്രത്തില്‍ പുഷ്പ്പാര്‍ചന, സംമ്മേളനം എന്നിവ നടത്തും.

ഓഹരിയുടമ ആവശ്യപ്പെട്ടാൽ പൊതുയോഗ മിനിറ്റ്സ് നൽകണമെന്ന് വിവരാവകാശ കമ്മീഷണർ

ഏറ്റുമാനൂർ: ഓഹരിയുടമ ആവശ്യപ്പെട്ടാൽ സഹകരണ ബാങ്ക് പൊതുയോഗത്തിന്‍റെ മിനിറ്റ്സിന്‍റെ പകർപ്പ് നൽകണമെന്ന് സംസ്ഥാന വിവരാവകാശ കമ്മീഷണർ ഡോ. കെ.എം. ദിലീപ് ഉത്തരവിട്ടു. അസിസ്റ്റന്‍റ് രജിസ്ട്രാർക്ക് വിവരാവകാശ അപേക്ഷ നൽകിയാൽ ബാങ്കിൽനിന്ന് മിനിറ്റ്സിന്‍റെ പകർപ്പ് വാങ്ങിക്കൊടുക്കണമെന്ന് ഉത്തരവിൽ പറയുന്നു. ഏറ്റുമാനൂർ സർവീസ് സഹകരണ ബാങ്ക് ഓഹരിയുടമയും സാമൂഹിക പ്രവർത്തകനുമായ പി.ജെ. ചാക്കോ (ജയിംസ് പുളിക്കൻ) നൽകിയ ഹർജിയിലാണ് ഉത്തരവ്.

ചാണ്ടി ഉമ്മന്‍റെ ഉപവാസം നാളെ

പാമ്പാടി: പുതുപ്പള്ളി നിയോജക മണ്ഡലത്തോടുള്ള സർക്കാരിന്‍റെ അവഗണനയ്ക്കെതിരേ നാളെ രാവിലെ എട്ടു മുതൽ പാമ്പാടി ബസ് സ്‌റ്റാൻഡിൽ ചാണ്ടി ഉമ്മൻ എംഎൽഎ ഉപവാസ സമരം നടത്തും. കെപിസിസി മുൻ പ്രസിഡന്‍റ് വി.എം.സുധീരൻ ഉദ്ഘാടനം ചെയ്യും. പാമ്പാടി വില്ലേജ് ഓഫീസ് നിർമാണം, പൊതുമരാമത്ത്-പഞ്ചായത്ത് റോഡുകളുടെ നവീകരണം, അകലക്കുന്നം അയുർവേദ ആശുപത്രി, കൂരോപ്പട വില്ലേജ് ഓഫീസ് ഉദ്ഘാടന പരിപാടികളിൽനിന്ന് എംഎൽഎയെ മാറ്റിനിർത്തൽ എന്നതടക്കമുള്ള വിഷയങ്ങൾക്കെതിരേയാണ് സമരം. കെ.ആർ നാരായണൻ ഫിലിം ഇൻസ്റ്റ‌ിറ്റ്യൂട്ട്, പാമ്പാടി ബസ് സ്‌റ്റാൻഡ് എന്നിവയ്ക്ക് അനുവദിച്ച എംഎൽഎ ഫണ്ട് ഉപയോഗിക്കാൻ തയാറാകുന്നില്ലെന്നും ചാണ്ടി ഉമ്മൻ എംഎൽഎ ആരോപിച്ചു. സ്വന്തം നിലയിൽ ഫണ്ടു കണ്ടെത്തിയതിനാൽ സർക്കാര് ഫണ്ട് നിഷേധിക്കുന്നതായും അദ്ദേഹം പറഞ്ഞു.

അനധികൃത നിർമാണം ഒഴിപ്പിക്കണം: ശാസ്ത്ര സാഹിത്യ പരിഷത്ത്

കുമരകം: നദീതീരങ്ങൾ കൈയേറിയുള്ള അനധികൃത നിർമാണങ്ങൾക്കെതിരേ നടപടി വേണമെന്ന് ശാസ്ത്ര സാഹിത്യ പരിഷത്ത് ജില്ലാ സമ്മേളനം. രണ്ടുദിവസമായി കുമരകത്ത് നടന്ന കേരള ശാസ്ത്ര സാഹിത്യ പരിഷത്ത് ജില്ലാ സമ്മേളനം ഇന്നലെ സമാപിച്ചു. ജില്ലയുടെ വികസന പ്രശ്നങ്ങൾ ഉയർത്തി പ്രത്യേക പ്രചാരണ പരിപാടികളും പദയാത്രയും സംഘടിപ്പിക്കാൻ സമ്മേളനത്തിൽ തീരുമാനായി. ജില്ലാ പ്രസിഡന്‍റ് കെ.കെ. സുരേഷ്കുമാർ അധ്യക്ഷത വഹിച്ചു. ജിസ് ജോസഫ്, വിഷ്ണു ശശിധരൻ, മഹേഷ് ബാബു, ആർ. സനൽകുമാർ എന്നിവർ പ്രസംഗിച്ചു. ഭാരവാഹികളായി പ്രഫ.എം.കെ. രാധാകൃഷ്ണൻ- പ്രസിഡന്‍റ്, ഡോ. എം.കെ. ബിജു, രശ്മി മാധവ് -വൈസ് പ്രസിഡന്‍റുമാർ, വിഷ്ണു ശശിധരൻ-സെക്രട്ടറി, കെ. ജയകുമാർ, സുനിത ശ്രീകുമാർ- ജോയിന്‍റ് സെക്രട്ടറിമാർ, ആർ. രാജേഷ് -ഖജാൻജി എന്നിവരെ തെരഞ്ഞെടുത്തു.

കുരുത്തോല പ്രദിക്ഷിണത്തിന് അനുമതി നിഷേധിച്ചത് ഫാസിസ്റ്റ് നിലപാട്: കൊടിക്കുന്നില്‍

ചങ്ങനാശേരി: ഡല്‍ഹിയില്‍ സമാധാനപരമായി നടത്തിവരുന്ന കത്തോലിക്കരുടെ കുരുത്തോല പ്രദിക്ഷിണത്തിന് ഡല്‍ഹി പോലീസ് അനുമതി നിഷേധിച്ച നടപടിയെ ശക്തമായി അപലപിക്കുന്നതായി കൊടിക്കുന്നില്‍ സുരേഷ് എംപി. പതിറ്റാണ്ടുകളായി പ്രത്യേക പ്രശ്‌നങ്ങളൊന്നുമില്ലാതെ നടത്തിവരുന്ന ഈ ആത്മീയ ചടങ്ങിന് എതിരായ നടപടി ബിജെപി സര്‍ക്കാരിന്‍റെ മതനിരോധന രാഷ്‌ട്രീയമാണെന്നും അദ്ദേഹം ആരോപിച്ചു. ഇത്തരം നീക്കങ്ങള്‍ ന്യൂനപക്ഷ സമൂഹത്തില്‍ ഭീതിയും അവഗണനയും വളര്‍ത്തുന്നുവെന്നും രാജ്യത്തിന്‍റെ മതനിരപേക്ഷതയും ജനാധിപത്യ ഘടനയും ഇത്തരത്തില്‍ ദുര്‍ബലമാകാന്‍ അനുവദിക്കരുതെന്നും എംപി പറഞ്ഞു.

സിന്തറ്റിക്ക് ഡ്രഗ്ഗുകളിൽനിന്ന് സിന്തറ്റിക്ക് ട്രാക്കുകളിലേക്ക് കുട്ടികളെ വഴിതിരിച്ചുവിടണം: കാതോലിക്കാബാവാ

കോട്ടയം: കലാലയങ്ങളിലടക്കം കുട്ടികൾ ലഹരിവലയിലേക്ക് വീഴുന്നതായി മലങ്കര ഓർത്തഡോക്സ് സഭയുടെ പരമാധ്യക്ഷൻ ബസേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാബാവാ. മാതൃദേവാലയമായ വാഴൂർ സെന്‍റ് പീറ്റേഴ്സ് ഓർത്തഡോക്സ് പള്ളിയിൽ ഓശാന ഞായർ ശുശ്രൂഷകൾക്ക് മുഖ്യകാർമികത്വം വഹിച്ച് പ്രസംഗിക്കുകയായിരുന്നു അദ്ദേഹം. ലഹരി ഉപയോഗത്തെ ലഘൂകരിക്കുന്ന സിനിമകൾ കുട്ടികൾക്ക് പ്രചോദനമാകുന്നുണ്ട്. സിന്തറ്റിക്ക് ഡ്രഗ്ഗുകളിൽനിന്ന് സിന്തറ്റിക്ക് ട്രാക്കുകളിലേക്ക് കുട്ടികളെ വഴിതിരിച്ചുവിടണം. ഇക്കാര്യത്തിൽ പത്തനംതിട്ട ജില്ലാ കളക്ടർ പ്രേം കൃഷ്ണന്‍റേത് മികച്ച മാതൃകയാണ്. മൊബൈൽ ഫോണുകളിൽ തളയ്ക്കപ്പെടുന്ന ബാല്യത്തിൽനിന്നു കുട്ടികളെ കളിക്കളങ്ങളിലേക്കാണ് കളക്ടർ സ്വാഗതം ചെയ്തത്. കുട്ടികൾ വായനാശീലത്തിൽ വളരണമെന്നും ലോകത്തെ ജയിച്ചവരുടെ ചരിത്രം കുട്ടികൾക്ക് പ്രചോദനമാകണമെന്നും പരിശുദ്ധ ബാവാ കൂട്ടിച്ചേർത്തു. വാഴൂർ സെന്‍റ് പീറ്റേഴ്സ് പള്ളിയിൽ രാവിലെ പ്രഭാതനമസ്ക്കാരത്തിന് ശേഷം പ്രദക്ഷിണവും കുരുത്തോല വാഴ്‌വും വിശുദ്ധ കുർബാനയും നടന്നു. ഇടവക വികാരി ഫാ. കുര്യാക്കോസ് മാണി, സഹവികാരി ഫാ. ജേക്കബ് ഫിലിപ്പോസ് എന്നിവർ നേതൃത്വം നൽകി. വലിയ ആഴ്ചയിൽ കാതോലിക്കാബാവാ മാതൃ ഇടവകയിൽ താമസിച്ച് ശുശ്രൂഷകൾക്ക് മുഖ്യകാർമികത്വം വഹിക്കുമെന്ന് ഇടവക ട്രസ്റ്റി എം.എ. അന്ത്രയോസ് മറ്റത്തിൽ, സെക്രട്ടറി സെബിൻ ബാബു എന്നിവർ അറിയിച്ചു.

സഭയെ ഭിന്നിപ്പിക്കാൻ ആര്‍ക്കും കഴിയില്ല: മാര്‍ തോമസ് തറയില്‍

ചങ്ങനാശേരി: പൗരവകാശങ്ങള്‍ മാനിച്ചും പൊതുനന്മ ലക്ഷ്യം വച്ചും പ്രവര്‍ത്തിക്കുന്ന ക്രൈസ്തവ സഭയെ സങ്കുചിത താല്പര്യങ്ങളുടെ പേരില്‍ ആര്‍ക്കും ഭിന്നിപ്പിക്കാന്‍ കഴിയില്ലെന്നും ക്രൈസ്തവര്‍ രാഷ്‌ട്രീയ പ്രബുദ്ധതയുള്ളവരാണെന്നും മാര്‍ തോമസ് തറയില്‍. ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയില്‍ ഓശാന തിരുക്കര്‍മങ്ങള്‍ക്ക് മുഖ്യകാര്‍മികത്വം വഹിച്ചു സന്ദേശം നല്‍കുകയായിരുന്നു ആര്‍ച്ച്ബിഷപ്. സമൂഹം എക്കാലവും അവഗണിക്കുന്ന കഴുതക്കുട്ടിയുടെ പുറത്താണ് കര്‍ത്താവ് തന്‍റെ രക്ഷാകരദൗത്യം പൂര്‍ത്തികരിക്കാന്‍ വിനയാന്വിതനായി ജറുസലേമിലേക്കു കടന്നുവന്നത്. ലാളിത്യത്തിന്‍റെയും വിനയത്തിന്‍റെയും മഹനീയ മാതൃകയാണ് അവിടുന്ന് വെളിവാക്കിയത്. എളിമ, സഹനം, വിനയം, ലാളിത്യം, ത്യാഗം, അഹിംസ എന്നിവയാണ് ദൈവരാജ്യത്തിന്‍റെ മുഖമുദ്രയെന്ന് ഈശോ തന്‍റെ രാജകീയ പ്രവേശനത്തിലൂടെ വ്യക്തമാക്കുന്നുവെന്നും മാര്‍ തോമസ് തറയില്‍ കൂട്ടിച്ചേര്‍ത്തു.

സഭകൾ സഹോദരങ്ങളെപ്പോലെ ജീവിക്കണം: ശ്രേഷ്ഠ കാതോലിക്ക

കോട്ടയം: ദൈവത്തിന്‍റെ സഭകൾ സഹോദരങ്ങളെ പോലെ ജീവിക്കാനുള്ള വഴികൾ തേടണമെന്ന് യാക്കോബായ സുറിയാനി സഭയുടെ ശ്രേഷ്ഠ കാതോലിക്ക മാർ ബസേലിയോസ് ജോസഫ് ബാവാ.ആഗോള മരിയൻ തീർഥാടന കേന്ദ്രമായ മണർകാട് വിശുദ്ധ മർത്തമറിയം യാക്കോബായ സുറിയാനി കത്തീഡ്രലിലെ ഓശാന പെരുന്നാൾ ശുശ്രൂഷകൾക്കും വിശുദ്ധ മൂന്നിന്മേൽ കുർബാനയ്ക്കും മുഖ്യകാർമികത്വം വഹിച്ച് പ്രസംഗിക്കുകയായിരുന്നു അദ്ദേഹം. തർക്കങ്ങളും വ്യവഹാരത്തിന്‍റെ വഴികളും ഒഴിവാക്കണം. അതാണ് ക്രിസ്തുവിന്‍റെ മാർഗം. കഴിഞ്ഞ കാലങ്ങളിലെ മുറിവുകൾ ഉണങ്ങാൻ, അതിന്‍റെ ആഴങ്ങൾ എത്ര വലുതാണെങ്കിലും ഈ പീഡാനുഭവ വാരം കർത്താവിന്‍റെ ക്രൂശിന്‍റെ വഴി ധ്യാനിക്കുന്നതിലൂടെ സാധിക്കണമെന്നും കാതോലിക്ക ബാവ പറഞ്ഞു. കത്തീഡ്രൽ സഹവികാരിമാരായ കുര്യാക്കോസ് കോർ എപ്പിസ്കോപ്പ കിഴക്കേടത്ത്, കുര്യാക്കോസ് കോർഎപ്പിസ്കോപ്പ കറുകയിൽ, ഫാ. കുര്യാക്കോസ് കാലായിൽ, ഫാ. എം.ഐ. തോമസ് മറ്റത്തിൽ, ഫാ. ഗീവറുഗീസ് നടുമുറിയിൽ, ഫാ. സനോജ് തെക്കേകുറ്റ്, ഫാ. ലിറ്റു തണ്ടാശേരിയിൽ, ഡീക്കൻ ഡോ. ജിതിൻ കുര്യൻ ആൻഡ്രൂസ് ചിരവത്തറ, ഡീക്കൻ ജിതിൻ മൈലക്കാട്ട് എന്നിവർ സന്നിഹിതർ ആയിരുന്നു. മണർകാട് കത്തീഡ്രലിലെ ദുഃഖവെള്ളി ശുശ്രൂഷകൾക്കും ശ്രേഷ്ഠ ബാവാ മുഖ്യകാർമികത്വം വഹിക്കുമെന്ന് കത്തീഡ്രൽ ട്രസ്റ്റിമാരായ സുരേഷ് കെ. ഏബ്രഹാം, ബെന്നി ടി. ചെറിയാൻ, ജോർജ് സഖറിയാ, സെക്രട്ടറി പി.എ. ചെറിയാൻ എന്നവർ അറിയിച്ചു.

60 ലക്ഷവും 61 പവനും തട്ടിയെടുത്ത ദമ്പതികൾക്കും സുഹൃത്തിനുമെതിരേ കേസ്

ഗാന്ധിനഗർ: ഹണി ട്രാപ്പിൽ കുടുക്കി യുവ എൻജിനിയറിൽനിന്ന് 60 ലക്ഷം രൂപയും 61 പവൻ സ്വർണവും തട്ടിയെടുത്ത ദമ്പതികൾക്കും സുഹൃത്തിനുമെതിരേ കേസ്. അമ്മഞ്ചേരി സ്വദേശി ധന്യ, ഭർത്താവ് അർജുൻ, സുഹൃത്ത് തിരുവഞ്ചൂർ സ്വദേശി അലൻ തോമസ് എന്നിവർക്കെതിരേയാണ് ഗാന്ധിനഗർ പോലീസ് കേസെടുത്തിരിക്കുന്നത്. പ്രതികൾ സമാനമയ തട്ടിപ്പു നടത്തി നിരവധി ആളുകളിൽനിന്നു പണം തട്ടിയതായാണ് വിവരം. പ്രതികൾ മൂന്നുപേരും ഒളിവിലാണ്. പ്രതിയായ യുവതി കഴിഞ്ഞമാസം ഗാന്ധിനഗർ പോലീസ് സ്റ്റേഷനിലെ പിആർഒക്കെതിരേ വിജിലൻസിൽ പരാതിപ്പെട്ടിരുന്നു. കൈക്കൂലിയായി ലൈംഗികബന്ധവും മദ്യവും ആവശ്യപ്പെട്ടതായി ആരോപിച്ചാണ് യുവതി പിആർഒക്കെതിരേ വിജിലൻസിനെ സമീപിച്ചത്. ഇതേത്തുടർന്ന് വിജിലൻസ് സംഘം യുവതിയെ കാണാനെത്തിയ പിആർഒയെ കസ്റ്റഡിയിൽ എടുത്തിരുന്നു.

വിദ്യാഭ്യാസ വകുപ്പിലെ വിവേചനത്തിനെതിരേ എച്ച്‌ജെടിഎഫ്

കോട്ടയം: ഹയര്‍ സെക്കന്‍ഡറി വിദ്യാഭ്യാസ വകുപ്പിലെ വിവേചനത്തിനെതിരേ ഹയര്‍ സെക്കന്‍ഡറി ജൂണിയര്‍ ടീച്ചേഴ്സ് ഫെഡറേഷന്‍ (എച്ച്‌ജെടിഎഫ്). തുല്യ യോഗ്യതയുണ്ടായിട്ടും പഠിപ്പിക്കല്‍ സമയത്തിന്‍റെ പേരില്‍ 25 വര്‍ഷത്തിലധികമായി കടുത്ത അവഗണ നേരിട്ടുകൊണ്ടിരിക്കുന്ന വിഭാഗമാണ് എച്ച്എസ്എസ്ടി ജൂണിയര്‍ അധ്യാപകര്‍. യോഗ്യത നേടിയിട്ടും പ്രിന്‍സിപ്പല്‍ പ്രമോഷന്‍ നിഷേധിക്കപ്പെടുകയാണ്. ഒരേസമയമുള്ള (ആഴ്ചയില്‍ അഞ്ച് ദിവസം രാവിലെ ഒന്പതു മുതല്‍ വൈകുന്നേരം 4.45 വരെ) എച്ച്എസ്എസ്ടി സീനിയറും ജൂണിയറും തമ്മില്‍ ശമ്പളത്തിലും പെന്‍ഷനിലും ഉണ്ടാകുന്ന വലിയ സാമ്പത്തിക അന്തരവും നിലവിലെ സ്‌പെഷല്‍ റൂളിന്‍റെയും ശമ്പള നിര്‍ണയത്തിന്‍റെയും അപാകതകള്‍ പ്രമോഷന്‍ ലഭിച്ചാല്‍ പോലും ശമ്പളവും ആനുകൂല്യങ്ങളും നഷ്ടമാകുകയുമാണ്. ക്ലറിക്കല്‍, ഓഫീസ് മുതലായ ജോലികള്‍ ജൂണിയറായതിനാല്‍ നിര്‍ബന്ധപൂര്‍വം നല്‍കുകയുമാണ്. അധ്യാപകര്‍ നേരിടുന്ന പ്രശ്‌നങ്ങള്‍ അനുഭാവപൂര്‍വം പരിഗണിച്ച് പരിഹാരം കാണണമെന്ന് അഭ്യര്‍ഥിച്ചു സംസ്ഥാന വ്യാപകമായി ഒമ്പതിനു വിവേചനവിരുദ്ധ ദിനമായി ബ്ലാക്ക് ആന്‍ഡ് വൈറ്റ് ഡ്രസ് കോഡ് ധരിച്ച് ഫോട്ടോകളെടൂത്ത് സ്റ്റാറ്റസ് ആക്കി പ്രതിഷേധിക്കും. തുടര്‍ച്ചയായി മേയ് 22നു തിരുവനന്തപുരത്ത് സംസ്ഥാനസമ്മേളനവും വിവേചന വിരുദ്ധ ജാഥയും സംഘടിപ്പിക്കുമെന്നും ഭാരവാഹികള്‍ പറഞ്ഞു. പത്രസമ്മേളനത്തില്‍ സംസ്ഥാന സെക്രട്ടറി ബോബന്‍ ഫിലിപ്പ്, ജില്ലാ പ്രസിഡന്‍റ് ചാള്‍സണ്‍ മാത്യു തുടങ്ങിയവര്‍ പങ്കെടുത്തു.

കണ്ണാടിപ്പായയ്ക്ക് ഭൗമ സൂചികാപദവി

ചെറുതോണി: ആദിവാസികൾ നെയ്തെടുക്കുന്ന പുതുതലമുറയ്ക്ക് പരിചിതമല്ലാത്ത കണ്ണാടിപ്പായയ്ക്ക് ഭൗമസൂചിക പദവി ലഭിച്ചു. കഞ്ഞിക്കുഴി പഞ്ചായത്തിലെ വെണ്‍മണി പാലപ്ലാവ് ആദിവാസി കോളനിയിലെ ഉൗരാളി വിഭാഗത്തിൽപ്പെട്ട ആദിവാസികളാണ് കണ്ണാടിപ്പായ നെയ്തെടുക്കുന്നത്. ജില്ലയിലേക്ക് ഭൗമസൂചിക പദവിയെത്തുന്നത് ഇതു രണ്ടാംതവണയാണ്. കഴിഞ്ഞവർഷം വട്ടവട വെളുത്തുള്ളിക്കും ഭൗമസൂചിക പദവി ലഭിച്ചിരുന്നു. കേരളത്തിലെ ആദിവാസി വിഭാഗത്തിന് ആദ്യമായാണ് ഈ അംഗീകാരം ലഭിക്കുന്നത്. പാലപ്ലാവ് ആദിവാസി കോളനിയിൽ നൂറോളം ഉൗരാളി കുടുംബങ്ങളാണുള്ളത്. ഇതിൽ അറുപതോളം കുടുംബങ്ങളിൽ കണ്ണാടിപ്പായ നെയ്യുന്നുണ്ട്. ഇവരുടെ കുലത്തൊഴിലായ കണ്ണാടിപ്പായനിർമാണം ഉൗരാളി കുടുംബങ്ങളിൽപ്പെട്ട പ്രായമായ സ്ത്രീകൾ മാത്രമെ ഇവിടെ ചെയ്യുന്നുള്ളൂ. വനത്തിൽനിന്ന് പ്രത്യേകയിനം ഈറ്റ കൊണ്ടുവന്നാണ് കണ്ണാടിപ്പായ നെയ്യുന്നത്. പഴയ കാലത്ത് രാജാവിനെ മുഖം കാണിക്കാൻ ചെല്ലുന്പോൾ ആദിവാസികൾ കാണിക്കയായി സമർപ്പിച്ചിരുന്നത് കണ്ണാടി പ്പായയായിരുന്നു. ഏറെ മിനുസമുള്ളതും സൂര്യപ്രകാശത്തെ പ്രതിഫലിപ്പിക്കുന്നതുമായതിനാലാണ് ഇതിനെ കണ്ണാടിപ്പായ എന്നു വിളിക്കുന്നത്. ആറടി നീളവും നാലടി വീതിയുമുള്ളതാണ് ഒരു പായ. ഒരു പായ നെയ്തെടുക്കാൻ ഒരുമാസം വേണ്ടി വരും. 25,000 രൂപ മുതൽ 30,000 രൂപ വരെ ഒരു പായയ്ക്ക് വില ലഭിക്കും. ഏറെ ക്ഷമയും സൂക്ഷ്മതയും ആവശ്യമുള്ള തൊഴിലാണിത്. പ്രായം ചെന്നവർക്കേ ഇതു നെയ്തു പരിചയമുള്ളൂ. പരിശീലനം നൽകി പ്രോൽസാഹിപ്പിക്കാൻ അധികൃതർ തയാറാകാത്തതിനാൽ ഇപ്പോഴത്തെ തലമുറയ്ക്ക് പായ നെയ്യുന്നതിൽ പ്രാവീണ്യവുമില്ല. പ്രായമായവർ നാടുനീങ്ങുന്നതോടെ കണ്ണാടിപ്പായയും വിസ്മൃതിയിലാകുമെന്ന ആശങ്കയുമുണ്ട്. ഒരു കണ്ണാടിപ്പായ 10 വർഷം വരെ കേടുകൂടാതെയിരിക്കും. വനഗവേഷണകേന്ദ്രത്തിലെ ശാസ്ത്രജ്ഞന്മാരുടെയടക്കം കഴിഞ്ഞ ഒരു വർഷത്തെ പരിശ്രമത്തിന്‍റെ ഫലമായാണ് കഞ്ഞിക്കുഴിയിലെ ആദിവാസികൾ നെയ്തെടുക്കുന്ന കണ്ണാടിപ്പായയ്ക്ക് ഭൗമസൂചികാ പദവി ലഭിക്കുന്നത്.

ലഹരി: നാടിനെ രക്ഷിക്കാന്‍ സര്‍ക്കാര്‍ കര്‍ശന നടപടികള്‍ സ്വീകരിക്കണമെന്ന് ജി. സുകുമാരന്‍ നായര്‍

ചങ്ങനാശേരി: ലഹരിവസ്തുക്കളുടെ ഉപയോഗം നിരോധിക്കുന്നതിന് ഗവണ്‍മെന്‍റുകളുടെ ഭാഗത്തുനിന്നു കര്‍ശനനടപടി ഉണ്ടാകണമെന്ന് എന്‍എസ്എസ് ജനറല്‍ സെക്രട്ടറി ജി. സുകുമാരന്‍ നായര്‍. ലഹരിയുടെ ഉപയോഗംകൊണ്ട് ശാരീരികവും മാനസികവുമായി വ്യക്തികളില്‍ ഉണ്ടാകുന്ന പ്രത്യാഘാതങ്ങളെക്കുറിച്ച് പാഠ്യപദ്ധതിയില്‍ ഉള്‍പ്പെടുത്തി കുട്ടികളില്‍ അവബോധം സൃഷ്ടിക്കേണ്ടത് അനിവാര്യമാണ്. സ്‌കൂളുകളും കോളജുകളും കേന്ദ്രീകരിച്ച് അതത് സ്ഥാപനങ്ങളിലെ പ്രഥമാധ്യാപകരുമായി സഹകരിച്ച് ഷാഡോ പോലീസിംഗിലൂടെ കുട്ടികള്‍ക്കിടയിലുള്ള ലഹരി വിതരണം, ഉപഭോഗം എന്നിവ തടയാന്‍ ശക്തമായ നടപടി സ്വീകരിക്കണം. ചെക്ക് പോസ്റ്റുകളിലെ വാഹനപരിശോധന ശക്തിപ്പെടുത്തുന്നതിനൊപ്പം അയല്‍ സംസ്ഥാനങ്ങളിലെയും നമ്മുടെ സംസ്ഥാനത്തിനകത്തെയും ബന്ധപ്പെട്ട വകുപ്പുകളെ ഏകോപിപ്പിച്ച് സംയുക്ത പരിശോധന കര്‍ശനമാക്കണം. ഇക്കാര്യങ്ങള്‍ സര്‍ക്കാര്‍ ശ്രദ്ധിച്ചാല്‍ കുട്ടികളിലെയും യുവതലമുറയിലെയും ലഹരി ഉപയോഗവും വ്യാപനവും ഒരു പരിധിവരെ തടയാന്‍ സാധിക്കുമെന്നും സുകുമാരന്‍നായര്‍ കൂട്ടിച്ചേര്‍ത്തു. മയക്കുമരുന്നുകടത്ത് ആരോപണവിധേയരായ വ്യക്തികളുടെ സ്വത്ത് കണ്ടുകെട്ടുന്നതിനുള്ള വ്യവസ്ഥകള്‍ നര്‍കോട്ടിക് ഡ്രഗ്‌സ് ആൻഡ് സൈക്കോട്രോപിക് ആക്ട് ഭേദഗതിയിലൂടെ ശക്തിപ്പെടുത്തുകയും ആവര്‍ത്തിച്ചുള്ള കുറ്റകൃത്യങ്ങള്‍ക്ക് മരണശിക്ഷവരെ നല്കാനുള്ള വിവേചനാധികാരം കോടതികള്‍ക്ക് നൽകുകയും വേണമെന്ന് അദ്ദേഹം പറഞ്ഞു.

ജോസഫ് ജിമ്മിക്ക് ഒന്നാം റാങ്ക്

പാലാ: ഇന്ദിരാഗാന്ധി നാഷണല്‍ ഓപ്പണ്‍ യൂണിവേഴ്സിറ്റിയുടെ (ഇഗ്‌നൗ) 2024 ലെ ബാച്ചിലര്‍ ഓഫ് ആര്‍ട്സ് പ്രോഗ്രാമില്‍ ഒന്നാം റാങ്കും സ്വര്‍ണ മെഡലും ജോസഫ് ജിമ്മി കരസ്ഥമാക്കി. പാലാ അന്തീനാട് മുണ്ടത്താനത്ത് ജിമ്മി ജോസഫിന്‍റെയും ലിറ്റിയുടെയും മകനാണ്. പാലാ ഇടപ്പാടി കരിയര്‍ ഡ്രീംസ് കോളജ് വിദ്യാര്‍ഥിയായിരുന്നു. ന്യൂഡല്‍ഹിയിലെ ഇഗ്‌നൗ ആസ്ഥാനത്ത് കേന്ദ്ര വിദ്യാഭ്യാസ മന്ത്രി ധര്‍മേന്ദ്ര പ്രധാന്‍ മുഖ്യാതിഥിയായ സമ്മേളനത്തില്‍ ഇഗ്‌നൗ വൈസ് ചാന്‍സലര്‍ പ്രഫ. ഉമ കാഞ്ചിലാലിന്‍റെ സാന്നിധ്യത്തില്‍ ഐഐഎം. തിരുച്ചിറപ്പള്ളി ഡയറക്ടര്‍ ഡോ. പവന്‍ കുമാര്‍ സിംഗില്‍നിന്നു റാങ്ക് സര്‍ട്ടിഫിക്കറ്റും സ്വര്‍ണമെഡലും ജോസഫ് ജിമ്മി ഏറ്റുവാങ്ങി.

എരുമേലി സ്വദേശിനി മൈസൂരുവിൽ അപകടത്തിൽ മരിച്ചു

എരുമേലി: മൈസൂരുവിൽ ബൈക്ക് തെന്നിമറിഞ്ഞ് ഡിവൈഡറിലിടിച്ച് എരുമേലി സ്വദേശിയായ യുവതിക്ക് ദാരുണാന്ത്യം. ഒപ്പമുണ്ടായിരുന്ന യുവാവിനെ ഗുരുതര പരിക്കുകളോടെ ആശുപത്രിയിൽ പ്രവേശിപ്പിച്ചു. എരുമലി മുക്കൂട്ടുതറ പാണപിലാവ് എരുത്വാപ്പുഴ കളത്തൂർ ബിജു- സുനിത ദമ്പതികളുടെ ഏക മകൾ കാർത്തിക ബിജു (25) ആണ് മരിച്ചത്. സംസ്കാരം ഇന്ന് ഉച്ചയ്ക്ക് ഒന്നിന് വീട്ടുവളപ്പിൽ നടക്കും. ബംഗളൂരുവിലെ ഒരു സ്വകാര്യ കമ്പനിയില്‍ ജിയോളജിസ്റ്റായി ജോലി ചെയ്തിരുന്ന കാർത്തിക അവധിക്ക് നാട്ടിലേക്ക് സുഹൃത്തിന്‍റെ ബൈക്കിൽ വരുമ്പോഴായിരുന്നു അപകടം. കഴിഞ്ഞ ദിവസം ഉച്ചയ്ക്ക് മൈസൂരു-നഞ്ചന്‍ഗുഡ് ദേശീയപാതയിലാണ് അപകടം നടന്നത്. ബൈക്ക് ഡിവൈഡറില്‍ ഇടിച്ച്‌ മറിയുകയായിരുന്നുവെന്ന് ബന്ധുക്കളെ പോലിസ് അറിയിച്ചു. റോഡ് പണി നടക്കുന്നതിനാല്‍ ബൈക്ക് തെന്നി മറിഞ്ഞാണ് ഡിവൈഡറിലിടിച്ചത്. കാർത്തിക അപകട സ്ഥലത്തുവച്ച്‌ തന്നെ മരിച്ചു. ബൈക്ക് ഓടിച്ചിരുന്ന പാലക്കാട് ഒറ്റപ്പാലം മാങ്കോട് തൃക്കടേരി ചാമണ്ണൂർ ജി. ഗിരിശങ്കർ തരകൻ (26) ഗുരുതര പരിക്കുകളോടെ മൈസൂരു ജെഎസ്‌എസ് ആശുപത്രിയില്‍ ചികിത്സയിലാണ്. കാർത്തികയുടെ മൃതദേഹം ഇന്ന് രാവിലെ വീട്ടിൽ എത്തിക്കും.

ഓശാന... ഓശാന... ദാവീദിന്‍സുതനോശാന...

കോട്ടയം: കൂപ്പുകരങ്ങള്‍ക്കു നടുവില്‍ കുരുന്നോലകളേന്തി ദാവീതിന്‍സുദന് ജയ്ഗാനമാലപിച്ച് ദേവാലയത്തിലേക്ക് വിശ്വാസികള്‍ പ്രദക്ഷിണമായി എത്തി ഓശാനത്തിരുനാള്‍ ആഘോഷപൂര്‍വം കൊണ്ടാടി. ജറുസലേം ദേവാലയത്തോടു ചേര്‍ന്നുള്ള ഒലിവുമലയുടെ ഓരത്തുനിന്നു രണ്ടായിരം വര്‍ഷം മുന്‍പു യേശുവിനെ ജനാവലി ജറുസലേം ദേവാലയത്തിലേക്ക് വരവേറ്റതിനെ അനുസ്മരിച്ചു ക്രൈസ്തവര്‍ കുരുന്നോലകളും സൈത്തിന്‍ കൊമ്പുകളുമേന്തി ദേവാലയത്തിന്‍റെ പ്രധാനവാതില്‍ മുട്ടിത്തുറന്ന് ഓശാനഗീതികളോടെ പ്രദക്ഷിണമായെത്തി. ഒലിവുചില്ലകള്‍ക്കു പകരം ആശിര്‍വദിക്കപ്പെട്ട തെങ്ങിന്‍ കുരുത്തോല കൈയിലേന്തുന്നതോടെ വിശുദ്ധവാരാചരണത്തിനും തുടക്കമായി. ചങ്ങനാശേരി സെന്‍റ് മേരീസ് മെത്രപ്പോലീത്തന്‍ പള്ളിയില്‍ നടന്ന ഓശാന തിരുക്കര്‍മങ്ങള്‍ക്ക് ആര്‍ച്ച്ബിഷപ് മാര്‍ തോമസ് തറയിലും കോട്ടയം ക്രിസ്തുരാജ കത്തീഡ്രലില്‍ ആര്‍ച്ച്ബിഷപ് മാര്‍ മാത്യു മൂലക്കാട്ടും മുഖ്യകാര്‍മികത്വം വഹിച്ചു. പാലാ സെന്‍റ് തോമസ് കത്തീഡ്രലില്‍ ബിഷപ് മാര്‍ ജോസഫ് കല്ലറങ്ങാട്ടും കാഞ്ഞിരപ്പള്ളി സെന്‍റ് ഡൊമിനിക്‌സ് കത്തീഡ്രലില്‍ മാര്‍ ജോസ് പുളിക്കലും വിമലഗിരി കത്തീഡ്രലില്‍ ബിഷപ് ഡോ. സെബാസ്റ്റ്യന്‍ തെക്കത്തെച്ചേരിലും ഓശാനത്തിരുക്കര്‍മങ്ങളില്‍ കാര്‍മികരായി. യാക്കോബായ സുറിയാനി സഭ മലങ്കര മെത്രാപ്പോലീത്ത ശ്രേഷ്ഠ കാതോലിക്കാ ബസേലിയോസ് ജോസഫ് ബാവാ മണര്‍കാട് സെന്‍റ് മേരീസ് കത്തീഡ്രലിലും വാഴൂര്‍ സെന്‍റ് പീറ്റേഴ്‌സ് ഓര്‍ത്തഡോക്‌സ് പള്ളിയില്‍ മലങ്കര ഓര്‍ത്തഡോക്‌സ് സഭാധ്യക്ഷന്‍ ബസേലിയോസ് മാര്‍ത്തോമ മാത്യൂസ് തൃതീയന്‍ കാതോലിക്ക ബാവ കുരുത്തോല വാഴ്‌വിനും വിശുദ്ധ കുര്‍ബാനയ്ക്കും കാര്‍മികത്വം വഹിച്ചു. യാക്കോബായ സഭ സുന്നഹദോസ് സെക്രട്ടറി തോമസ് മാര്‍ തീമോത്തിയോസ് മെത്രാപ്പോലീത്ത കോട്ടയം സെന്‍റ് ജോസഫ്‌സ് കത്തീഡ്രലിലും കാര്‍മികത്വം വഹിച്ചു.

വിഷു: വിപണിയിൽ ഉണർവ്

കോട്ടയം: ഐശ്വര്യത്തിന്‍റെയും പ്രതീക്ഷയുടെയും ഉത്സവമായ വിഷു ആഘോഷിക്കുന്നതിനായി നാടും നാഗരവും ഒരുങ്ങി. വിഷുക്കണിഒരുക്കുന്നതിനായുള്ള സാധന സാമഗ്രികൾ വാങ്ങുന്നതിനും പുതു വസ്ത്രങ്ങൾ വാങ്ങുന്നതിനുമായി കുടുംബങ്ങൾ എത്തിയതോടെ നഗരങ്ങൾ തിരക്കിലമർന്നു. ഇന്നലെ രാവിലെ മുതൽ ജില്ലയിയിലുടനീളം പ്രധാന വ്യാപാര കേന്ദ്രങ്ങളിൽ അഭൂതപൂർവമായ തിരക്കായിരുന്നു അനുഭവപ്പെട്ടത്. പതിവിൽനിന്നു വ്യത്യസ്തമായി നാട്ടിൻപുറങ്ങളിൽ വീട്ടമ്മമാരും പുരുഷ അയൽക്കൂട്ടങ്ങളുമൊക്കെ പ്രാദേശികമായി ഉത്പാദിപ്പിച്ച കണിവെള്ളരിയും തണ്ണിമത്തനും മാങ്ങയും ചക്കയുമൊക്കെ പാതയോരങ്ങളിൽ മിതമായ നിരക്കിൽ വിൽപന നടത്തിയത് വിലക്കയറ്റത്തിനും സാമ്പത്തിക പ്രതിസന്ധിക്കുമിടയിൽ സാധാരണക്കാർക്ക് ഏറെ അനുഗ്രഹമായി. കൊന്നപ്പൂവ് വിഷുവിന് പ്രധാനമാണ്. വിഷുവിനു ദിവസങ്ങൾക്ക് മുമ്പേ കൊന്നകൾ പൂത്തുലഞ്ഞിരുന്നു. വഴിയോരങ്ങളിൽ പലയിടങ്ങളിലും കൊന്നപ്പൂക്കൾ വിൽക്കാൻ കുട്ടികളെത്തിയിരുന്നു. പ്രധാന വീഥികളിലെല്ലാം കണിക്കൊന്ന പൂക്കളുടെ വിൽപന രാവിലെ മുതൽ പൊടിപൊടിച്ചു. പഴം പച്ചക്കറികളും കണിയൊരുക്കാനുള്ള വിഭവങ്ങളുമായി ആരംഭിച്ച കുടുംബശ്രീയുടെ വിഷു ചന്തകളിലും സപ്ലൈകോ തുറന്ന വിഷു ചന്തകളിലും വലിയ തിരക്കനുഭവപ്പെട്ടു. വസ്ത്ര വ്യാപാര സ്ഥാപനങ്ങളും വിഷുത്തലേന്ന് ഉണർവിലായിരുന്നു. മുൻ വർഷത്തേക്കാൾ കൂടുതൽ പടക്കക്കടകൾ നിരന്നത് ഇക്കുറിയാണ്. ശബ്ദം കുറഞ്ഞ അപകടരഹിതമായ പടക്കങ്ങളോട് കുട്ടികൾക്കടക്കം പ്രിയമേറിയതാണ് പടക്ക വിപണി സജീവമാകാൻ കാരണമെന്ന് വ്യാപാരികൾ പറയുന്നു. വർണവിസ്മയം തീർക്കുന്ന ശിവകാശി പടക്കങ്ങളുടെ വിൽപനയും തകൃതിയായി നടന്നു. ഓണം കഴഞ്ഞാൽ മലയാളികളുടെ ഏറ്റവും വലിയ ആഘോഷമാണ് വിഷു. രാവുംപകലും തുല്യമായ ദിവസമാണ് വിഷു. അടുത്ത ഒരു കൊല്ലത്തെ ഫലത്തെ കുറിച്ചും ഇക്കാലയളവിൽ ജനങ്ങൾ ചിന്തിക്കുന്നു. വിഷുഫലമെന്നാണ്‌ ഇതിനു പറയുക. വിഷുക്കണി ഒരുക്കുക, കണികാണുക, കൈനീട്ടംവാങ്ങുക, പുതുവസ്ത്രങ്ങൾ ധരിക്കുക, കുടുംബാംഗങ്ങൾ ഒന്നിച്ചിരുന്നു വിഷുസദ്യ കഴിക്കുക തുടങ്ങിയവയാണ് വിഷുവിന്‍റെ പ്രധാന ചടങ്ങുകൾ.

ലൈംഗികാതിക്രമം കാട്ടി ദൃശ്യങ്ങൾ പ്രചരിപ്പിച്ചു: യുവാവ് അറസ്റ്റിൽ

എരുമേലി: യുവതിയെ ലൈംഗികാതിക്രമം കാട്ടുകയും നഗ്നദൃശ്യങ്ങളും ചിത്രങ്ങളും വിവിധ സൈറ്റുകളിൽ പ്രചരിപ്പിക്കുകയും ചെയ്ത യുവാവിനെ പോലീസ് അറസ്റ്റ് ചെയ്തു. എരുമേലി മുക്കട വടക്കേച്ചരുവിൽ അജിത്ത് മോഹനൻ (20) ആണ് പിടിയിലായത്. 2023 ജൂലൈ 14നും ഡിസംബർ 21നുമാണ് സംഭവം നടന്നത്. ഈ ദിവസങ്ങളിൽ 20 കാരിയായ സുഹൃത്തിനെ ബൈക്കിൽ കയറ്റി റാന്നി സെന്‍റ് തോമസ് കോളജ് ഗ്രൗണ്ടിന്‍റെ പിന്നിലെത്തിച്ച് ലൈംഗികാതിക്രമം കാട്ടുകയായിരുന്നു എന്ന് പോലീസ് പറഞ്ഞു. പിന്നീട് സൗഹൃദം സ്ഥാപിച്ച് വീഡിയോകോളിൽ വിളിച്ച് നഗ്നതകാട്ടാൻ പ്രേരിപ്പിക്കുകയും, തുടർന്ന് യുവതിയുടെ അറിവോ സമ്മതമോ കൂടാതെ വിവിധ സൈറ്റുകളിൽ അവ അപ്‌ലോഡ് ചെയ്യുകയും ചെയ്തു. കൂടാതെ കൂട്ടുകാർക്കും മറ്റും അയച്ചുകൊടുത്തതിലൂടെ യുവതിക്ക് മാനഹാനി ഉണ്ടാക്കുകയും ചെയ്തു. കഴിഞ്ഞദിവസം യുവതി സ്റ്റേഷനിലെത്തി പരാതി നൽകിയതിന്‍റെ അടിസ്ഥാനത്തിലാണ് റാന്നി പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചത്. സ്റ്റേഷനിൽ ഹാജരായ പ്രതിയെ വിശദമായി ചോദ്യം ചെയ്തപ്പോൾ കുറ്റം സമ്മതിച്ചു. പോലീസ് ഇയാളുടെ മൊഴി രേഖപ്പെടുത്തി, പിന്നീട് അറസ്റ്റ് ചെയ്തു. ശാസ്ത്രീയ പരിശോധനയ്ക്കായി മൊബൈൽ ഫോൺ പോലീസ് പിടിച്ചെടുത്തു. റാന്നി പോലീസ് ഇൻസ്പെക്ടർ ആർ. മനോജ് കുമാറിന്‍റെ നേതൃത്വത്തിൽ എസ്ഐ റെജി തോമസ്, എഎസ്ഐ അജു കെ. അലി എന്നിവരുൾപ്പെട്ട സംഘമാണ് അന്വേഷണം നടത്തുന്നത്.

എരുമേലി വനത്തിൽ ഫെൻസിംഗ് നിർമാണം പൂർത്തിയായി

എരുമേലി: പഞ്ചായത്തിലെ വനാതിർത്തി പ്രദേശങ്ങളിൽ ഹാങ്ങിംഗ് ഫെൻസിംഗ് നിർമാണ ജോലികൾ പൂർത്തിയായി. കിടങ്ങ് നിർമാണം പൂർത്തിയായിട്ടില്ല. ഒരു മാസത്തിനകം പൂർത്തിയാക്കി ഉദ്ഘാടനം ചെയ്യാനാകുമെന്ന് എരുമേലി ഫോറസ്റ്റ് റേഞ്ച് ഓഫീസർ ഹരിലാൽ പറഞ്ഞു. 19 കിലോമീറ്റർ ദൂരമാണ് ഫെൻസിംഗ് നിർമിച്ചിരിക്കുന്നത്. പഴയ ഫെൻസിംഗ് പൊളിച്ചു മാറ്റുന്നത് സംബന്ധിച്ച് തീരുമാനമായിട്ടില്ല. പുതിയ ഫെൻസിംഗിനോട്‌ ചേർന്നാണ് പഴയ ഫെൻസിംഗ് ഉള്ളത്. ഇത് ഭാഗികമായി പ്രവർത്തനരഹിതമാണ്. പുതിയ ഫെൻസിംഗിന് ഇടയിൽ ഒന്നര കിലോമീറ്ററാണ് കിടങ്ങ് നിർമിച്ചുകൊണ്ടിരിക്കുന്നത്. ഇതിന്‍റെ നിർമാണം പാതിവഴിയിൽ നിലച്ച അവസ്ഥയിലാണ്. കരാറുകാരൻ നിർമാണം നിർത്തിപ്പോയെന്ന് തൊഴിലാളികൾ പറയുന്നു. നിർമാണം പൂർത്തിയാക്കണമെന്ന് കരാറുകാരന് വനംവകുപ്പ് നിർദേശം നൽകിയിട്ടുണ്ട്. കോയിക്കക്കാവ് ശബരിമല കാനന പാതയിലാണ് കിടങ്ങ് നിർമിക്കുന്നത്. പദ്ധതി പൂർത്തിയാകുമ്പോൾ എരുമേലി ഫോറസ്റ്റ് റേഞ്ചിൽ പമ്പാവാലി, കാളകെട്ടി, തുമരംപാറ, പാക്കാനം വനമേഖലയിൽ ജനവാസ പ്രദേശങ്ങളിലെ വനാതിർത്തികൾ പൂർണമായും വന്യമൃഗ പ്രതിരോധ വലയത്തിൽ ആകുമെന്ന് വനംവകുപ്പ് പറയുന്നു. അതേസമയം തുടർപരിപാലനം ഇല്ലെങ്കിൽ പദ്ധതി പ്രയോജനരഹിതമാകും. കഴിഞ്ഞയിടെ എരുമേലി വനമേഖലയിലെ ഹാങ്ങിംഗ്, കിടങ്ങ് നിർമാണങ്ങൾ സെബാസ്റ്റ്യൻ കുളത്തുങ്കൽ എംഎൽഎ നേരിൽകണ്ട് വിലയിരുത്തിയിരുന്നു. എരുമേലി, കോരുത്തോട്, മുണ്ടക്കയം പഞ്ചായത്തുകളിലായി മൊത്തം 30 കിലോമീറ്റർ ദൂരത്തിലാണ് നിർമാണ പ്രവർത്തനങ്ങൾ പുരോഗമിക്കുന്നത്. ഇത് പൂർത്തിയായാൽ വനാതിർത്തി പൂർണമായും സുരക്ഷിതത്വ സംവിധാനങ്ങൾ ഒരുക്കുന്ന കേരളത്തിലെ ആദ്യത്തെ നിയോജകമണ്ഡലമായി പൂഞ്ഞാർ മാറുമെന്നാണ് കരുതുന്നത്. ആകെ 34 കോടി രൂപയാണ് ഇതിനായി ചെലവിടുന്നത്.

കണമലയ്ക്ക് കണ്ണീരായി കാർത്തികയുടെ വിയോഗം

കണമല: ഏകമകൾ മൈസൂരുവിൽ അപകടത്തിൽ മരിച്ചതിന്‍റെ ആഘാതത്തിൽ മാതാപിതാക്കൾ. ഇവരെ ആശ്വസിപ്പിക്കാൻ കഴിയാതെ കണ്ണീരടക്കി തേങ്ങുകയാണ് ബന്ധുക്കൾ. പാണപിലാവ് എരുത്വാപ്പുഴ കളത്തൂർ ബിജു- സുനിത ദമ്പതികളുടെ ഏകമകൾ കാർത്തിക ബിജു (25) ആണ് അപകടത്തിൽ ദാരുണമായി മരിച്ചത്. കഴിഞ്ഞ ദിവസം ഏറെ സന്തോഷത്തോടെ കാർത്തിക വീട്ടിൽ വിളിച്ചു മാതാപിതാക്കളോട് അവധിക്ക് ഉടനെ നാട്ടിലെത്തുമെന്ന് പറഞ്ഞിരുന്നു. മകളെ കാണാൻ എല്ലാം ഒരുക്കി കാത്തിരിക്കുകയായിരുന്ന മാതാപിതാക്കൾ അവളുടെ മരണവിവരമാണ് അറിയുന്നത്. ഏറെ സമർഥയായിരുന്ന കാർത്തിക പഠനങ്ങളിൽ റാങ്കുകളും ഒട്ടേറെ മെഡലുകളും നേടിയിരുന്നു. സുഹൃത്തുക്കളും നാട്ടുകാരും അതീവ ദുഃഖത്തിലാണ് ഇന്നലെ അവളുടെ മരണ വിവരം അറിഞ്ഞ് വീട്ടിൽ എത്തിയത്. പഞ്ചായത്ത്‌ അംഗങ്ങളായ ജിജിമോൾ സജി, ജിൻസി എന്നിവർ ഉൾപ്പെടെ ഒട്ടേറെ നാട്ടുകാർ വീട്ടിൽ എത്തിയിരുന്നു. ബംഗളൂരുവിലെ സ്വകാര്യ കമ്പനിയില്‍ ജിയോളജിസ്റ്റായി ജോലി ചെയ്തിരുന്ന കാർത്തിക അവധിക്ക് നാട്ടിലേക്ക് സുഹൃത്തിന്‍റെ ബൈക്കിൽ വരുമ്പോഴാണ് അപകടം. കഴിഞ്ഞ ദിവസം ഉച്ചയ്ക്ക് മൈസൂരു നഞ്ചന്‍ഗുഡ് ദേശീയപാതയിലാണ് അപകടം നടന്നത്. ബൈക്ക് ഡിവൈഡറില്‍ ഇടിച്ച്‌ മറിയുകയായിരുന്നുവെന്ന് ബന്ധുക്കളെ പോലീസ് അറിയിച്ചു. റോഡ് പണി നടക്കുന്നതിനാല്‍ ബൈക്ക് തെന്നിമറിഞ്ഞാണ് ഡിവൈഡറിലിടിച്ചത്. കാർത്തിക അപകടസ്ഥലത്തുതന്നെ മരിച്ചു. ബൈക്കോടിച്ചിരുന്ന പാലക്കാട് ഒറ്റപ്പാലം മാങ്കോട് തൃക്കടേരി ചാമണ്ണൂർ ജി. ഗിരിശങ്കർ തരകൻ (26) ഗുരുതര പരിക്കുകളോടെ മൈസൂരു ജെഎസ്‌എസ് ആശുപത്രിയില്‍ ചികിത്സയിലാണ്. കാർത്തികയുടെ മൃതദേഹം ഇന്നു രാവിലെ വീട്ടിൽ എത്തിക്കും.

ഉദ്യോഗസ്ഥസംഗമം നടത്തി

വെളിച്ചിയാനി: സെന്‍റ് തോമസ് ഫൊറോന പള്ളിയുടെ ശതാബ്‌ദിയുടെ ഭാഗമായി നടന്ന ഉദ്യോഗസ്ഥസംഗമം കാഞ്ഞിരപ്പള്ളി രൂപത വികാരി ജനറാൾ ഫാ. ബോബി അലക്സ്‌ മണ്ണംപ്ലാക്കൽ ഉദ്ഘാടനം ചെയ്തു. വികാരി ഫാ. ഇമ്മാനുവേൽ മടുക്കക്കുഴി അധ്യക്ഷത വഹിച്ചു. ഡോ. സുനിൽകുമാർ "ആരോഗ്യമുള്ള ശരീരം, സന്തോഷമുള്ള മനസ്' എന്ന വിഷയത്തിൽ സെമിനാർ നയിച്ചു. സജി കുരീക്കാട്ട്, പ്രഫ. സാജു കൊച്ചുവീട്ടിൽ, വർഗീസ് കൊച്ചുകുന്നേൽ, ഫിലിപ്പ് പടന്നമാക്കൽ എന്നിവർ പ്രസംഗിച്ചു.

ഓശാനവിളികളുമായി വിശ്വാസീസമൂഹം വിശുദ്ധ വാരത്തിൽ

കാഞ്ഞിരപ്പള്ളി: തീക്ഷ്ണമായ പ്രാർഥനയുടെയും ധ്യാനത്തിന്‍റെയും ദിനങ്ങളായ വിശുദ്ധ വാരാചരണത്തിന് ആമുഖമായി വിശ്വാസികൾ ഓശാന ഞായർ ആചരിച്ചു. കാഞ്ഞിരപ്പള്ളി സെന്‍റ് ഡൊമിനിക്സ് കത്തീഡ്രലിൽ നടന്ന ഓശാന തിരുക്കർമങ്ങൾക്ക് രൂപതാധ്യക്ഷൻ മാർ ജോസ് പുളിക്കൽ കാർമികത്വം വഹിച്ചു. കാഞ്ഞിരപ്പള്ളി കത്തീഡ്രൽ ഗ്രോട്ടോയിലാരംഭിച്ച തിരുക്കർമങ്ങളെത്തുടർന്ന് കത്തീഡ്രൽ പള്ളിയിലേക്ക് നടത്തപ്പെട്ട പ്രദക്ഷിണത്തിൽ ഓശാന വിളികളുമായി വിശ്വാസീസമൂഹം പങ്കുചേർന്നു. തിരുക്കർമങ്ങളിൽ കത്തീഡ്രൽ വികാരിയും ആർച്ച് പ്രീസ്റ്റുമായ റവ. ഡോ. കുര്യൻ താമരശേരി, ഫാ. ജേക്കബ് ചാത്തനാട്ട് എന്നിവർ സഹകാർമികരായിരുന്നു. കത്തീഡ്രൽ അസിസ്റ്റന്‍റ് വികാരിമാരായ ഫാ. തോമസകുട്ടി ആലപ്പാട്ടുകുന്നേൽ, ഫാ. ടോണി മുളങ്ങാശേരിൽ എന്നിവർ തിരുക്കർമങ്ങൾക്ക് നേതൃത്വം നൽകി. കാഞ്ഞിരപ്പള്ളി രൂപത മുൻ അധ്യക്ഷൻ മാർ മാത്യു അറയ്ക്കൽ എരുമേലി അസംപ്ഷൻ ഫൊറോന പള്ളിയിൽ ഓശാന തിരുക്കർമങ്ങൾക്ക് കാർമികത്വം വഹിച്ചു. എരുമേലി ഫൊറോന വികാരി ഫാ. വർഗീസ് പുതുപ്പറമ്പിൽ, ഫാ. തോമസ് പരിന്തിരിക്കൽ എന്നിവർ സഹകാർമികരായിരുന്നു.

ദേശീയപാതയിലെ വെള്ളക്കെട്ടിന് പരിഹാരം; പുതിയ കലുങ്കിന്‍റെ നിർമാണം ആരംഭിച്ചു

മുണ്ടക്കയം: മുണ്ടക്കയം ടൗണിൽ എസ്എൻഡിപി, ഗ്യാലക്സി ജംഗ്ഷനുകൾക്കിടയിൽ ദേശീയ പാതയിൽ മഴക്കാലത്ത് നിരന്തരമാ‍യുണ്ടാകുന്ന വെള്ളക്കെട്ടിനു പരിഹാരമാകുന്നു. ഇതിന്‍റെ ഭാഗമായുള്ള കലുങ്ക് നിർമാണത്തിന് തുടക്കം കുറിച്ചു. 33 ലക്ഷം രൂപ മുടക്കിയാണ് പുതിയ കലുങ്ക് നിർമിക്കുന്നത്. ദേശീയപാതയിലെ വെള്ളക്കെട്ട് യാത്രക്കാർക്കും വ്യാപാരികൾക്കും വലിയ ദുരിതമാണ് സമ്മാനിക്കുന്നത്. ചെറിയ മഴപെയ്താൽപോലും റോഡിൽ വെള്ളം കെട്ടിക്കിടന്നതും സമീപത്തെ വ്യാപാര സ്ഥാപനങ്ങളിലും വീടുകളിലും വെള്ളം കയറുന്നതും പതിവായിരുന്നു. ഇവിടെ നിലവിലുണ്ടായിരുന്ന കലുങ്ക് വളരെ ചെറുതും തകരാറിലായിരുന്നതുമാണ്. തന്മൂലം റോഡിലെ വെള്ളം ഒഴുകിപ്പോകാത്ത സ്ഥിതിയായിരുന്നു. ഇളംബ്രാമല ഭാഗത്തുനിന്നടക്കം കുന്നിൻമുകളിൽനിന്ന് വരുന്ന വെള്ളവും റോഡിൽ കെട്ടിക്കിടക്കുകയായിരുന്നു. ചെറിയ മഴപെയ്താൽപോലും ദേശീയപാതയിൽ വലിയ വെള്ളക്കെട്ടാണ് അനുഭവപ്പെട്ടിരുന്നത്. ഈ പ്രശ്നം പരിഹരിക്കുന്നതിന്‍റെ ഭാഗമായിട്ടാണ് ഇപ്പോൾ പുതിയ കലുങ്ക് നിർമാണത്തിന് തുടക്കം കുറിച്ചിരിക്കുന്നത്.

ഫ്യൂച്ചർ സ്റ്റാർസ് ലീഡർഷിപ്പ് ക്യാമ്പ്

അരുവിത്തുറ: സെബാസ്റ്റ്യൻ കുളത്തുങ്കൽ എംഎൽഎ നേതൃത്വം നൽകുന്ന എംഎൽഎ സർവീസ് ആർമി പൂഞ്ഞാറിന്‍റെ കീഴിലുള്ള വിദ്യാഭ്യാസ ഗുണമേന്മാ പദ്ധതിയായ ഫ്യൂച്ചർ സ്റ്റാർസ് എഡ്യുക്കേഷൻ പ്രോജക്ടിന്‍റെ ആഭിമുഖ്യത്തിൽ പൂഞ്ഞാർ നിയോജകമണ്ഡലത്തിലെ ഹൈസ്കൂൾ ഹയർ സെക്കൻഡറി വിദ്യാർഥികൾക്കുവേണ്ടി അവധിക്കാല നേതൃപരിശീലന ക്യാമ്പ് നടത്തുന്നു. നാളെ അരുവിത്തറ സെന്‍റ് ജോർജ് കോളജ് സെമിനാർ ഹാളിലാണ് ക്യാമ്പ് സംഘടിപ്പിച്ചിരിക്കുന്നത്. പൂഞ്ഞാർ നിയോജകമണ്ഡലത്തിലെ വിവിധ ഹൈസ്കൂൾ, ഹയർ സെക്കൻഡറി സ്കൂളുകളിൽനിന്നും മാനദണ്ഡങ്ങൾ പ്രകാരം തെരഞ്ഞെടുക്കപ്പെട്ട 60 കുട്ടികൾക്കാണ് ക്യാമ്പിൽ പ്രവേശനം നൽകിയിരിക്കുന്നത്. ക്യാമ്പ് തികച്ചും സൗജന്യമാണ്. ക്യാമ്പിന്‍റെ ഔപചാരികമായ ഉദ്ഘാടനം ഫ്യൂച്ചർ സ്റ്റാർസ് എഡ്യുക്കേഷൻ പ്രോജക്ട് ഡയറക്ടർ ഡോ. ആൻസി ജോസഫിന്‍റെ അധ്യക്ഷതയിൽ ലേബർ ഇന്ത്യ സ്കൂൾ ചെയർമാൻ ജോർജ് കുളങ്ങര 15ന് രാവിലെ പത്തിന് നിർവഹിക്കും. അരുവിത്തറ സെന്‍റ് ജോർജ് കോളജ് ബർസാർ ഫാ. ബിജു കുന്നക്കാട്ട് മുഖ്യപ്രഭാഷണം നടത്തും. വൈകുന്നേരം ചേരുന്ന സമാപന സമ്മേളനത്തിൽ സെബാസ്റ്റ്യൻ കുളത്തുങ്കൽ എംഎൽഎ പങ്കെടുക്കുന്ന വിദ്യാർഥികൾക്ക് സർട്ടിഫിക്കറ്റുകൾ വിതരണം ചെയ്യും.ജോർജ് കരുണയ്ക്കൽ, പ്രഫ. ടോമി ചെറിയാൻ, അഭിലാഷ് ജോസഫ്, ഡോ. മാത്യു കണമല എന്നിവർ ക്യാമ്പിൽ വിവിധ വിഷയങ്ങളെ അധികരിച്ച് ക്ലാസുകൾ നയിക്കും.

മയക്കുമരുന്ന് വിരുദ്ധ കാമ്പയിൻ നടത്തി

പൂഞ്ഞാർ: ആം ആദ്മി പാർട്ടി പൂഞ്ഞാർ നിയോജക മണ്ഡലം കമ്മിറ്റിയുടെ നേതൃത്വത്തിൽ പൂഞ്ഞാർതെക്കേക്കര ടൗണിൽ മയക്കുമരുന്ന് വിരുദ്ധ കാന്പയിൻ നടത്തി. നിയോജക മണ്ഡലം പ്രസിഡന്‍റ് ഷിബി ജേക്കബ് കളപ്പുരക്കൽപറമ്പിൽ അധ്യക്ഷത വഹിച്ചു. എബി ഇമ്മാനുവേൽ പൂണ്ടിക്കുളം യോഗം ഉദ്ഘാടനം ചെയ്തു. ഈരാറ്റുപേട്ട എക്സൈസ് പ്രിവന്‍റീവ് ഓഫീസർ ജസ്റ്റിൻ തോമസ് മുഖ്യപ്രഭാഷണം നടത്തി.

മേലുകാവ് ബൈബിൾ കൺവൻഷനു തുടക്കമായി

മേലുകാവുമറ്റം: സഭയുടെ വിശുദ്ധീകരണമാണ് തിരുവചനവിരുന്നിന്‍റെ ലക്ഷ്യം എന്ന പ്രഖ്യാപനവുമായി അഞ്ചാമത് മേലുകാവുമറ്റം ബൈബിൾ കൺവൻഷന് തുടക്കമായി. വികാരി ജനറാൾ മോൺ. ഡോ. സെബാസ്റ്റ്യൻ വേത്താനത്ത് കൺവൻഷൻ ഉദ്ഘാടനം ചെയ്തു. മേലുകാവിലും സമീപപ്രദേശങ്ങളിലുമുള്ള ആയിരങ്ങൾ ഒരുമിച്ചു കൂടിയ കൺവൻഷൻ 13 മുതൽ 16 വരെ വൈകുന്നേരങ്ങളിൽ 3.30 മുതൽ ഒന്പതു വരെയാണ് നടക്കുന്നത്. അട്ടപ്പാടി സെഹിയോൻ ധ്യാനകേന്ദ്രത്തിലെ ഫാ. സാംസൺ ക്രിസ്റ്റിയും സംഘവും കൺവൻഷൻ നയിക്കുന്നു. എല്ലാ ദിവസവും കൺവൻഷനുശേഷം നേർച്ച വിതരണം ഉണ്ടായിരിക്കും. വികാരി റവ. ഡോ. ജോർജ് കാരാംവേലിൽ, അസിസ്റ്റന്‍റ് വികാരി ഫാ. ജോസഫ് കണ്ടാപറമ്പത്ത്, കൈക്കാരന്മാരായ ജോളി തയ്യിൽ, ടോമി കൂനമ്മരുതുങ്കൽ, സോജൻ വെട്ടത്ത്, സെബിൻ കൊച്ചുപറമ്പിൽ എന്നിവരുടെ നേതൃത്വത്തിൽ ക്രമീകരണങ്ങൾ ഒരുക്കിയിരിക്കുന്നു.

വിശുദ്ധ വാരാചരണം

പാലാ: ളാലം സെന്‍റ് ജോര്‍ജ് പുത്തന്‍പള്ളിയിലെ വിശുദ്ധവാര തിരുക്കര്‍മങ്ങള്‍.17 പെസഹാ വ്യാഴം രാവിലെ ആറിന് വിശുദ്ധ കുര്‍ബാന, കാല്‍കഴുകല്‍ ശുശ്രൂഷ. ദുഃഖവെള്ളിയാഴ്ച രാവിലെ എട്ടിന് പീഡാനുഭവ തിരുക്കര്‍മങ്ങള്‍, പ്രദക്ഷിണം, സ്ലീവാ ചുംബനം, കുരിശിന്‍റെ വഴി, നേര്‍ച്ചക്കഞ്ഞി വിതരണം.19ന് രാവിലെ 6.30ന് വിശുദ്ധ കുര്‍ബാന, ജ്ഞാനസ്‌നാന വ്രത നവീകരണം. ഞായറാഴ്ച പുലര്‍ച്ചെ മൂന്നിന് ഉയര്‍പ്പ് തിരുക്കര്‍മ്മങ്ങള്‍, തുടര്‍ന്ന് വിശുദ്ധ കുര്‍ബാന. രാവിലെ 6.30ന് വിശുദ്ധ കുര്‍ബാന. 16ന് വൈകുന്നേരം നാലു മുതല്‍ ആറുവരെ കുമ്പസാരിക്കാനുള്ള സൗകര്യം ഉണ്ടായിരിക്കും. ചെമ്മലമറ്റം: പന്ത്രണ്ട് ശ്ലീഹന്മാരുടെ പള്ളിയിൽ വിശുദ്ധ വാരാചരണത്തിന്‍റെ ഭാഗമായി 16ന് 24 മണിക്കൂർ അഖണ്ഡ ദിവ്യകാരുണ്യ ആരാധന നടത്തും. പെസഹാ വ്യാഴം രാവിലെ 6.30 വിശുദ്ധ കുർബാന, കാൽകഴുകൽ ശുശ്രൂഷ. ദുഃഖവെള്ളിയാഴ്ച രാവിലെ 6.30ന് ദുഃഖവെള്ളിയുടെ തിരുക്കർമങ്ങൾ, തുടർന്ന് സെന്‍റ് ഫിലിപ്പ്, സെന്‍റ് ഫ്രാൻസിസ് വാർഡുകളിലുടെ കുരിശിന്‍റെ വഴി, പള്ളിയിൽ തിരുസ്വരൂപ ചുംബനം, നേർച്ചക്കഞ്ഞി വിതരണം. തുടർന്ന് 101 പേരുടെ പുത്തൻപാന ആലാപനം. ദുഃഖശനി രാവിലെ 6.30ന് വിശുദ്ധ കുർബാന, പുത്തൻ വെള്ളവും പുത്തൻ - തീയും വെഞ്ചരിപ്പ് . ഉയിർപ്പു ഞായർ പുലർച്ചെ മൂന്നിന് ഉയിർപ്പിന്‍റെ തിരുക്കർമങ്ങൾ, തുടർന്ന് 5.30നും 7.15നും വിശുദ്ധ കുർബാന.

പാരമ്പര്യവും ഭക്തിയും ചേരുവകളായി ആയിരങ്ങൾ തമുക്ക് നേർച്ചയിൽ പങ്കെടുത്തു

കുറവിലങ്ങാട്: കളത്തൂർ കരക്കാരുടെ പാരമ്പര്യ അവകാശങ്ങൾക്ക് വിശ്വാസത്തിന്‍റെയും ഭക്തിയുടെയും മേമ്പൊടി ചാലിച്ച് ആയിരങ്ങൾക്ക് തമുക്ക് നേർച്ച വിളമ്പി നൽകി. മേജർ ആർക്കി എപ്പിസ്കോപ്പൽ മർത്ത്മറിയം അർക്കദിയാക്കോൻ തീർഥാടന ദേവാലയത്തിലെ ഓശാന ഞായറിനോടനുബന്ധിച്ചാണ് തമുക്ക് നേർച്ച വിതരണം ചെയ്തത്. ഒന്നര നൂറ്റാണ്ട് പിന്നിട്ട് കളത്തൂർ കരക്കാർ നേതൃത്വം നൽകുന്ന തമുക്ക് നേർച്ചയിൽ ഇക്കുറിയുംആയിരങ്ങളാണ് പങ്കെടുത്തത്. കളത്തൂർ കരയിലെ വിവാഹിതരായ ഓരോ പുരുഷനും വിഹിതമായി നൽകുന്ന വിഭവങ്ങൾ ഉപയോഗിച്ചാണ് തമുക്ക് തയാറാക്കുന്നത്. 100 പഴവും ആറ് തേങ്ങയും ഒരു കിലോ അരി വറുത്ത് പൊടിച്ചതും 100 രൂപയുമാണ് വിഹിതമായി നൽകേണ്ടത്. ഈ വിഭവങ്ങൾ പ്രത്യേക മരത്തോണിയിലിട്ട് ചേർത്ത് ഒരുക്കിയാണ് നേർച്ചയായി വിളമ്പുന്നത്. നേർച്ച ആർച്ച് പ്രീസ്റ്റ് റവ. ഡോ. തോമസ് മേനാച്ചേരി ആശിർവദിച്ചു. ഓശാന ഞായർ തിരുക്കർമങ്ങളിലും ആയിരങ്ങൾ പങ്കുചേർന്നു.

എന്‍എസ്എസ് ലഹരിവിരുദ്ധ പ്രചാരണത്തിന് തുടക്കംകുറിച്ചു

ചങ്ങനാശേരി: നായര്‍ സര്‍വീസ് സൊസൈറ്റിയുടെ ആഹ്വാന പ്രകാരം സംസ്ഥാനത്തൊട്ടാകെയുള്ള എന്‍എസ്എസ് കരയോഗങ്ങളില്‍ ലഹരിവിരുദ്ധ പ്രചാരണദിനം ആചരിച്ചു. കരയോഗങ്ങളില്‍ ലഹരിവിരുദ്ധ ബോധവത്കരണ സെമിനാറും ലഹരിവിരുദ്ധ പ്രതിജ്ഞയും നടത്തി. സംസ്ഥാനത്തെ അയ്യായിരത്തിലധികം വരുന്ന കരയോഗങ്ങളിലാണ് പരിപാടി സംഘടിപ്പിച്ചത്. പോലീസ്, എക്‌സൈസ് ഉദ്യോഗസ്ഥരും വിഷയങ്ങളില്‍ പ്രഗത്ഭരായവരും ക്ലാസ് നയിച്ചു.

ഏറ്റുമാനൂർ ക്ഷേത്രത്തിൽ വിഷുക്കൈനീട്ടമായി പ്രഭാതഭക്ഷണം

ഏറ്റുമാനൂർ: നാളെ വിഷു ദിനത്തിൽ ഏറ്റുമാനൂർ മഹാദേവ ക്ഷേത്രത്തിൽ എത്തുന്ന ഭക്തജനങ്ങൾക്ക് വിഷുക്കൈനീട്ടമായി ലഘു പ്രഭാതഭക്ഷണം നൽകുന്നു. ഏറ്റുമാനൂർ ജനകീയ വികസന സമിതി പ്രസിഡന്‍റ് ബി. രാജീവാണ് വേറിട്ട രീതിയിൽ വിഷുക്കൈനീട്ടം ഒരുക്കുന്നത്. പടിഞ്ഞാറേ നടയിലുള്ള ഗോപുരത്തിന് സമീപം രാവിലെ ഏഴു മുതൽ എട്ടു വരെയാണ് പ്രഭാത ഭക്ഷണം കൊടുക്കുന്നത്.

എന്‍എസ്എസ് ലഹരിവിരുദ്ധ പ്രചാരണത്തിന് തുടക്കംകുറിച്ചു

ചങ്ങനാശേരി: നായര്‍ സര്‍വീസ് സൊസൈറ്റിയുടെ ആഹ്വാന പ്രകാരം സംസ്ഥാനത്തൊട്ടാകെയുള്ള എന്‍എസ്എസ് കരയോഗങ്ങളില്‍ ലഹരിവിരുദ്ധ പ്രചാരണദിനം ആചരിച്ചു. കരയോഗങ്ങളില്‍ ലഹരിവിരുദ്ധ ബോധവത്കരണ സെമിനാറും ലഹരിവിരുദ്ധ പ്രതിജ്ഞയും നടത്തി. സംസ്ഥാനത്തെ അയ്യായിരത്തിലധികം വരുന്ന കരയോഗങ്ങളിലാണ് പരിപാടി സംഘടിപ്പിച്ചത്. പോലീസ്, എക്‌സൈസ് ഉദ്യോഗസ്ഥരും വിഷയങ്ങളില്‍ പ്രഗത്ഭരായവരും ക്ലാസ് നയിച്ചു.

ഏറ്റുമാനൂർ ക്ഷേത്രത്തിൽ വിഷുക്കൈനീട്ടമായി പ്രഭാതഭക്ഷണം

ഏറ്റുമാനൂർ: നാളെ വിഷു ദിനത്തിൽ ഏറ്റുമാനൂർ മഹാദേവ ക്ഷേത്രത്തിൽ എത്തുന്ന ഭക്തജനങ്ങൾക്ക് വിഷുക്കൈനീട്ടമായി ലഘു പ്രഭാതഭക്ഷണം നൽകുന്നു. ഏറ്റുമാനൂർ ജനകീയ വികസന സമിതി പ്രസിഡന്‍റ് ബി. രാജീവാണ് വേറിട്ട രീതിയിൽ വിഷുക്കൈനീട്ടം ഒരുക്കുന്നത്. പടിഞ്ഞാറേ നടയിലുള്ള ഗോപുരത്തിന് സമീപം രാവിലെ ഏഴു മുതൽ എട്ടു വരെയാണ് പ്രഭാത ഭക്ഷണം കൊടുക്കുന്നത്.

കെപിഎസ്ടിഎ രാപകല്‍സമരം

കോട്ടയം: ഭിന്നശേഷി ഒഴിവുകളുടെ പേരില്‍ അധ്യാപക നിയമനങ്ങള്‍ തടഞ്ഞുവയ്ക്കുന്ന സര്‍ക്കാര്‍ നടപടിക്കെതിരേ കേരള പ്രദേശ് സ്‌കൂള്‍ ടീച്ചേഴ്‌സ് അസോസിയേഷന്‍ (കെപിഎസ്ടിഎ) കോട്ടയം ജില്ലാ കമ്മിറ്റിയുടെ നേതൃത്വത്തില്‍ രാപകല്‍സമരം നടത്തി. തിരുവഞ്ചൂര്‍ രാധാകൃഷ്ണന്‍ എംഎല്‍എ ഉദ്ഘാടനം ചെയ്തു. ജില്ലാ പ്രസിഡന്‍റ് ആര്‍. രാജേഷ് അധ്യക്ഷത വഹിച്ചു. യുഡിഎഫ് ജില്ലാ കണ്‍വീനര്‍ ഫില്‍സണ്‍ മാത്യൂസ്, ജില്ലാ സെക്രട്ടറി മനോജ് വി. പോള്‍, ട്രഷറര്‍ ടോമി ജേക്കബ്, സംസ്ഥാന എക്‌സിക്യൂട്ടീവ് അംഗങ്ങളായ ജേക്കബ് ചെറിയാന്‍, പി. പ്രദീപ്, നേതാക്കളായ ബിനു സോമന്‍, കെ.ടി. അനില്‍കുമാര്‍, സെറ്റോ ജില്ലാ ചെയര്‍മാന്‍ രഞ്ചു കെ. മാത്യു, പി.ആര്‍. ശ്രീകുമാര്‍, ജോമോന്‍ മാത്യു, അന്നമ്മ ജോസഫ്, എന്‍.വൈ. രാജേഷ് തുടങ്ങിയവര്‍ പ്രസംഗിച്ചു.

അംബേദ്കര്‍ ജന്മദിനാഘോഷം

ചങ്ങനാശേരി: അഖില കേരള ചേരമര്‍ ഹിന്ദു മഹാസഭ സംസ്ഥാന കമ്മിറ്റിയുടെ നേതൃത്വത്തില്‍ ഡോ. ബി.ആര്‍. അംബേദ്കര്‍ ജന്മദിനാഘോഷവും ജനറല്‍ ബോഡിയും ലഹരിവിരുദ്ധ സന്ദേശ റാലിയും പ്രതിജ്ഞയും ഇന്ന്‌ ചങ്ങനാശേരി നഗരസഭ മിനി ടൗണ്‍ ഹാളില്‍ രാവിലെ 10.30ന് നടക്കും. രാവിലെ 10ന് സിനിമാ നടന്‍ കൃഷ്ണപ്രസാദ് ലഹരിവിരുദ്ധ സന്ദേശ റാലി ഉദ്ഘാടനം ചെയ്യും. കെ. കുട്ടപ്പന്‍ അധ്യക്ഷത വഹിക്കും. ചങ്ങനാശേരി എസ്എച്ച്ഒ വിനോദ്കുമാര്‍ ഫ്‌ളാഗ് ഓഫ് ചെയ്യും. ജന്മദിനാഘോഷ സമ്മേളനം ജോബ് മൈക്കിള്‍ എംഎല്‍എ ഉദ്ഘാടനം ചെയ്യും. ജനറല്‍ ബോഡി ഉദ്ഘാടനം സംസ്ഥാന ജനറല്‍ സെക്രട്ടറി ഡോ. കല്ലറ പ്രശാന്ത് നിര്‍വഹിക്കും. പി.ജി. അശോക് കുമാര്‍, മധു നീണ്ടൂര്‍, കെ.സി. മനോജ്, രാജേഷ് മുടിമല, ലതാ സുരേന്ദ്രന്‍, ശ്രീജ സുമേഷ്, അഖില്‍ റെജി, ഒ.കെ. സാബു, ഗോപി മഞ്ചാടിക്കര എന്നിവര്‍ പ്രസംഗിക്കും. പാമ്പാടി: ഭാരതീയ ദളിത്‌ കോൺഗ്രസ്‌ പുതുപ്പള്ളി നിയോജകമണ്ഡലം കമ്മിറ്റിയുടെ ആഭിമുഖ്യത്തിൽ ഭരണഘടന ശില്പി ഡോ.ബി.ആർ. അംബേദ്കറുടെ ജന്മദിനാഘോഷം നാളെ രാവിലെ 10ന് ഇന്ദിരാ ഭവനിൽ നടക്കും. ചാണ്ടി ഉമ്മൻ എംഎൽഎ ഉദ്ഘാടനം ചെയ്യും. എൻ.ജെ. പ്രസാദ് അധ്യക്ഷത വഹിക്കും.

തൊടുപുഴ കൊലപാതകം: മുഖ്യപ്രതിയുടെ ഭാര്യ അറസ്റ്റിൽ

തൊടുപുഴ: സാന്പത്തിക തർക്കത്തെത്തുടർന്ന് മുൻ ബിസിനസ് പങ്കാളിയെ ക്വട്ടേഷൻ നൽകി കൊലപ്പെടുത്തി മാൻഹോളിൽ തള്ളിയ സംഭവത്തിൽ ഒന്നാം പ്രതിയുടെ ഭാര്യയും അറസ്റ്റിൽ. മുഖ്യപ്രതിയായ കലയന്താനി തേക്കുംകാട്ടിൽ ജോമോന്‍റെ ഭാര്യ സീനയാണ് (45) അറസ്റ്റിലായത്. കൊലപാതകത്തിൽ പങ്കുണ്ടെന്ന സംശയത്തിൽ ചോദ്യം ചെയ്യാൻ പോലീസ് നോട്ടീസ് നൽകിയതിനെത്തുടർന്ന് സീന മുട്ടം നീലൂരുള്ള അകന്ന ബന്ധുവിന്‍റെ വീട്ടിൽ ഒളിവിൽ കഴിയുകയായിരുന്നു. പോലീസ് അറസ്റ്റു ചെയ്യാനുള്ള നീക്കത്തിലേക്കു കടന്നതോടെ ഇന്നലെ ഉച്ചയോടെ തൊടുപുഴ പോലീസ് സ്റ്റേഷനിൽ കീഴടങ്ങുകയായിരുന്നു. ഇതോടെ കേസിൽ അറസ്റ്റിലായ പ്രതികളുടെ എണ്ണം ആറായി.

മാടപ്പള്ളിയില്‍ വനിതകള്‍ക്കായി പരമ്പരാഗത പാചക മത്സരം

മാടപ്പള്ളി: അടുക്കളയിലെ പരമ്പരാഗത രുചിയും നാട്ടുപാചക നൈപുണ്യവും പരിചയപ്പെടുന്നതിനായി മാടപ്പള്ളി പഞ്ചായത്തില്‍ പാചക കൈപ്പുണ്യ മത്സരം നടത്തുന്നു. സ്ത്രീ ശക്തീകരണത്തിന്‍റെ ഭാഗമായി മാടപ്പള്ളി പഞ്ചായത്തും ചങ്ങനാശേരി ബ്രൈറ്റ് ഹോട്ടല്‍ മാനേജ്‌മെന്‍റ് ഇന്‍സ്റ്റിറ്റ്യൂട്ടും ചേര്‍ന്നാണ് വനിതകള്‍ക്കായി പരമ്പരാഗത പാചക കൈപ്പുണ്യ മത്സരം നടത്തുന്നത്. മാടപ്പള്ളി ഗ്രാമ പഞ്ചായത്തിലെ 20 വാര്‍ഡുകളില്‍നിന്നുള്ള രണ്ടുപേരടങ്ങുന്ന 20 ടീമുകള്‍ക്ക് മത്സരത്തില്‍ പങ്കെടുക്കാം. പങ്കെടുക്കാന്‍ ആഗ്രഹിക്കുന്ന മാടപ്പള്ളി പഞ്ചായത്ത് പ്രദേശത്തുനിന്നുള്ള വനിതകള്‍ 21ന് മുന്പ് പേരുകള്‍ രജിസ്റ്റര്‍ ചെയ്യണം. പെരുമ്പനച്ചി ഗവൺമെന്‍റ് എല്‍പി സ്‌കൂളില്‍ 23നാണ് മത്സരം. ഒന്നാം സമ്മാനം 10,001, രണ്ടാം സമ്മാനം 5,001, മൂന്നാം സമ്മാനം 3,001 രൂപ. കൂടാതെ മത്സരാര്‍ഥികള്‍ക്ക് പ്രോത്സാഹന സമ്മാനങ്ങളും സര്‍ട്ടിഫിക്കറ്റുകളും ലഭിക്കും. പഴമയുടെ സ്വാദും മണവും കൈമോശം വരാത്ത പാചകകലയില്‍ പ്രാവീണ്യമുള്ള വനിതകളെ കണ്ടെത്തി അവരില്‍ മറഞ്ഞിരിക്കുന്ന പാചക വൈദഗ്ധ്യത്തെ പുറംലോകത്തിനു പരിചയപ്പെടുത്തുക എന്ന ലക്ഷ്യത്തോടെയാണ് മത്സരം സംഘടിപ്പിക്കുന്നത്. മാടപ്പള്ളി ഗ്രാമപഞ്ചായത്ത് സ്റ്റാന്‍ഡിംഗ് കമ്മിറ്റി ചെയര്‍മാന്‍ പി.എ. ബിന്‍സണ്‍, ബ്രൈറ്റ് ഹോട്ടല്‍ മാനേജ്‌മെന്‍റ് ഇന്‍സ്റ്റിറ്റ്യൂട്ട് ഡയറക്ടര്‍ ജോസ് അമ്പാട്ട്, ഇന്‍സ്റ്റിറ്റ്യൂട്ട് കോ-ഓർഡിനേറ്റര്‍ ജോജി ജോസ്, പ്രിന്‍സിപ്പല്‍ ശ്രീനിവാസന്‍, സോഫിയാ ജേക്കബ്, എം. മഹേഷ് ലാല്‍ എന്നിവര്‍ പത്രസമ്മേളനത്തില്‍ പങ്കെടുത്തു. രജിസ്‌ട്രേഷനും കൂടുതല്‍ വിവരങ്ങള്‍ക്കും: കുടുംബശ്രീ മാടപ്പള്ളി ഗ്രാമപഞ്ചായത്ത്: ഫോണ്‍: 9539189890, ബ്രൈറ്റ് ഹോട്ടല്‍ മാനേജ്‌മെന്‍റ് ഇന്‍സ്റ്റിറ്റ്യൂട്ട് ഫോണ്‍: 9447463911, 9562211603.

തെങ്ങണ-കുന്നുംപുറം റോഡ് ടാറിംഗ് ജോലികള്‍ക്കു തുടക്കം

ചങ്ങനാശേരി: പെരുന്തുരുത്തി-ഏറ്റുമാനൂര്‍ ബൈപാസില്‍ തെങ്ങണ മുതല്‍ തൃക്കൊടിത്താനം കുന്നുംപുറം വരെയുള്ള റോഡിന്‍റെ പുനർനിര്‍മാണത്തിനു തുടക്കമായി. ഈ റോഡില്‍ വെള്ളക്കെട്ട് അനുഭവപ്പെടുന്ന ഗുഡ്‌ഷെപ്പേര്‍ഡ് സ്‌കൂളിന്‍റെ മുന്‍ഭാഗത്തുള്ള റോഡിലെ ടാറിംഗ് യന്ത്രസഹായത്താല്‍ ഇളക്കുന്ന ജോലികള്‍ക്കും തുടക്കംകുറിച്ചിട്ടുണ്ട്. ശബരിമല പാക്കേജില്‍പ്പെടുത്തി മൂന്നരക്കോടി രൂപ മുടക്കിയാണ് റോഡ് നിര്‍മിക്കുന്നത്. ഈ റോഡ് നാളുകളായി തകര്‍ന്നു കിടക്കുകയായിരുന്നു. ജോബ് മൈക്കിള്‍ എംഎല്‍എയുടെ ഇടപെടലിലാണ് റോഡ് നിര്‍മാണത്തിന് പണം ലഭിച്ചത്. അടുത്തമാസം പകുതിയോടെ റോഡ് നിര്‍മാണം പൂര്‍ത്തിയാക്കാനാണ് പൊതുമരാമത്തുവകുപ്പ് വകുപ്പിന്‍റെ തീരുമാനം. ഈ റോഡിലെ ഡീലക്‌സ്പടി വളവ് നിവര്‍ത്താനുള്ള നടപടികള്‍ ത്വരിതപ്പെടുത്തണമെന്ന ആവശ്യവും ശക്തമായിട്ടുണ്ട്. എംസി റോഡില്‍ പെരുന്തുരുത്തിയില്‍ ആരംഭിച്ച് നാലുകോടി, കുന്നുംപുറം, തെങ്ങണ, പുതുപ്പള്ളി, മണര്‍കാട് വഴി എംസി റോഡില്‍ ഏറ്റുമാനൂരില്‍ എത്തുന്ന ബൈപാസാണിത്.

വിശുദ്ധവാരത്തിനു തുടക്കം : ഇന്ന് ഓശാനത്തിരുനാള്‍

ചങ്ങനാശേരി: ഈശോയുടെ ജറൂസലേം രാജകീയ പ്രവേശനത്തിന്‍റെ സ്മരണപുതുക്കി ഇന്ന് ഓശാനത്തിരുനാള്‍ ആചരിക്കുന്നതോടെ ക്രൈസ്തവര്‍ വിശുദ്ധവാരത്തിലേക്കു പ്രവേശിക്കും. കഴുതപ്പുറത്ത് എഴുന്നള്ളിയ ദാവീദിന്‍റെ പുത്രനായ ഈശോയ്ക്ക് ജറൂസലേം ജനത ഓശാന പാടിയതിന്‍റെ അനുസ്മരണമായി ദേവാലയങ്ങളില്‍ കുരുത്തോല വെഞ്ചരിപ്പ്, കുരുത്തോല പ്രദക്ഷിണം, വിശുദ്ധകുര്‍ബാന, ഓശാനസന്ദേശം തുടങ്ങിയ ഭക്തിനിര്‍ഭരമായ ശുശ്രൂഷകള്‍ നടക്കും. മെത്രാപ്പോലീത്തന്‍ പള്ളിയില്‍ ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയിലെ ഓശാന ശുശ്രൂഷകള്‍ രാവിലെ 6.15ന് പാരീഷ് ഹാളില്‍ ആരംഭിക്കും. കുരുത്തോലകള്‍ കൈകളിലേന്തി വിശ്വാസികള്‍ പള്ളിയിലേക്കു പ്രദക്ഷിണമായി എത്തും. തുടര്‍ന്ന് വിശുദ്ധകുര്‍ബാന. ആര്‍ച്ച്ബിഷപ് മാര്‍ തോമസ് തറയില്‍ ശുശ്രൂഷകള്‍ക്ക് മുഖ്യകാര്‍മികത്വം വഹിക്കും. 9.15, 11, വൈകുന്നേരം അഞ്ച് എന്നീ സമയങ്ങളിലും വിശുദ്ധകുര്‍ബാന. പാറേല്‍ പള്ളിയില്‍ ചങ്ങനാശേരി പാറേല്‍ സെന്‍റ് മേരീസ് പള്ളിയില്‍ രാവിലെ 6.30ന് സപ്ര, കുരുത്തോല വെഞ്ചരിപ്പ്, വിശുദ്ധകുര്‍ബാന. 10നും വൈകുന്നേരം 4.30നും വിശുദ്ധകുര്‍ബാന. വികാരി ഫാ. ജേക്കബ് വാരിക്കാട്ട്, ഫാ. ടെജി പുതുവീട്ടിക്കളം, ഫാ. ജിജോ മാറാട്ടുകളം എന്നിവര്‍ കാര്‍മികരായിരിക്കും. കുറുമ്പനാടം ഫൊറോന പള്ളിയില്‍ കുറുമ്പനാടം സെന്‍റ് ആന്‍റണീസ് ഫൊറോന പള്ളിയിലെ ഓശാന തിരുക്കര്‍മങ്ങള്‍ 6.30ന് സെന്‍റ് പീറ്റേഴ്‌സ് സ്‌കൂളില്‍ ആരംഭിക്കും. തുടര്‍ന്ന് പള്ളിയിലേക്ക് പ്രദക്ഷിണം, വിശുദ്ധകുര്‍ബാന. അതിരൂപതാ വികാരി ജനറാള്‍ മോണ്‍. സ്‌കറിയ കന്യാകോണില്‍, വികാരി റവ.ഡോ. ജോബി കറുകപ്പറമ്പില്‍ എന്നിവര്‍ കാര്‍മികരായിരിക്കും. മാടപ്പള്ളി പള്ളിയില്‍ മാടപ്പള്ളി ചെറുപുഷ്പം പള്ളിയില്‍ രാവിലെ ആറിന് കുരുത്തോല വെഞ്ചരിപ്പ്, പ്രദക്ഷിണം, വിശുദ്ധകുര്‍ബാന-വികാരി ഫാ. മാത്യു ചെത്തിപ്പുഴ കാര്‍മികത്വം വഹിക്കും. ചെത്തിപ്പുഴ പള്ളിയില്‍ ചെത്തിപ്പുഴ തിരുഹൃദയ പള്ളിയില്‍ രാവിലെ 5.45ന് കുരുത്തോല വെഞ്ചരിപ്പ്, പ്രദക്ഷിണം, വിശുദ്ധകുര്‍ബാന വികാരി ഫാ. തോമസ് കല്ലുകളം, ഫാ. ജിന്നു താഴത്ത്, ഫാ. ജറിന്‍ ഇല്ലിക്കല്‍ എന്നിവര്‍ കാര്‍മികരായിരിക്കും. കൊടിനാട്ടുംകുന്ന് പള്ളിയില്‍ കൊടിനാട്ടുംകുന്ന് സെന്‍റ് സെബാസ്റ്റ്യന്‍സ് പള്ളിയില്‍ ഓശാന തിരുക്കര്‍മങ്ങളുടെ ഭാഗമായുള്ള ഓലവെഞ്ചരിപ്പ് രാവിലെ 6.15ന് മേഴ്‌സി ഹോമില്‍ ആരംഭിക്കും. തുടര്‍ന്ന് പള്ളിയിലേക്കു പ്രദക്ഷിണം, വിശുദ്ധകുര്‍ബാന. വികാരി ഫാ. ജോസ് നിലവന്തറ കാര്‍മികനായിരിക്കും. വെരൂര്‍ പള്ളിയില്‍ വെരൂര്‍ സെന്‍റ് ജോസഫ് പള്ളിയില്‍ ഓശാന തിരുക്കര്‍മങ്ങള്‍ രാവിലെ 6.15ന് ആരംഭിക്കും. കുരുത്തോല വെഞ്ചരിപ്പിനും വിശുദ്ധകുര്‍ബാനയ്ക്കും വികാരി ഫാ. തോമസ് പുത്തന്‍പുരയ്ക്കല്‍ കാര്‍മികനാകും. തുരുത്തി ഫൊറോന പള്ളിയില്‍ തുരുത്തി മര്‍ത്ത്മറിയം ഫൊറോന പള്ളിയില്‍ ഓശാന തിരുക്കര്‍മങ്ങള്‍ രാവിലെ ആറിന് ആരംഭിക്കും. കുരുത്തോല വെഞ്ചരിപ്പിനും വിശുദ്ധകുര്‍ബാനയ്ക്കും വികാരി ഫാ. ജോസ് വരിക്കപ്പള്ളി കാര്‍മികനായിരിക്കും. തൃക്കൊടിത്താനം ഫൊറോന പള്ളിയിൽ തൃക്കൊടിത്താനം സെന്‍റ് സേവ്യേഴ്‌സ് ഫൊറോന പള്ളിയില്‍ രാവിലെ ആറിന് ഓശാന തിരുക്കര്‍മങ്ങളാരംഭിക്കും. കുരുത്തോല വെഞ്ചരിപ്പിനും വിശുദ്ധ കുര്‍ബാനയ്ക്കും വികാരി ഫാ. സെബാസ്റ്റ്യന്‍ പുന്നശേരി കാര്‍മികനായിരിക്കും. നെടുംകുന്നം ഫൊറോന പള്ളിയിൽ നെടുംകുന്നം സെന്‍റ് ജോണ്‍ ദ് ബാപ്റ്റിസ്റ്റ് ഫൊറോന പള്ളിയിലെ ഓശാന തിരുക്കര്‍മങ്ങള്‍ രാവിലെ ആറിന് ആരംഭിക്കും. ഓലവെഞ്ചരിപ്പിനും വിശുദ്ധകുര്‍ബാനയ്ക്കും വികാരി ഫാ. വര്‍ഗീസ് കൈതപ്പറമ്പില്‍ കാര്‍മികത്വം വഹിക്കും.

ഏറ്റുമാനൂർ ക്ഷേത്രത്തിൽ വിഷുക്കൈനീട്ടമായി പ്രഭാതഭക്ഷണം

ഏറ്റുമാനൂർ: നാളെ വിഷു ദിനത്തിൽ ഏറ്റുമാനൂർ മഹാദേവ ക്ഷേത്രത്തിൽ എത്തുന്ന ഭക്തജനങ്ങൾക്ക് വിഷുക്കൈനീട്ടമായി ലഘു പ്രഭാതഭക്ഷണം നൽകുന്നു. ഏറ്റുമാനൂർ ജനകീയ വികസന സമിതി പ്രസിഡന്‍റ് ബി. രാജീവാണ് വേറിട്ട രീതിയിൽ വിഷുക്കൈനീട്ടം ഒരുക്കുന്നത്. പടിഞ്ഞാറേ നടയിലുള്ള ഗോപുരത്തിന് സമീപം രാവിലെ ഏഴു മുതൽ എട്ടു വരെയാണ് പ്രഭാത ഭക്ഷണം കൊടുക്കുന്നത്. മുൻവർഷങ്ങളിൽ അതിരമ്പുഴ അബ്രോ ഭവൻ, കിംസ് ആശുപത്രിക്കു സമീപം ഭിന്നശേഷി കുട്ടികൾക്കുള്ള അഭയകേന്ദ്രം തുടങ്ങി വിവിധ സ്ഥലങ്ങളിൽ ബി. രാജീവിന്‍റെ നേതൃത്വത്തിൽ ഓണസദ്യ ഉൾപ്പെടെ ഭക്ഷണവിതരണം നടത്തിയിട്ടുണ്ട്.

ഇലവീഴാപൂഞ്ചിറയിൽ വഴിയോര വിശ്രമകേന്ദ്രം ഒരുങ്ങും

മൂലമറ്റം: ഇലവീഴാപ്പൂഞ്ചിറയിൽ വിനോദസഞ്ചാരികൾക്കായി വഴിയോര വിശ്രമ കേന്ദ്രം ഒരുങ്ങുന്നു. കുടയത്തൂർ പഞ്ചായത്തിന്‍റെ വർഷങ്ങളായുള്ള പരിശ്രമമാണ് യാഥാർഥ്യമാകുന്നത്. ഇലവീഴാപ്പൂഞ്ചിറയിൽ സർക്കാരിന്‍റെ ടേക്ക് എ ബ്രേക്ക് പദ്ധതിക്കായി ജില്ലാ പഞ്ചായത്ത് നേരത്തേ 35 ലക്ഷം രൂപ അനുവദിച്ചിരുന്നു. എന്നാൽ ഭൂമി സംബന്ധിച്ച് കുടയത്തൂർ-മൂന്നിലവ് പഞ്ചായത്തുകൾ തമ്മിൽ തർക്കമുണ്ടായതോടെ പദ്ധതി തടസപ്പെട്ടു. പഞ്ചായത്തിന്‍റെ അതിർത്തി നിർണയിക്കാൻ കഴിയാത്തതായിരുന്നു പ്രശ്നം. തുടർന്ന് കുടയത്തൂർ പഞ്ചായത്ത് റവന്യൂ വകുപ്പുമായി ബന്ധപ്പെട്ട് റീ സർവേ നടപടികൾ പൂർത്തിയാക്കി. തുടർന്ന് പത്തു സെന്‍റ് സ്ഥലം ജില്ലാ ഭരണകൂടം വഴിയോര വിശ്രമകേന്ദ്രത്തിനായി പഞ്ചായത്തിന് വിട്ടുനൽകി. ടെൻഡർ നടപടി ആരംഭിച്ചതായി ജില്ലാ പഞ്ചായത്തംഗം എം.ജെ. ജേക്കബ് പറഞ്ഞു. വിശ്രമകേന്ദ്രത്തിനു പുറമേ കോഫിഷോപ് , ശൗചാലയം, പാർക്കിംഗ് ഏരിയ എന്നിവ ഇവിടെ ഒരുക്കുമെന്ന് പഞ്ചായത്ത് പ്രസിഡന്‍റ് കെ.എൻ. ഷിയാസ്, അംഗം ആഷ റോജി എന്നിവർ പറഞ്ഞു.

വെച്ചൂരിൽ നെല്ലുസംഭരണം അനിശ്ചിതത്വത്തിൽ; കർഷകർ റോഡ് ഉപരോധിക്കും

വെച്ചൂർ: സ്വകാര്യമില്ലുകാർ അമിതമായി താര ആവശ്യപ്പെട്ടതിനെത്തുടർന്ന് വെച്ചൂരിൽ നെല്ലുസംഭരണം അനശ്ചിതത്വത്തിലായി. വെച്ചൂർ പോലീസ് ഔട്ട് പോസ്റ്റിന് കിഴക്കുഭാഗത്തുള്ള പാടശേഖരത്തിലാണ് കൊയ്ത്ത് കഴിഞ്ഞ് ഒരാഴ്ച കഴിഞ്ഞിട്ടും നെല്ല് സംഭരിക്കാത്തത്. ക്വിന്‍റലിന് അഞ്ചുകിലോ കിഴിവ് നൽകാമെന്ന് കർഷകർ പറഞ്ഞിട്ടും പതിര് കൂടുതലുണ്ടെന്ന് ആരോപിച്ച് നെല്ല് സംഭരിക്കാൻ വിസമ്മതിച്ച് മില്ലുകാർ വിലപേശൽ തുടരുകയാണ്. 168 ഏക്കർ വരുന്ന പാടശേഖരത്തിൽ 85കർഷകരാണ് കൃഷിയിറക്കിയത്.പാടശേഖരത്തിനു സമീപത്ത് കൂട്ടിയിട്ടിരിക്കുന്ന നെല്ല് മഴ തുടങ്ങിയതോടെ നനഞ്ഞ് കിളിർക്കുമെന്ന ആശങ്കയിലാണ് കർഷകർ. 34 പാടശേഖരങ്ങളിലായി 3500 ഏക്കറിൽ നെൽകൃഷി നടക്കുന്ന വെച്ചൂരിൽ അരങ്ങത്തു കരി, ഊരിക്കരി, തേവർ കരി,പുല്ലുകുഴിച്ചാൽ, പന്നയ്ക്കാത്തടം, ദേവസ്വം കരി, അച്ചിനകം, അരികുപുറം തുടങ്ങി 700 ഏക്കറിലാണ് പുഞ്ചകൃഷിയിറക്കി യത്. ഇതിൽ ചില പാടങ്ങൾ അടുത്ത ദിവസം കൊയ്യും. നെല്ലു സംഭരണത്തിൽ അനിശ്ചിതത്വമുണ്ടായാൽ തങ്ങൾ ദുരിതത്തിലാകുമെന്ന് പന്നയ്ക്കാത്തടം പാടശേഖര സമിതി ഭാരവാഹി പി.കെ. ബൈജു പറഞ്ഞു. ഏക്കറിനു 35000 രൂപയോളം കൃഷിച്ചെലവ് വന്നെങ്കിലും 13 നും 15 ക്വിന്‍റലിനും മധ്യേയാണ് പലർക്കും വിളവ് ലഭിച്ചത്. ചൊവ്വാഴ്ച റോഡ് ഉപരോധിക്കും.നെല്ല് സംഭരിക്കുന്നതിന് വെച്ചൂർ മോഡേൺ റൈസ് മില്ലു വിമുഖത കാട്ടിയതിനാൽ നെല്ലു സംഭരിക്കുന്നതിന് അധികൃതർ നടപടി സ്വീകരിക്കണമെന്നാവശ്യപ്പെട്ട് കർഷകർ ഉപരോധ സമരം നടത്തും. നെല്ലുമായി ചൊവ്വാഴ്ച രാവിലെ മോഡേൺ റൈസ് മില്ലിന് മുന്നിൽ ഉപരോധസമരം നടത്താനാണ് കർഷകരുടെ തീരുമാനം.

വിമാനത്താവളം: സ്ഥലം ഏറ്റെടുക്കൽ നടപടിക്കൊരുങ്ങി റവന്യു വകുപ്പ്

എരുമേലി: നിർദിഷ്ട ശബരിമല ഗ്രീൻഫീൽഡ് വിമാനത്താവളത്തിനു സംസ്ഥാന സർക്കാരിന്‍റെ ഭരണാനുമതിയായതിനെത്തുടർന്ന് 2,570 ഏക്കർ സ്ഥലം ഏറ്റെടുക്കാനുള്ള നടപടികൾക്കൊരുങ്ങി റവന്യു വകുപ്പ്. മണിമല, എരുമേലി തെക്ക് വില്ലേജുകളിലായി 2570 ഏക്കർ സ്ഥലമാണ് വിമാനത്താവള നിർമാണത്തിനായി ഏറ്റെടുക്കുന്നത്. ഇതിൽ ചെറുവള്ളി എസ്റ്റേറ്റിലെ 916.27 ഹെക്ടറും 121.876 ഹെക്ടർ സ്വകാര്യ ഭൂമിയുമാണ് ഏറ്റെടുക്കേണ്ടത്. പദ്ധതി പ്രദേശത്ത് നടത്തിയ സാമൂഹിക ആഘാതപഠനം പുനരധിവാസവും നഷ്ടപരിഹാരവും ഉറപ്പാക്കി കേന്ദ്ര സർക്കാരിന്‍റെ ഭൂമി ഏറ്റെടുക്കൽ ചട്ടപ്രകാരമുളള നടപടികൾക്കു ശിപാർശ നൽകിയിരുന്നു. വിദഗ്ധ സമിതി ഇതിന് അംഗീകാരം നൽകിയതോടെയാണ് ഭരണാനുമതിയായത്. ആഭ്യന്തരം, റവന്യു, വനം, ധനകാര്യം, സാമൂഹികക്ഷേമം തുടങ്ങിയ വകുപ്പുകൾ ശിപാർശകളിൽ പരിശോധന പൂർത്തിയാക്കിയിരുന്നു. റവന്യു സംഘം ഇനി ഭൂമി ഉടമകളെ കണ്ട് ഏറ്റെടുക്കൽ വിവരം അറിയിച്ച് വിശദ ഭൂമി സ്കെച്ച് തയാറാക്കി നൽകും. അതിനുശേഷം കെട്ടിടം, ഭൂമി, മറ്റു വസ്തുക്കൾ എന്നിവയുടെ വില നിശ്ചയിച്ച് നഷ്ടപരിഹാരം ശിപാർശ ചെയ്യും. ഇതോടെ ഭൂമി ഏറ്റെടുക്കാനുള്ള വിജ്ഞാപനത്തിലേക്ക് നടപടികൾ സ്വീകരിക്കുമെന്ന് റവന്യു ഉദ്യോഗസ്ഥർ പറഞ്ഞു. അതേസമയം, പദ്ധതിക്കായി ഏറ്റെടുക്കുന്ന ചെറുവള്ളി എസ്റ്റേറ്റിന്‍റെ ഉടമസ്ഥാവകാശ തർക്കത്തിൽ പാലാ സബ് കോടതിയിൽ നടക്കുന്ന കേസിൽ ജൂൺ അഞ്ചിനു വിസ്താരം നടക്കും. എസ്റ്റേറ്റ് കൈവശം വച്ചിരിക്കുന്ന അയന ചാരിറ്റബിൾ ട്രസ്റ്റിന്‍റെ പ്രതിനിധിയെയാണ് വിസ്‌തരിക്കുക. സർക്കാർ വാദിയായ ഈ കേസിൽ വാദി ഭാഗം വിസ്താരം കഴിഞ്ഞ ദിവസമാണ് പൂർത്തിയായത്. 2005ലാണ് ചെറുവള്ളി എസ്റ്റേറ്റ് ബിലീവേഴ്‌സ് ചർച്ച് വാങ്ങിയത്. ബ്രിട്ടീഷ് കമ്പനി കൈവശം വച്ചിരുന്ന എസ്റ്റേറ്റ് കൈമാറ്റം ചെയ്ത് വില്പന നടത്തിയത് നിയമവിരുദ്ധമാണെന്നും എസ്റ്റേറ്റ് സർക്കാരിന് അവകാശപ്പെട്ട ഭൂമിയാണെന്നുമാണ് പാലാ സബ് കോടതിയിൽ സർക്കാർ അറിയിച്ചിട്ടുള്ളത്.

തോടുകള്‍ വൃത്തിയാക്കും

കല്ലറ പഞ്ചായത്തിലെ എല്ലാ തോടുകളും പുല്ലു നിറഞ്ഞ് കിടക്കുകയാണ്. ഇറിഗേഷന്‍ വകുപ്പ് ഇതിനായി പദ്ധതി തയാറാക്കിയിട്ടുണ്ട്. മഴക്കാലത്തിനു മുമ്പ് തോടുകള്‍ ആഴംകൂട്ടി തെളിച്ചു നീരൊഴുക്ക് വര്‍ധിപ്പിക്കാനുള്ള നടപടി സ്വീകരിക്കുമെന്ന് കല്ലറ പഞ്ചായത്ത് പ്രസിഡന്‍റ് ജോണി തോട്ടുങ്കല്‍ പറഞ്ഞു.

പോളയും പായലും നിറഞ്ഞ് കളമ്പുകാട് തോട്

കടുത്തുരുത്തി: പോളയും പായലും പടർന്ന് കളമ്പുകാട് തോട്. സമീപത്തെ താമസക്കാര്‍ കുളിക്കാനും പാത്രം കഴുകാനുമെല്ലാം നേരത്തേ ഇവിടുത്തെ വെള്ളമാണ് ഉപയോഗിച്ചിരുന്നത്. പലയിടത്തും പുല്ല് മൂടിയിട്ട് തോട് കാണാന്‍ മേലാത്ത നിലയാണുള്ളത്. ചിലയിടത്ത് പോളയും പായലും. മൂന്നു വര്‍ഷമായി ഇതാണ് കളമ്പുകാട് തോടിന്‍റെ അവസ്ഥയെന്ന് നാട്ടുകാര്‍. മലിനജലം അല്ലായിരുന്നെങ്കില്‍ ഭക്ഷണം പാകം ചെയ്യാനും കുടിക്കാനും ഒഴികെയുള്ള ആവശ്യങ്ങള്‍ക്ക് വേനല്‍ക്കാലത്ത് തോട്ടിലെ വെള്ളം ഉപയോഗിക്കാമായിരുന്നു. ഇപ്പോള്‍ എല്ലാത്തിനും പൈപ്പു വെള്ളം വേണം. ഇല്ലെങ്കില്‍ കൈ കഴുകാനും വസ്ത്രം നനയ്ക്കാനുമെല്ലാം കിണറുകളുള്ളിടത്തു പോയി വെള്ളം കൊണ്ടുവരണമെന്നും റെജി പറയുന്നു. തോടിന്‍റെ ശോച്യാവസ്ഥ പരിഹരിക്കണമെന്നാണ് നാട്ടുകാരുടെ ആവശ്യം. പുല്ലും പായലും തിങ്ങിനിറഞ്ഞു. തോട്ടിലെ നീരൊഴുക്കും നിലച്ചു. മലിനജലത്തിന്‍റെ ദുര്‍ഗന്ധം കൊണ്ട് ഇരിക്കാന്‍ പറ്റാത്ത സ്ഥിതിയാണ് ഇവിടുള്ളവര്‍ക്ക്. വേനല്‍കാലത്ത് വെള്ളത്തിനായി നാട്ടുകാര്‍ പരക്കം പായുമ്പോഴാണ് ഇത്തരത്തില്‍ മുന്നിലുള്ള വെള്ളം ദുര്‍ഗന്ധം വമിക്കുന്ന നിലയില്‍ കിടക്കുന്നത്. തോട് തെളിച്ചു നീരൊഴുക്ക് സാധ്യമാക്കിയില്ലെങ്കില്‍ വേനല്‍ക്കാലത്ത് മലിനജലം കെട്ടിക്കിടക്കാനും മഴക്കാലത്ത് വെള്ളപ്പൊക്കത്തിനും കാരണമാകുമെന്ന് പ്രദേശവാസികള്‍ പറയുന്നു.

കുറുപ്പന്തറ ജംഗ്ഷന്‍ വികസനം: നടപടികൾ വേഗത്തിലാക്കുമെന്ന് എംഎൽഎ

കുറുപ്പന്തറ: കുറുപ്പന്തറ ജംഗ്ഷന്‍ വികസനവും ഏറ്റുമാനൂര്‍-എറണാകുളം റോഡിലെ അപകടവളവുകള്‍ നിവര്‍ത്തുന്നതിന് ഭൂമി ഏറ്റെടുക്കാനുള്ള സര്‍ക്കാര്‍ ഉത്തരവ് പ്രകാരം നടപടികള്‍ ത്വരിതപ്പെടുത്തുമെന്ന് മോന്‍സ് ജോസഫ് എംഎല്‍എ. പൊതുമരാമത്ത് വകുപ്പ് റോഡ്‌സ് വിഭാഗവും റവന്യുവകുപ്പും സംയുക്ത പരിശോധന നടത്തിയ ശേഷം ഭൂമി ഏറ്റെടുക്കല്‍ നടപടിയിലേക്ക് പ്രവേശിക്കും. കടുത്തുരുത്തി നിയോജകമണ്ഡലത്തില്‍ ഉള്‍പ്പെട്ട വിവിധ സ്ഥലങ്ങള്‍ ചേര്‍ത്ത് ഏറ്റുമാനൂര്‍ - എറണാകുളം റോഡിലെ അപകടവളവുകള്‍ നിവര്‍ത്തുന്നതിന് ആദ്യഘട്ടത്തില്‍ റവന്യുവകുപ്പ് പുറപ്പെടുവിച്ച ഉത്തരവില്‍ വിട്ടുപോയ സര്‍വേ നമ്പരുകള്‍കൂടി ഉള്‍പ്പെടുത്തി പുതുക്കിയ ഭേദഗതി ഉത്തരവ് റവന്യു (ബി) വകുപ്പ് പുറപ്പെടുവിച്ചതായി എംഎല്‍എ അറിയിച്ചു.

നാല്‍പതാം വെള്ളിദിനം ലാസറിന്‍റെ മരണവും പൗലോസ് ശ്ലീഹായുടെ മുള്ളുകളും ഓര്‍മപ്പെടുത്തുന്നു: മാര്‍ ജോസഫ് കല്ലറങ്ങാട്ട്

മുട്ടുചിറ: നാല്‍പതാം വെള്ളിദിനം ലാസറിന്‍റെ മരണവും പൗലോസ് ശ്ലീഹായുടെ മുള്ളുകളും ഓര്‍മപ്പെടുത്തുന്നെന്ന് ബിഷപ് മാര്‍ ജോസഫ് കല്ലറങ്ങാട്ട്. മുട്ടുചിറ റൂഹാദ്കുദിശ ഫൊറോനാ പള്ളിയുടെ ആധുനിക സംവിധാനത്തോടുകൂടി നവീകരിച്ച എസി കണ്‍വന്‍ഷന്‍ ഹാളിന്‍റെ വെഞ്ചരിപ്പ് നിര്‍വഹിച്ചും നാല്‍പതാം വെള്ളിയാചരണത്തോടുനുബന്ധിച്ചുള്ള സന്ദേശവും നല്‍കുകയായിരുന്നു മാർ കല്ലറങ്ങാട്ട്. വികാരി ഫാ. ഏബ്രാഹം കൊല്ലിത്താനത്തുമലയില്‍, കണ്‍വീനര്‍ ജോസഫ് മാത്യു കണിവേലില്‍, സഹവികാരിമാരായ ഫാ.മാത്യു വാഴചാരിക്കല്‍, ഫാ.ആന്‍റണി ഞരളക്കാട്ട്, കൈക്കാരന്മാരായ എ.എം. മാത്യു അരീക്കത്തുണ്ടത്തില്‍, ജോസ് സിറിയക് ഏറ്റുമാനൂക്കാരന്‍, സി.എ. സണ്ണി പുളിനില്‍ക്കുന്നോരം, പ്രതിനിധിയോഗം സെക്രട്ടറി ജോയി കക്കാട്ടില്‍, മാത്യു ഫിലിപ്പ് കണിവേലില്‍ എന്നിവര്‍ പ്രസംഗിച്ചു. എൻജിനിയര്‍മാരും ആര്‍ക്കിടെക്റ്റുകളുമായ മോന്‍സ് മാത്യു, രജത് ജോണി, ജോണിക്കുട്ടി മാത്യു, ജോബിന്‍ സിറിയക്, അഭിഷേക് പ്രകാശ് എന്നിവരെ ബിഷപ്പ് മെമന്‍റോ നല്‍കി ആദരിച്ചു. ആയിരം പേര്‍ക്ക് ഇരിക്കാവുന്ന സൗകര്യങ്ങളാണ് ഹാളിനുള്ളത്.

വിഷു ആഘോഷങ്ങൾക്ക് നാടും നഗരവും ഒരുങ്ങി

വൈക്കം: ഐശ്വര്യത്തിന്‍റെയും പ്രതീക്ഷയുടെയും സമാധാനത്തിന്‍റെയും ഉത്സവമായ വിഷു ആഘോഷിക്കാൻ നാടും നഗരവും ഒരുങ്ങി. ശ്രീകൃഷ്ണൻ, നരകാസുരനെ വധിച്ച സുദിനമാണ് വിഷുവെന്ന് ഐതിഹ്യം. രാവും പകലും തുല്യമായ വിഷുദിനം കാർഷിക സമൃദ്ധിയുടെ ഉത്സവം കൂടിയാണ്. വിഷു ആഘോഷത്തിലെ പ്രധാന ചടങ്ങായ വിഷുക്കണി ഒരുക്കുന്നതിന് കണിക്കൊന്ന പൂക്കളും കൃഷ്ണ വിഗ്രഹങ്ങളും കൃഷ്ണന്‍റെ ചിത്രങ്ങളും കണിവെള്ളരിയും ചക്കയും മാങ്ങയുമടക്കമുള്ള ഫലമൂലാദികളും വിപണിയിൽ നിറഞ്ഞു. കണിക്കൊന്ന പൂക്കൾ കിട്ടാതെവന്നാൽ പകരം പ്ലാസ്റ്റിക് കണിക്കൊന്ന പൂക്കളും വിപണിയിലെത്തിയിട്ടുണ്ട്. വിഷുവിന്‍റെ വരവറിയിച്ചു കണിക്കൊന്നകൾ ദിവസങ്ങൾക്കു മുമ്പേ സ്വർണവർണമണിഞ്ഞ് പൂത്തുലഞ്ഞിരുന്നു. വിഷുവിന് മിതമായ നിരക്കിൽ കണിയൊരുക്കാനുള്ള വിഭവങ്ങളും സദ്യയൊരുക്കാനുള്ള പഴം-പച്ചക്കറികളും കറിക്കൂട്ടുകളുമായി കുടുംബശ്രീയുടെ വിഷുവിപണി പഞ്ചായത്തുകൾതോറും ആരംഭിച്ചിട്ടുണ്ട്. നാട്ടിൻപുറങ്ങളിലെ ചന്തകളിലും പഴക്കടകളിലും കണിവെള്ളരി, ചക്ക, മാങ്ങ, കദളിപ്പഴം തുടങ്ങി കണിയൊരുക്കാനുള്ള വിഭവങ്ങളുടെ വിപുലമായ ശേഖരം ഒരുങ്ങിയിട്ടുണ്ട്. പ്ലാസ്റ്റർ ഓഫ് പാരീസിൽ തീർത്ത കൃഷ്ണപ്രതിമകളുമായി ഇതര സംസ്ഥാനക്കാരും വിഷു വിപണിയുടെ ഭാഗമാകാനെത്തിയിട്ടുണ്ട്. വിഷുവിന് വർണപ്പകിട്ടേകാൻ നഗരത്തിലും ഗ്രാമപ്രദേശങ്ങളിലും പടക്കവിപണി ദിവസങ്ങൾക്കു മുമ്പേ തുറന്നിരുന്നു. ശബ്ദം കുറഞ്ഞ് വർണ കാഴ്ചയൊരുക്കുന്ന ചൈനീസ് പടക്കങ്ങളാണ് വിപണിയിലധികവും. വർണവിസ്മയം തീർത്ത് പറന്നുയരുന്ന ഹെലികോപ്ടർ, കമ്പിയിൽ കറങ്ങുന്ന ചക്രം, ക്രിക്കറ്റ് ബാറ്റും ബോളും മ്യൂസിക് റോക്കറ്റ്, കളർ ഷവർ, ഫോട്ടോ ഫ്ലാഷ് തുടങ്ങി ഒട്ടേറെ പുതിയതാരങ്ങൾ പടക്ക വിപണിയിൽ ഇക്കുറിയുണ്ട്. ശബ്ദം കുറഞ്ഞ് വർണവിസ്മയം തീർക്കുന്ന പടക്കങ്ങളോടാണ് കൂടുതൽപേർക്കും പ്രിയമെന്ന് വൈക്കം ചെമ്പ് അങ്ങാടിയിലെ ഫയർ വർക്സ് ഉടമ പി.പി. സജി പറഞ്ഞു.

ദേവാലയങ്ങളില്‍ ഇന്ന് ഓശാന

കടുത്തുരുത്തി: പെസഹാ ആചരണത്തിനു മുന്നോടിയായി യേശുക്രിസ്തു ജറുസലേമിലേക്കു നടത്തിയ രാജകീയ പ്രവേശനത്തെ അനുസ്മരിച്ചു ക്രൈസ്തവര്‍ ഇന്ന് ഓശാന തിരുനാള്‍ ആചരിക്കും. തിരുനാളിനോടുനുബന്ധിച്ചു ദേവാലയങ്ങളില്‍ പ്രത്യേക പ്രാര്‍ത്ഥനകളും തിരുക്കര്‍മങ്ങളും നടക്കും. കടുത്തുരുത്തി സെന്‍റ് മേരീസ് ഫൊറോനാ താഴത്തുപള്ളിയില്‍ രാവിലെ 6.30 ന് തിരുക്കര്‍മങ്ങള്‍ ആരംഭിക്കും. തുടര്‍ന്ന് കുരുത്തോല വെഞ്ചരിപ്പ്, പുതിയ പള്ളിയിലേക്കു പ്രദക്ഷിണം, പുതിയ പള്ളിയില്‍ വിശുദ്ധ കുര്‍ബാന എന്നിങ്ങനെയാണ് തിരുക്കര്‍മങ്ങള്‍ നടക്കുന്നത്. വികാരി ഫാ.മാത്യു ചന്ദ്രന്‍കുന്നേല്‍ മുഖ്യകാര്‍മികത്വം വഹിക്കും. കടുത്തുരുത്തി സെന്‍റ് മേരീസ് ഫൊറോന വലിയപള്ളിയില്‍ രാവിലെ ഏഴിന് കുരുത്തോല വെഞ്ചരിപ്പോടെ തിരുക്കര്‍മങ്ങള്‍ ആരംഭിക്കും. തുടര്‍ന്ന് പ്രദക്ഷിണം, വിശുദ്ധ കുര്‍ബാന, നേര്‍ച്ച വെഞ്ചരിപ്പ്, ദമ്പതികള്‍ക്കായുള്ള പ്രത്യേക പ്രാര്‍ത്ഥന എന്നിവ നടക്കും. വികാരി ഫാ.ജോണ്‍സണ്‍ നീലനിരപ്പേല്‍ കാര്‍മികത്വം വഹിക്കും. മുട്ടുചിറ ഫൊറോനാ പള്ളിയില്‍ രാവിലെ 6.30 ന് തിരുക്കര്‍മങ്ങള്‍ ആരംഭിക്കും. കുരുത്തോല വെഞ്ചരിപ്പ്, തുടര്‍ന്ന് വിശുദ്ധ കുര്‍ബാന എന്നിങ്ങനെയാണ് തിരുക്കര്‍മങ്ങള്‍ നടക്കുന്നത്. വികാരി ഫാ.ഏബ്രഹാം കൊല്ലിത്താനത്തുമലയില്‍ കാര്‍മികത്വം വഹിക്കും. മണ്ണാറപ്പാറ സെന്‍റ് സേവ്യേഴ്സ് പള്ളിയില്‍ രാവിലെ ആറിന് ഓശാന തിരുകര്‍മങ്ങള്‍, തുടര്‍ന്ന് വിശുദ്ധ കുര്‍ബാന വികാരി ഫാ.ജോസ് വള്ളോംപുരയിടം കാര്‍മികത്വം വഹിക്കും. കാഞ്ഞിരത്താനം സെന്‍റ് ജോണ്‍സ് പള്ളിയിലെ ഓശാന തിരുക്കര്‍മങ്ങള്‍ രാവിലെ 6.45 ന് ആരംഭിക്കും. 10.30 നുള്ള വിശുദ്ധ കുര്‍ബാനയെ തുടര്‍ന്ന് തമുക്ക് നേര്‍ച്ചയുടെ വെഞ്ചരിപ്പും വിതരണവും നടക്കും. വികാരി ഫാ.ജെയിംസ് വയലില്‍ കാര്‍മികത്വം വഹിക്കും. കോതനല്ലൂര്‍ കന്തീശങ്ങളുടെ ഫൊറോന പള്ളിയില്‍ രാവിലെ ഏഴിന് നടക്കുന്ന പെസഹാ തിരുക്കര്‍മങ്ങള്‍ക്ക് വികാരി ഫാ.സെബാസ്റ്റ്യന്‍ പടിക്കക്കുഴുപ്പില്‍ കാര്‍മികത്വം വഹിക്കും. അറുനൂറ്റിമംഗലം സെന്‍റ് തോമസ് മലകയറ്റ പള്ളിയില്‍ രാവിലെ ഏഴിന് ഓശാനയുടെ തിരുക്കര്‍മങ്ങള്‍ ആരംഭിക്കും. വികാരി ഫാ.അഗസ്റ്റിന്‍ വരിക്കമാക്കല്‍ കാര്‍മികത്വം ഹിക്കും.

കഞ്ചാവുമായി രണ്ടുപേർ അറസ്റ്റിൽ

മണർകാട്: കഞ്ചാവുമായി രണ്ടുപേരേ പോലീസ് അറസ്റ്റ് ചെയ്തു. ആസാം സ്വദേശി മണിനുൾ ഹഖിനെ (27) 300 ഗ്രാം കഞ്ചാവുമായും പാറമ്പുഴ സ്വദേശി ഹരി ൻ അഞ്ചു ഗ്രാം കഞ്ചാവുമായാണ് പോലീസിന്‍റെ പിടിയിലായത്. കോട്ടയം ജില്ലാ പോലീസ് മേധാവിയുടെ നിർദേശപ്രകാരമുള്ള പരിശോധനയിൽ മണർകാട് പോലീസാണ് പ്രതികളെ അറസ്റ്റ് ചെയ്തത്.

എന്‍എസ്എസ് ലഹരി വിരുദ്ധ പ്രചാരണത്തിന് തുടക്കംകുറിച്ചു

ചങ്ങനാശേരി: നായര്‍ സര്‍വീസ് സൊസൈറ്റിയുടെ ആഹ്വാന പ്രകാരം സംസ്ഥാനത്തൊട്ടാകെയുള്ള എന്‍എസ്എസ് കരയോഗങ്ങളില്‍ ലഹരിവിരുദ്ധ പ്രചാരണദിനം ആചരിച്ചു. കരയോഗങ്ങളില്‍ ലഹരിവിരുദ്ധ ബോധവത്കരണ സെമിനാറും ലഹരിവിരുദ്ധ പ്രതിജ്ഞയും നടത്തി. സംസ്ഥാനത്തെ അയ്യായിരത്തിലധികം വരുന്ന കരയോഗങ്ങളിലാണ് പരിപാടി സംഘടിപ്പിച്ചത്. പോലീസ്, എക്‌സൈസ് ഉദ്യോഗസ്ഥരും വിഷയങ്ങളില്‍ പ്രഗത്ഭരായവരും ക്ലാസ് നയിച്ചു.

വിശുദ്ധവാരാചരണം

കോട്ടയം ക്രിസ്തുരാജ കത്തീഡ്രലില്‍ കോട്ടയം: ക്രിസ്തുരാജ കത്തീഡ്രലില്‍ ഇന്ന് ആരംഭിക്കുന്ന വിശുദ്ധവാര കര്‍മങ്ങള്‍ക്ക് കോട്ടയം ആര്‍ച്ച് ബിഷപ് മാര്‍ മാത്യു മൂലക്കാട്ട് മുഖ്യകാര്‍മികത്വം വഹിക്കും. രാവിലെ ഏഴിന് ഓശാന തിരുക്കര്‍മങ്ങള്‍ ആരംഭിക്കും. പെസഹാ വ്യാഴം കാല്‍കഴുകല്‍ ശുശ്രൂഷ രാവിലെ 6.30ന് ആരംഭിക്കും. തുടര്‍ന്ന് നടക്കുന്ന ദിവ്യകാരുണ്യ ആരാധന വൈകുന്നേരം നാലിനു സമാപിക്കും. ദുഃഖവെള്ളിയുടെ ശുശ്രൂഷകള്‍ രാവിലെ ഏഴിന് ആരംഭിക്കും. ദുഃഖശനിയുടെ ശുശ്രൂഷകള്‍ രാവിലെ 6.15ന് ആരംഭിക്കും. ഈസ്റ്റര്‍ ശുശ്രൂഷകള്‍ പുലര്‍ച്ചെ അഞ്ചിന് ആരംഭിക്കും. തുടര്‍ന്ന് 7.30നു വിശുദ്ധ കുര്‍ബാന. നാളെ മുതല്‍ 16വരെ ധ്യാനവും ക്രമീകരിച്ചിട്ടുണ്ട്. ഫാ. ജിസോയി പെണ്ടാനത്ത് സിഎസ്എസ്ആര്‍ ധ്യാനചിന്തകള്‍ പങ്കുവയ്ക്കും. 16നു രാവിലെ ഒമ്പതു മുതല്‍ 12 വരെയും വൈകുന്നേരം മൂന്നു മുതല്‍ 5.30 വരെയും 19നു രാവിലെ ഒമ്പതു മുതല്‍ 12വരെയും വൈകുന്നേരം മൂന്നു മുതല്‍ ആറു വരെയും കുമ്പസാരത്തിനുള്ള അവസരമുണ്ടായിരിക്കുന്നതാണെന്ന് വികാരി ഫാ. തോമസ് ആദോപ്പിള്ളില്‍ അറിയിച്ചു. അതിരമ്പുഴ പള്ളിയിൽ നാല്പതുമണി ആരാധന അതിരമ്പുഴ: വിശുദ്ധ കുരിശിന്‍റെ തിരുശേഷിപ്പ് പ്രതിഷ്ഠിച്ചിട്ടുള്ള തീർഥാടന കേന്ദ്രമായ അതിരമ്പുഴ സെന്‍റ് മേരീസ് ഫൊറോനാ പള്ളിയിൽ നാല്പതുമണി ആരാധന നാളെ ആരംഭിച്ച് ബുധനാഴ്ച സമാപിക്കും. പീഡാനുഭവ വാരത്തിൽ ഓശാന ഞായറാഴ്ചക്കുശേഷമുള്ള തിങ്കൾ മുതൽ ബുധൻ വരെയാണ് അതിരമ്പുഴ പള്ളിയിൽ എല്ലാ വർഷവും നാല്പതുമണി ആരാധന നടത്തുന്നത്. നാളെ രാവിലെ 5.45ന് സപ്ര, വിശുദ്ധ കുർബാന, ഏഴിന് വിശുദ്ധ കുർബാന. തുടർന്ന് എട്ടിന് നാല്പതുമണി ആരാധന ആരംഭിക്കും. വൈകുന്നേരം നാലിന് പൊതു ആരാധന, അഞ്ചിന് കുരിശിന്‍റെ വഴി, 5.30ന് വിശുദ്ധ കുർബാന. ചൊവ്വാഴ്ചയും ഇതേ ക്രമത്തിൽ തിരുക്കർമങ്ങൾ നടക്കും. ബുധനാഴ്ച രാവിലെ 5.45ന് സപ്രാ, വിശുദ്ധ കുർബാന, ഏഴിന് വിശുദ്ധ കുർബാന. എട്ടിന് ആരാധന ആരംഭം. വൈകുന്നേരം ആറിന് പരിശുദ്ധ കുർബാനയുടെ പ്രദക്ഷിണം. തുടർന്ന് ആശീർവാദത്തോടെ നാല്പതുമണി ആരാധന സമാപിക്കും. വികാരി റവ.ഡോ. ജോസഫ് മുണ്ടകത്തിൽ മുഖ്യകാർമികത്വം വഹിക്കും. അസിസ്റ്റന്‍റ് വികാരിമാരായ ഫാ. ജോബി മംഗലത്തുകരോട്ട് സിഎംഐ, ഫാ. ടോണി കോയിൽപറമ്പിൽ, ഫാ. ടോണി മണക്കുന്നേൽ, ഫാ. അലൻ മാലിത്തറ എന്നിവർ സഹകാർമികരാകും. ദീപിക ചാപ്പലില്‍ കോട്ടയം: സിഎംഐ കോട്ടയം സെന്‍റ് ജോസഫ്‌സ് പ്രൊവിന്‍സ് ചാപ്പലില്‍ (ദീപിക ചാപ്പല്‍) ഇന്നു രാവിലെ 6.30ന് ഓശാന തിരുക്കര്‍മങ്ങള്‍, വിശുദ്ധ കുര്‍ബാന. എട്ടിനും വൈകുന്നേരം അഞ്ചിനും വിശുദ്ധ കുര്‍ബാന. പെസഹാവ്യാഴം വൈകുന്നേരം അഞ്ചിന് വിശുദ്ധ കുര്‍ബാന, കാല്‍കഴുകല്‍ ശുശ്രൂഷ, തിരുമണിക്കൂര്‍ ആരാധന. ദുഃഖവെള്ളി വൈകുന്നേരം നാലിന് പീഡാനുഭവ തിരുക്കര്‍മങ്ങള്‍, പീഡാനുഭവ സന്ദേശം, കുരിശിന്‍റെ വഴി. ദുഃഖശനി രാവിലെ 6.30ന് വിശുദ്ധ കുര്‍ബാന, പുത്തന്‍തീ, വെള്ളം വെഞ്ചരിപ്പ്, മാമ്മോദീസാ വ്രതനവീകരണം. 19ന് രാത്രി 9.30ന് ഈസ്റ്റര്‍ തിരുക്കര്‍മങ്ങള്‍, വിശുദ്ധ കുര്‍ബാന, സന്ദേശം. ഈസ്റ്റര്‍ ദിനത്തില്‍ രാവിലെ 6.30നും എട്ടിനും വിശുദ്ധ കുര്‍ബാന. ഉയിര്‍പ്പു ഞായര്‍ വൈകുന്നേരം അഞ്ചിനുള്ള വിശുദ്ധ കുര്‍ബാന ഉണ്ടായിരിക്കില്ല. ചൊവ്വാ, ബുധന്‍ ദിവസങ്ങളില്‍ രാവിലെ 7.30 മുതല്‍ രാത്രി ഏഴു വരെ കുമ്പസാരത്തിനുള്ള സൗകര്യമുണ്ടായിരിക്കും. ലൂര്‍ദ് ഫൊറോന പള്ളിയില്‍ കോട്ടയം: ലൂര്‍ദ് ഫൊറോന പള്ളിയിലെ വിശുദ്ധ വാരാചരണത്തിനു ഇന്നു തുടക്കമാകും. ഇന്നു രാവിലെ 6.30ന് ഓശാന തിരുക്കര്‍മങ്ങള്‍. രാവിലെ 5.15നും പത്തിനും വൈകുന്നേരം അഞ്ചിനും വിശുദ്ധ കുര്‍ബാന. നാളെ മുതല്‍ 16വരെ വാര്‍ഷിക ധ്യാനം. വൈകുന്നേരം അഞ്ചിനു വിശുദ്ധ കുര്‍ബാനയെത്തുടര്‍ന്നാണ് ധ്യാനം. പെസഹാ വ്യാഴാഴ്ച വൈകുന്നേരം 4.30ന് പെസഹായുടെ തിരുക്കര്‍മങ്ങള്‍, രാത്രി ഏഴു മുതല്‍ പൊതു ആരാധന. ദുഃഖവെള്ളി രാവിലെ 8.30 മുതല്‍ പൊതു ആരാധന. പത്തു മുതല്‍ പട്ടണത്തിന്‍റെ വിവിധ ഭാഗങ്ങളില്‍നിന്നു കൂട്ടായ്മകള്‍ നടത്തുന്ന കുരിശിന്‍റെ വഴി ദൈവാലയങ്കണത്തില്‍ എത്തിച്ചേരും. 12ന് നേര്‍ച്ചക്കഞ്ഞി വിതരണം. ഉച്ചകഴിഞ്ഞ് 2.30 മുതല്‍ ദുഃഖ വെള്ളിയുടെ തിരുക്കര്‍മങ്ങള്‍, കുരിശിന്‍റെ വഴി, പ്രസംഗം, നഗരികാണിക്കല്‍. ദുഃഖശനിയാഴ്ച വൈകുന്നേരം 4.30ന് വിശുദ്ധ കുര്‍ബാന, പുത്തന്‍ തീ പുത്തന്‍ വെള്ളം എന്നിവയുടെ വെഞ്ചരിപ്പ്. ഉയിര്‍പ്പുഞായര്‍ പുലര്‍ച്ചെ 2.30ന് തിരുക്കര്‍മങ്ങള്‍, വിശുദ്ധ കുര്‍ബാന, പ്രദക്ഷിണം. രാവിലെ 5.15നും 6.30നും എട്ടിനു വിശുദ്ധ കുര്‍ബന. തിങ്കള്‍, ചൊവ്വ, ബുധന്‍, ദിവസങ്ങളില്‍ കുമ്പസാരത്തിനുള്ള അവസരമുണ്ടായിരിക്കുമെന്നും 15നു രാവിലെ കിടപ്പുരോഗികളുടെ വീടുകളില്‍ വിശുദ്ധ കുര്‍ബാന എഴുന്നുള്ളിച്ച് നല്‍കുമെന്നും ഫൊറോന വികാരി റവ.ഡോ. ഫിലിപ്പ് നെല്‍പുരപ്പറമ്പില്‍ അറിയിച്ചു. ചെറുവാണ്ടൂര്‍ പള്ളിയിൽ ചെറുവാണ്ടൂര്‍: സെന്‍റ് സെബാസ്റ്റ്യന്‍സ് പള്ളിയിലെ ഓശാന തിരുക്കര്‍മങ്ങള്‍ രാവിലെ 6.45ന് ആരംഭിക്കും. കുരുത്തോല പ്രദക്ഷിണം, തുടർന്ന് വിശുദ്ധ കുര്‍ബാന. പെസഹാ വ്യാഴം വൈകുന്നേരം അഞ്ചിന് കാല്‍കഴുകല്‍ ശുശ്രൂഷ, തുടര്‍ന്ന് വിശുദ്ധ കുര്‍ബാന. പീഡാനുഭവ വെള്ളി രാവിലെ ആറുമുതല്‍ ഉച്ചകഴിഞ്ഞ് രണ്ടു വരെ ആരാധന. തുടര്‍ന്ന് പുത്തന്‍പാന വായന. മൂന്നിനു പീഡാനുഭവ തിരുക്കര്‍മങ്ങള്‍. 4.30ന് കുരിശിന്‍റെ വഴി. തുടര്‍ന്ന് നഗരി കാണിക്കല്‍, നേര്‍ച്ചക്കഞ്ഞി. ദുഃഖശനി രാവിലെ 6.15ന് വിശുദ്ധ കുര്‍ബാന, പുത്തന്‍ തീയും വെള്ളവും വെഞ്ചരിപ്പ്. ഉയിര്‍പ്പുഞായര്‍ പുലര്‍ച്ചെ നാലിന് ഉയിര്‍പ്പിന്‍റെ തിരുക്കര്‍മങ്ങള്‍, വിശുദ്ധ കുര്‍ബാന. രാവിലെ ഏഴിന് വിശുദ്ധ കുര്‍ബാന.

കാപ്പാ നിയമലംഘനം: രണ്ടുപേർ അറസ്റ്റിൽ

കോട്ടയം: കാപ്പാ നിയമലംഘനം നടത്തിയ പ്രതികളെ കോടതി റിമാൻഡ് ചെയ്തു. നിയമം ലംഘിച്ച് ജില്ലയിൽ പ്രവേശിച്ചതിന് മണിമലയിലും ഈരാറ്റുപേട്ടയിലുമായി രണ്ടു പേരെ അറസ്റ്റു ചെയ്തു. മണിമല കറിക്കാട്ടൂർ മൂത്തേടത്തു സന്ദീപ് തോമസ് (33), ഈരാറ്റുപേട്ടയിൽ മുരിക്കോലി കുന്നുംപുറത്തു മനാഫ് (കുഞ്ഞി) എന്നിവരാണ് അറസ്റ്റിലായത്.

നാല്‍പതാം വെള്ളിദിനം ലാസറിന്‍റെ മരണവും പൗലോസ് ശ്ലീഹായുടെ മുള്ളുകളും ഓര്‍മപ്പെടുത്തുന്നു: മാര്‍ ജോസഫ് കല്ലറങ്ങാട്ട്

മുട്ടുചിറ: നാല്‍പതാം വെള്ളിദിനം ലാസറിന്‍റെ മരണവും പൗലോസ് ശ്ലീഹായുടെ മുള്ളുകളും ഓര്‍മപ്പെടുത്തുന്നെന്ന് ബിഷപ് മാര്‍ ജോസഫ് കല്ലറങ്ങാട്ട്. മുട്ടുചിറ റൂഹാദ്കുദിശ ഫൊറോനാ പള്ളിയുടെ ആധുനിക സംവിധാനത്തോടുകൂടി നവീകരിച്ച എസി കണ്‍വന്‍ഷന്‍ ഹാളിന്‍റെ വെഞ്ചരിപ്പ് നിര്‍വഹിച്ചും നാല്‍പതാം വെള്ളിയാചരണത്തോടുനുബന്ധിച്ചുള്ള സന്ദേശവും നല്‍കുകയായിരുന്നു മാർ കല്ലറങ്ങാട്ട്. വികാരി ഫാ. ഏബ്രാഹം കൊല്ലിത്താനത്തുമലയില്‍, കണ്‍വീനര്‍ ജോസഫ് മാത്യു കണിവേലില്‍, സഹവികാരിമാരായ ഫാ.മാത്യു വാഴചാരിക്കല്‍, ഫാ.ആന്‍റണി ഞരളക്കാട്ട്, കൈക്കാരന്മാരായ എ.എം. മാത്യു അരീക്കത്തുണ്ടത്തില്‍, ജോസ് സിറിയക് ഏറ്റുമാനൂക്കാരന്‍, സി.എ. സണ്ണി പുളിനില്‍ക്കുന്നോരം, പ്രതിനിധിയോഗം സെക്രട്ടറി ജോയി കക്കാട്ടില്‍, മാത്യു ഫിലിപ്പ് കണിവേലില്‍ എന്നിവര്‍ പ്രസംഗിച്ചു. എൻജിനിയര്‍മാരും ആര്‍ക്കിടെക്റ്റുകളുമായ മോന്‍സ് മാത്യു, രജത് ജോണി, ജോണിക്കുട്ടി മാത്യു, ജോബിന്‍ സിറിയക്, അഭിഷേക് പ്രകാശ് എന്നിവരെ ബിഷപ്പ് മെമന്‍റോ നല്‍കി ആദരിച്ചു. ആയിരം പേര്‍ക്ക് ഇരിക്കാവുന്ന സൗകര്യങ്ങളാണ് ഹാളിനുള്ളത്.

ആംബുലൻസിൽ കാറിടിച്ചു പരിക്കേറ്റ രോഗി മരിച്ചു

ഗാന്ധിനഗർ: ആംബുലൻസിൽ കാർ ഇടിച്ചു പരിക്കേറ്റ രോഗി മരിച്ചു. കല്ലറ സൗത്ത് കൊച്ചു കുന്നുംപുറം ദിനേശ് കെ. (52) ആണ് മരിച്ചത്. കല്ലറ പഞ്ചായത്തിനു സമീപമുള്ള ഓട്ടോ സ്റ്റാൻഡിലെ ഓട്ടോ ഡ്രൈവറാണ് ദിനേശൻ. വെള്ളിയാഴ്ച രാവിലെ ദിനേശന് ഓട്ടോ സ്റ്റാൻഡിൽവച്ചു നെഞ്ചുവേദന അനുഭവപ്പെട്ടു. തുടർന്നു കല്ലറയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇവിടെ നടത്തിയ പരിശോധനയ്ക്കു ശേഷം മെഡിക്കൽ കോളജ് ആശുപത്രിയിലേക്ക് ആംബുലൻസിൽ കൊണ്ടുപോകുന്നതിനിടെ നീണ്ടൂരിലെ ബാറിനു സമീപം കാർ ആംബുലൻസിൽ ഇടിക്കുകയായിരുന്നു. അപകടത്തിൽ ദിനേശന്‍റെ തലയ്ക്ക് ഗുരുതര പരിക്കേറ്റു. തുടർന്ന് ദിനേശനെ മെഡിക്കൽ കോളജ് ആശുപത്രി കാർഡിയോളജി വിഭാഗത്തിൽ പ്രവേശിപ്പിച്ചു. ഇവിടെ ചികിത്സയിലിരിക്കെ ഇന്നലെ രാവിലെ മരിച്ചു. കൈപ്പുഴ സ്വദേശിനി ജമിലിയാണ് ഭാര്യ. മക്കൾ: അമൽ, അതുൽ, അഞ്ജന, അഞ്ജിത (രണ്ടു പേരും നഴ്സിംഗ് വിദ്യാർഥികൾ).

ശുചിത്വ ഭവനം സുന്ദര ഭവനം പദ്ധതി വൃത്തി-2025 കോൺക്ലേവിൽ

കോട്ടയം: തിരുവനന്തപുരം കനകക്കുന്ന് പാലസിൽ നടക്കുന്ന വൃത്തി 2025 കോൺക്ലേവിൽ ജില്ലയിൽനിന്നും അകലക്കുന്നം പഞ്ചായത്തിന്‍റെ തനത് പദ്ധതി ശുചിത്വ ഭവനം സുന്ദര ഭവനം പദ്ധതി അവതരിപ്പിച്ചു. പഞ്ചായത്ത് വൈസ് പ്രസിഡന്‍റ് മാത്തുക്കുട്ടി ഞായറുകുളം പദ്ധതിയുടെ അവതരണം നടത്തി. പഞ്ചായത്ത് പ്രസിഡന്‍റ് സിന്ധു അനിൽകുമാർ, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്സൺ ജാൻസി ബാബു, രാജശേഖരൻ നായർ, ജോർജ് മൈലാടി, എം.എസ്. ആശിഷ്, സനൽ സാം എന്നിവർ പഞ്ചായത്തിനെ പ്രതിനിധീകരിച്ച് പങ്കെടുത്തു. പഞ്ചായത്തിന് വൃത്തി 2025 ന്‍റെ ഭാഗമായി പ്രത്യേക പുരസ്കാരവും ലഭിച്ചു.

തൊടുപുഴ കൊലപാതകം: മുഖ്യപ്രതിയുടെ ഭാര്യ അറസ്റ്റിൽ

തൊടുപുഴ: സാന്പത്തിക തർക്കത്തെത്തുടർന്ന് മുൻ ബിസിനസ് പങ്കാളിയെ ക്വട്ടേഷൻ നൽകി കൊലപ്പെടുത്തി മാൻഹോളിൽ തള്ളിയ സംഭവത്തിൽ ഒന്നാം പ്രതിയുടെ ഭാര്യയും അറസ്റ്റിൽ. മുഖ്യപ്രതിയായ കലയന്താനി തേക്കുംകാട്ടിൽ ജോമോന്‍റെ ഭാര്യ സീനയാണ് (45) അറസ്റ്റിലായത്. കൊലപാതകത്തിൽ പങ്കുണ്ടെന്ന സംശയത്തിൽ ചോദ്യം ചെയ്യാൻ പോലീസ് നോട്ടീസ് നൽകിയതിനെത്തുടർന്ന് സീന മുട്ടം നീലൂരുള്ള അകന്ന ബന്ധുവിന്‍റെ വീട്ടിൽ ഒളിവിൽ കഴിയുകയായിരുന്നു. പോലീസ് അറസ്റ്റു ചെയ്യാനുള്ള നീക്കത്തിലേയ്ക്കു കടന്നതോടെ ഇന്നലെ ഉച്ചയോടെ തൊടുപുഴ പോലീസ് സ്റ്റേഷനിൽ കീഴടങ്ങുകയായിരുന്നു. ഇതോടെ കേസിൽ അറസ്റ്റിലായ പ്രതികളുടെ എണ്ണം ആറായി.

കെഎല്‍എം പ്രസംഗമത്സര വിജയികള്‍ക്ക് സമ്മാനങ്ങള്‍ നല്‍കി

ചങ്ങനാശേരി: ആര്‍ച്ച്ബിഷപ് മാര്‍ ജോസഫ് പെരുന്തോട്ടത്തിന്‍റെ പൗരോഹിത്യ ഗോള്‍ഡന്‍ ജൂബിലി സ്മാരകമായി സംഘടിപ്പിച്ച അഖില കേരള കെഎല്‍എം പ്രസംഗമത്സരത്തിലെ വിജയികള്‍ക്ക് ചങ്ങനാശേരി അതിരൂപത വികാരിജനറാള്‍ മോണ്‍. ആന്‍റണി എത്തയ്ക്കാട്ട് സമ്മാനങ്ങള്‍ വിതരണം ചെയ്തു. പുരുഷ വിഭാഗത്തില്‍ ഒന്നാം സ്ഥാനം പറാല്‍ യൂണിറ്റ് അംഗം ജോണ്‍സണ്‍ തോമസും രണ്ടാം സ്ഥാനം നാലുകോടി യൂണിറ്റ് അംഗം ജോഷി ജോസഫും കരസ്ഥമാക്കി. വനിതാ വിഭാഗത്തില്‍ ഒന്നാം സ്ഥാനം ചെത്തിപ്പുഴ യൂണിറ്റ് അംഗം ബിന്‍സി ജോബിയും രണ്ടാം സ്ഥാനം കൂരോപ്പട യൂണിറ്റ് അംഗം വിന്‍സി ജേക്കബും കരസ്ഥമാക്കി. ‘റേരും നൊവാരും’എന്ന ചാക്രിക ലേഖനത്തെ ആസ്പദമാക്കി തൊഴിലാളികള്‍ അഭിമുഖീകരിക്കുന്ന പ്രശ്‌നങ്ങളും ക്രൈസ്തവ തൊഴിലാളി പ്രസ്ഥാനത്തിന്‍റെ പ്രസക്തിയും എന്ന വിഷയത്തിലാണ് പ്രസംഗമത്സരം സംഘടിപ്പിച്ചത്. അതിരൂപത ഡയറക്ടര്‍ ഫാ. ജോണ്‍ വടക്കേക്കളം, ജനറല്‍ സെക്രട്ടറി പി.ജെ. സെബാസ്റ്റ്യന്‍, ജോയിന്‍റ് സെക്രട്ടറിമാരായ ഷാജി കോര, ലാലി ബോബന്‍, ഓഫീസ് സെക്രട്ടറി സ്മിനു ജോസഫ് എന്നിവര്‍ പ്രസംഗിച്ചു.

ഏറ്റുമാനൂർ ക്ഷേത്രത്തിൽ വിഷുക്കൈനീട്ടമായി പ്രഭാതഭക്ഷണം

ഏറ്റുമാനൂർ: നാളെ വിഷു ദിനത്തിൽ ഏറ്റുമാനൂർ മഹാദേവ ക്ഷേത്രത്തിൽ എത്തുന്ന ഭക്തജനങ്ങൾക്ക് വിഷുക്കൈനീട്ടമായി ലഘു പ്രഭാതഭക്ഷണം നൽകുന്നു. ഏറ്റുമാനൂർ ജനകീയ വികസന സമിതി പ്രസിഡന്‍റ് ബി. രാജീവാണ് വേറിട്ട രീതിയിൽ വിഷുക്കൈനീട്ടം ഒരുക്കുന്നത്. പടിഞ്ഞാറേ നടയിലുള്ള ഗോപുരത്തിന് സമീപം രാവിലെ ഏഴു മുതൽ എട്ടു വരെയാണ് പ്രഭാത ഭക്ഷണം കൊടുക്കുന്നത്. മുൻവർഷങ്ങളിൽ അതിരമ്പുഴ അബ്രോ ഭവൻ, കിംസ് ആശുപത്രിക്കു സമീപം ഭിന്നശേഷി കുട്ടികൾക്കുള്ള അഭയകേന്ദ്രം തുടങ്ങി വിവിധ സ്ഥലങ്ങളിൽ ബി. രാജീവിന്‍റെ നേതൃത്വത്തിൽ ഓണസദ്യ ഉൾപ്പെടെ ഭക്ഷണവിതരണം നടത്തിയിട്ടുണ്ട്.

തെങ്ങണ-കുന്നുംപുറം റോഡ് ടാറിംഗ് ജോലികള്‍ക്കു തുടക്കം

ചങ്ങനാശേരി: പെരുന്തുരുത്തി-ഏറ്റുമാനൂര്‍ ബൈപാസില്‍ തെങ്ങണ മുതല്‍ തൃക്കൊടിത്താനം കുന്നുംപുറം വരെയുള്ള റോഡിന്‍റെ പുനർനിര്‍മാണത്തിനു തുടക്കമായി. ഈ റോഡില്‍ വെള്ളക്കെട്ട് അനുഭവപ്പെടുന്ന ഗുഡ്‌ഷെപ്പേര്‍ഡ് സ്‌കൂളിന്‍റെ മുന്‍ഭാഗത്തുള്ള റോഡിലെ ടാറിംഗ് യന്ത്രസഹായത്താല്‍ ഇളക്കുന്ന ജോലികള്‍ക്കും തുടക്കംകുറിച്ചിട്ടുണ്ട്. ശബരിമല പാക്കേജില്‍പ്പെടുത്തി മൂന്നരക്കോടി രൂപ മുടക്കിയാണ് റോഡ് നിര്‍മിക്കുന്നത്. ഈ റോഡ് നാളുകളായി തകര്‍ന്നു കിടക്കുകയായിരുന്നു. ജോബ് മൈക്കിള്‍ എംഎല്‍എയുടെ ഇടപെടലിലാണ് റോഡ് നിര്‍മാണത്തിന് പണം ലഭിച്ചത്. അടുത്തമാസം പകുതിയോടെ റോഡ് നിര്‍മാണം പൂര്‍ത്തിയാക്കാനാണ് പൊതുമരാമത്തുവകുപ്പ് വകുപ്പിന്‍റെ തീരുമാനം. ഈ റോഡിലെ ഡീലക്‌സ്പടി വളവ് നിവര്‍ത്താനുള്ള നടപടികള്‍ ത്വരിതപ്പെടുത്തണമെന്ന ആവശ്യവും ശക്തമായിട്ടുണ്ട്. എംസി റോഡില്‍ പെരുന്തുരുത്തിയില്‍ ആരംഭിച്ച് നാലുകോടി, കുന്നുംപുറം, തെങ്ങണ, പുതുപ്പള്ളി, മണര്‍കാട് വഴി എംസി റോഡില്‍ ഏറ്റുമാനൂരില്‍ എത്തുന്ന ബൈപാസാണിത്.

ജില്ലാപഞ്ചായത്തിന്‍റെ കരുതലില്‍ കിടങ്ങൂര്‍ ഖാദി സെന്‍റര്‍

കിടങ്ങൂര്‍: പരാധീനതകളുടെ നടുവിലായിരുന്ന കിടങ്ങൂര്‍ ഖാദി സെന്‍ററിന് കോട്ടയം ജില്ലാ പഞ്ചായത്ത് ചേര്‍ത്തുപിടിച്ചപ്പോള്‍ ഉണര്‍വായി. ജില്ലാ പഞ്ചായത്തിന്‍റെ പദ്ധതിയില്‍ ഉള്‍പ്പെടുത്തി ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കല്‍ അനുവദിച്ച 40 ലക്ഷം രൂപ ഉപയോഗിച്ച് നടത്തിയ വിവിധങ്ങളായിട്ടുള്ള പ്രവര്‍ത്തനങ്ങളിലൂടെയാണ് കിടങ്ങൂര്‍ ഖാദി സെന്‍റര്‍ മികവിന്‍റെ കേന്ദ്രമായി മാറിയത്. 1980 മുതല്‍ കിടങ്ങൂരില്‍ പ്രവര്‍ത്തിച്ചുവരുന്ന ഖാദി സെന്‍ററില്‍ കഴിഞ്ഞ ജില്ലാ പഞ്ചായത്ത് ഭരണസമിതിയുടെ കാലത്ത് നിര്‍മിച്ച മന്ദിരത്തിന്‍റെ പൂര്‍ത്തീകരണവും നിലവിലുള്ള മന്ദിരത്തിന്‍റെ നവീകരണവും പുതിയ വിശ്രമമുറിയുടെ നിര്‍മാണവും ഗ്രൗണ്ട് നവീകരണവും ആണ് പ്രധാനമായി നടത്തിയ നിര്‍മാണപ്രവര്‍ത്തനങ്ങള്‍. കൂടാതെ ഇവിടെ ജോലിയെടുക്കുന്ന 15 സ്ത്രീകള്‍ ഉപയോഗിച്ചുകൊണ്ടിരുന്ന നൂല്‍നൂല്‍പ്പിനുള്ള ചര്‍ക്കകൾ 25 വര്‍ഷത്തിലധികം പഴക്കമുള്ളതായിരുന്നു. കാലപ്പഴക്കംകൊണ്ട് ഈ ചര്‍ക്കകളിൽ നൂല്‍നൂല്‍ക്കുക വളരെ ബുദ്ധിമുട്ടായിരുന്നു. പുതിയ ചര്‍ക്കകള്‍ ലഭിക്കണമെന്നത് ഇവരുടെ വര്‍ഷങ്ങളായുള്ള ആഗ്രഹമായിരുന്നു. ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി ജോസ്മോന്‍ മുണ്ടയ്ക്കല്‍ അനുവദിച്ച എട്ടു ലക്ഷം രൂപ ഉപയോഗിച്ച് 15 ചര്‍ക്കകൾ ലഭ്യമാക്കി. കോട്ടയം ജില്ലയില്‍ ആകെയുള്ള 28 ഖാദി സെന്‍ററുകളില്‍ എട്ട് ഖാദി സെന്‍ററുകളിലാണ് നൂല്‍നൂല്‍പ്പിനും നെയ്ത്തിനുമുള്ള സൗകര്യമുള്ളത്. കിടങ്ങൂര്‍ ഖാദി സെന്‍ററില്‍ ഒരേസമയം 15 പേര്‍ക്ക് നൂല്‍നൂല്‍പ്പിനും 10 പേര്‍ക്ക് നെയ്ത്തിനുമുള്ള സൗകര്യമാണ് നിലവിലുള്ളത്. നൂല്‍നൂല്‍പ്പിനുള്ള സ്ലൈവര്‍ ജില്ലാ പഞ്ചായത്തില്‍നിന്നാണ് ഖാദി സെന്‍ററുകള്‍ക്ക് നല്കുന്നത്. ജില്ലാ പഞ്ചായത്ത് പദ്ധതിയില്‍ ഉള്‍പ്പെടുത്തി 28 ഖാദി സെന്‍ററുകള്‍ക്കും സ്ലൈവര്‍ നല്കുകയും അടിസ്ഥാന സൗകര്യ വികസനത്തിനു വിവിധങ്ങളായിട്ടുള്ള പ്രവര്‍ത്തനങ്ങള്‍ നടപ്പിലാക്കുകയും ചെയ്തുവരുന്നു. കേരള ഖാദി ഗ്രാമവ്യവസായ ബോര്‍ഡിന്‍റെ കീഴിലുള്ള ഖാദി സെന്‍ററുകള്‍ ത്രിതല പഞ്ചായത്ത് സംവിധാനം വന്നതിനുശഷം ജില്ലാ പഞ്ചായത്തിനു കൈമാറി കിട്ടിയ സ്ഥാപനമാണ്. കിടങ്ങൂര്‍ ഖാദി സെന്‍ററില്‍ നടത്തിയ വിവിധ നിര്‍മാണപ്രവര്‍ത്തനങ്ങളുടെയും പുതുതായി സ്ഥാപിച്ച നൂല്‍നൂല്‍പ്പിനുള്ള ചര്‍ക്കകളുടെയും ഉദ്ഘാടനം 15ന് ഉച്ചകഴിഞ്ഞ് 2.30ന് കിടങ്ങൂര്‍ ഖാദി സെന്‍ററില്‍ നടക്കും. ജില്ലാ പഞ്ചായത്ത് പ്രസിഡന്‍റ് ഹേമലത പ്രേംസാഗര്‍ ഉദ്ഘാടനം നിര്‍വഹിക്കും. ജില്ലാ പഞ്ചായത്ത് മെംബര്‍ ജോസ്മോന്‍ മുണ്ടയ്ക്കല്‍ അധ്യക്ഷത വഹിക്കും. മുന്‍ ജില്ലാ പഞ്ചായത്ത് പ്രസിഡന്‍റ് കെ.വി. ബിന്ദു സമ്മേളനം ഉദ്ഘാടനം ചെയ്യും. കിടങ്ങൂര്‍ പഞ്ചായത്ത് പ്രസിഡന്‍റ് ഇ.എം. ബിനു മുഖ്യപ്രഭാഷണം നടത്തും.

കോട്ടയം നഗരത്തിൽ ഫ്ളെക്സിപോൾ ഡിവൈഡർ

കോട്ടയം: കോട്ടയം ടൗണില്‍ ഗതാഗത ക്രമീകരണത്തിന്‍റെ ഭാഗമായി ഫ്‌ളെക്‌സിപോള്‍ ഡിവൈഡര്‍ സ്ഥാപിച്ചു. കാറ്റിലും വാഹനങ്ങള്‍ തട്ടിയും റോഡിലേക്ക് വീഴുന്ന ഡിവൈഡറുകളില്‍ തട്ടി അപകടങ്ങള്‍ പതിവായതോടെയാണ് പോലീസ് പുതിയ പരീക്ഷണം നടത്തിയിരിക്കുന്നത്. ബേക്കര്‍ ജംഗ്ഷന്‍, കഞ്ഞിക്കുഴി, കുമരകം റോഡ്, ഈരയില്‍കടവ് റോഡ്, വാരിശേരി എന്നിവിടങ്ങളിലാണ് ഫ്‌ളെക്‌സി പോള്‍ ഡിവൈഡറുകൾ പരീക്ഷണാടിസ്ഥാനത്തില്‍ സ്ഥാപിച്ചിരിക്കുന്നത്. ഗുണമേന്‍മയുള്ള പ്രത്യേകതരം റബര്‍ കോമ്പൗണ്ട് ഉപയോഗിച്ചാണ് നിര്‍മാണം. അപകടത്തില്‍പ്പെട്ട വാഹനങ്ങള്‍ തട്ടിയാലും വണ്ടിക്ക് കാര്യമായ തകരാര്‍ ഉണ്ടാകില്ല. ഇളകിമാറിയാലും ഇത് പുനഃസ്ഥാപിക്കാന്‍ എളുപ്പമാണ്. കുറഞ്ഞസ്ഥലവും മതി. ബോള്‍ ഉപയോഗിച്ചാണ് റോഡില്‍ ഉറപ്പിച്ചിരിക്കുന്നത്. ഓറഞ്ച് നിറത്തില്‍ വാഹനങ്ങളുടെ വെളിച്ചം പ്രതിഫലിക്കുന്ന സ്റ്റിക്കറുകളുള്ളതിനാല്‍ രാത്രികാല കാഴ്ചയ്ക്ക് ഇതു ഫലപ്രദവുമാണ്. തുരുമ്പെടുക്കില്ലാത്തതിനാല്‍ കൂടുതല്‍ കാലം നിലില്‍ക്കുകയും ചെയ്യും. അറ്റകുറ്റപണിയും എളുപ്പമാണ്. 1400 രൂപയാണ് ഒരെണ്ണത്തിന്‍റെ വില. ഒരുവർഷം ഗാരന്‍റിയു മുണ്ട്. അടുത്തിടെ കാറ്റിലും ശക്തമായ മഴയിലും ഇരുമ്പു പൈപ്പില്‍ സ്ഥാപിച്ച ഡിവൈഡറുകള്‍ റോഡിലേക്ക് മറിഞ്ഞ് ഗതാഗതക്കുരുക്ക് ഉണ്ടായ സാഹചര്യത്തില്‍ ജില്ലാ പോലീസ് ചീഫിന്‍റെ നിര്‍ദേശ പ്രകാരമാണ് ഫ്‌ളക്‌സിപോള്‍ ഡിവൈഡറുകള്‍ സ്ഥാപിച്ചിരിക്കുന്നതെന്ന് ട്രാഫിക് എസ്‌ഐ പി.എസ്. സന്തോഷ് ദീപികയോടു പറഞ്ഞു.

കോണ്‍ഗ്രസിന്‍റെ എസ്പി ഓഫീസ് മാര്‍ച്ചില്‍ സംഘര്‍ഷം

കോട്ടയം: സിഎംആര്‍എല്‍ മാസപ്പടി വിഷയത്തില്‍ മുഖ്യമന്ത്രിയുടെ മകള്‍ വീണാ വിജയന്‍ പ്രതി ചേര്‍ക്കപ്പെട്ട സാഹചര്യത്തില്‍ മുഖ്യമന്ത്രി രാജിവയ്ക്കണമെന്നാവശ്യപ്പെട്ടു യൂത്ത് കോണ്‍ഗ്രസ് കോട്ടയം നിയോജകമണ്ഡലം കമ്മിറ്റിയുടെ നേതൃത്വത്തില്‍ നടത്തിയ എസ്പി ഓഫീസ് മാര്‍ച്ചില്‍ സംഘര്‍ഷം. പോലീസ് കെട്ടിയ ബാരിക്കേഡ് മറികടന്നു പ്രവര്‍ത്തകര്‍ അകത്തുകടന്നത് സംഘര്‍ഷത്തിലേക്ക് വഴിവയ്ക്കുകയായിരുന്നു. നാല് തവണ ജലപീരങ്കി പ്രയോഗിച്ച് പ്രവര്‍ത്തകരെ പിരിച്ചുവിടാന്‍ ശ്രമിച്ചെങ്കിലും പ്രവര്‍ത്തകര്‍ ബാരിക്കേഡ് മറികടന്നത് സംഘര്‍ഷത്തില്‍ കലാശിച്ചു. പിരിഞ്ഞുപോകാതെനിന്ന പ്രവര്‍ത്തകരെ പോലീസ് ബലം പ്രയോഗിച്ച് അറസ്റ്റു ചെയ്ത് നീക്കി. ചിന്തു കുര്യന്‍ ജോയി, ഫ്രഡി ജോര്‍ജ് വര്‍ഗീസ്, സുബിന്‍ മാത്യു, രാഹുല്‍ മറിയപ്പള്ളി, പി.കെ. വൈശാഖ്, ജിത്തു ജോസ് ഏബ്രഹാം, യശ്വന്ത് സി. നായര്‍, കെ.എസ്. ഷിനാസ്, ഷാന്‍ ടി. ജോണ്‍, അനൂപ് അബൂബക്കര്‍, റാഷ്‌മോന്‍ ഒത്താറ്റില്‍, ടോണി കുട്ടന്‍പേരൂര്‍, ആന്‍റോ ആന്‍റണി തുടങ്ങിയ പ്രവര്‍ത്തകരെ പോലീസ് അറസ്റ്റു ചെയ്തു നീക്കി. പ്രതിഷേധ മാര്‍ച്ച് ഫ്രാന്‍സിസ് ജോര്‍ജ് എംപി ഉദ്ഘാടനം ചെയ്തു. യൂത്ത്‌കോണ്‍ഗ്രസ് കോട്ടയം നിയോജകമണ്ഡലം പ്രസിഡന്‍റ് പി.കെ. വൈശാഖ് അധ്യക്ഷത വഹിച്ചു. ഡിസിസി വൈസ് പ്രസിഡന്‍റ് ചിന്‍റു കുര്യന്‍ ജോയി, യൂത്ത്‌കോണ്‍ഗ്രസ് ജില്ലാ വൈസ്പ്രസിഡന്‍റുമാരായ ഷിയാസ് മുഹമ്മദ്, ഈസ്റ്റ് ബ്ലോക്ക് വൈസ് പ്രസിഡന്‍റ് അരുണ്‍ മാര്‍ക്കോസ്, സംസ്ഥാന വക്താവ് വസന്ത് തെങ്ങുംപള്ളി തുടങ്ങിയവര്‍ പ്രസംഗിച്ചു.

കേരളത്തെ ലഹരിമാഫിയയിൽനിന്ന് മോചിപ്പിക്കാന്‍ സര്‍ക്കാര്‍ ഉണരണം: പി. ജെ. ജോസഫ്

കോട്ടയം: ലഹരി മാഫിയയുടെ നിയന്ത്രണത്തില്‍ അടിമപ്പെട്ടു പോയ കേരളത്തെ മോചിപ്പിക്കാന്‍ സംസ്ഥാന സര്‍ക്കാര്‍ ഉണര്‍ന്നു പ്രവര്‍ത്തിക്കണമെന്ന് കേരള കോണ്‍ഗ്രസ് ചെയര്‍മാന്‍ പി. ജെ. ജോസഫ് എംഎല്‍എ. കേരള കോണ്‍ഗ്രസ് ജില്ലാ നേതൃക്യാമ്പ് കെ.ഇ. സ്‌കൂള്‍ ഓഡിറ്റോറിയത്തില്‍ ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മയക്കുമരുന്ന് വ്യാപനത്തോടൊപ്പം കേരളമാകെ പുതിയ ബാര്‍ ലൈസന്‍സ് നല്‍കുവാനുള്ള തീരുമാനം ജനദ്രോഹ നടപടിയാണെന്നും സര്‍ക്കാര്‍ ഇതില്‍നിന്നു പിന്മാറണമെന്നും പി.ജെ. ജോസഫ് ആവശ്യപ്പെട്ടു. ജില്ലാ പ്രസിഡന്‍റ് ജയ്‌സണ്‍ ജോസഫ് അധ്യക്ഷത വഹിച്ചു. പി.സി. തോമസ് ആമുഖപ്രസംഗവും മോന്‍സ് ജോസഫ് എംഎല്‍എ വജ്രജൂബിലി സന്ദേശവും നല്‍കി. ജോയി ഏബ്രഹാം സംഘടനാ പ്രവര്‍ത്തന മാര്‍ഗരേഖ അവതരിപ്പിച്ചു. കെ. ഫ്രാന്‍സിസ് ജോര്‍ജ് എംപി, തോമസ് ഉണ്ണിയാടന്‍, അപു ജോണ്‍ ജോസഫ്, ഇ. ജെ. ആഗസ്തി, കെ.എഫ്. വര്‍ഗീസ്, പ്രഫ. ഗ്രേസമ്മ മാത്യു, എം.പി. ജോസഫ്, റെജി ചെറിയാന്‍, മാഞ്ഞൂര്‍ മോഹന്‍കുമാര്‍, തോമസ് കണ്ണന്തറ, സന്തോഷ് കാവുകാട്ട്, ബിനു ചെങ്ങളം, ജോര്‍ജ് പുളിങ്കാട് തുടങ്ങിയവര്‍ പ്രസംഗിച്ചു. ജില്ലയിലെ ഒമ്പത് നിയോജക മണ്ഡലങ്ങളില്‍നിന്നായി തെരഞ്ഞെടുക്കപ്പെട്ട 600 പ്രതിനിധികള്‍ ക്യാമ്പില്‍ പങ്കെടുത്തു.

ഓശാനപ്പെരുന്നാള്‍ ഇന്ന്

കോട്ടയം: ഓശാനപ്പെരുന്നാള്‍ ഇന്ന്. ചങ്ങനാശേരി സെന്‍റ് മേരീസ് മെത്രാപ്പോലീത്തന്‍ പള്ളിയില്‍ നടക്കുന്ന ഓശാന തിരുക്കര്‍മങ്ങള്‍ക്ക് ആര്‍ച്ച്ബിഷപ് മാര്‍ തോമസ് തറയിലും കോട്ടയം ക്രിസ്തുരാജ കത്തീഡ്രലില്‍ ആര്‍ച്ച്ബിഷപ് മാര്‍ മാത്യു മൂലക്കാട്ടും മുഖ്യകാര്‍മികത്വം വഹിക്കും. പാലാ സെന്‍റ് തോമസ് കത്തീഡ്രലില്‍ ബിഷപ് മാര്‍ ജോസഫ് കല്ലറങ്ങാട്ടും കാഞ്ഞിരപ്പള്ളി സെന്‍റ് ഡൊമിനിക്‌സ് കത്തീഡ്രലില്‍ മാര്‍ ജോസ് പുളിക്കലും വിമലഗിരി കത്തീഡ്രലില്‍ ബിഷപ് ഡോ. സെബാസ്റ്റ്യന്‍ തെക്കത്തെച്ചേരിലും തിരുക്കര്‍മങ്ങളില്‍ കാര്‍മികരാകും. യാക്കോബായ സുറിയാനി സഭ മലങ്കര മെത്രാപ്പോലീത്ത ശ്രേഷ്ഠ കാതോലിക്ക ബസേലിയോസ് ജോസഫ് ബാവാ മണര്‍കാട് സെന്‍റ് മേരീസ് കത്തീഡ്രലിലും മലങ്കര ഓര്‍ത്തഡോക്‌സ് സഭാധ്യക്ഷന്‍ ബസേലിയോസ് മാര്‍ത്തോമ്മ മാത്യൂസ് തൃതീയന്‍ കാതോലിക്ക ബാവാ വാഴൂര്‍ സെന്‍റ് പീറ്റേഴ്‌സ് ഓര്‍ത്തഡോക്‌സ് പള്ളിയിലും കുരുത്തോല വാഴ്‌വിനും വിശുദ്ധ കുര്‍ബാനയ്ക്കും കാര്‍മികത്വം വഹിക്കും. യാക്കോബായ സഭ സുന്നഹദോസ് സെക്രട്ടറി തോമസ് മാര്‍ തിമോത്തിയോസ് മെത്രാപ്പോലീത്ത കോട്ടയം സെന്‍റ് ജോസഫ്‌സ് കത്തീഡ്രലിലെ തിരുക്കർമങ്ങൾക്കു കാര്‍മികത്വം വഹിക്കും.

കെസിവൈഎം അടുക്കള പൂട്ടി സമരം നടത്തി

തിരുവല്ല : പാചക വാതക-ഇന്ധനവില വർധനയിൽ പ്രതിഷേധിച്ചു കെസിവൈഎം സംസ്ഥാന സമിതിയുടെ നേതൃത്വത്തിൽ അടുക്കള പൂട്ടി സമരം നടത്തി. ആഗോള വിലയ്ക്കനുസരിച്ച് ആഭ്യന്തര വിലയും ക്രമീകരിക്കാൻ എണ്ണക്കമ്പനികൾക്ക് നൽകിയിരിക്കുന്ന അധികാരം എടുത്ത് മാറ്റുക, പാചകവാതക വിലവർധന പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചു തിരുവല്ല കച്ചേരിപ്പടിയിൽ നടന്ന സമരം കെസിവൈഎം സംസ്ഥാന പ്രസിഡന്‍റ് എബിൻ കണിവയലിൽ ഉദ്ഘാടനം ചെയ്തു. വൈസ് പ്രസിഡന്‍റ് അനൂപ് ജെ.ആർ അധ്യക്ഷത വഹിച്ചു. സെക്രട്ടറി വിപിൻ ജോസഫ് വിഷയാവതരണം നടത്തി. സംസ്ഥാന ജനറൽ സെക്രട്ടറി ജോബിൻ ജോസ്, മിജാർക്ക് കേരള പ്രതിനിധി ബിജോ പി.ബാബു, എംസിവൈഎം ഗ്ലോബൽ പ്രസിഡന്‍റ് മോനു ജോസഫ്, ഫാ. ചെറിയാൻ കുരിശുമ്മൂട്ടിൽ, സിറിയക് വി.ജോൺ, സിസ്റ്റർ നോബർട്ട സിറ്റിസി, ജോഷ്ന എലിസബത്ത്, ജീന ജോർജ്, ജോസ്മി മരിയ ജോസഫ് എന്നിവർ പ്രസംഗിച്ചു.

ഡോ. കുര്യാസ് കുമ്പളക്കുഴിക്ക് സ്വീകരണം നല്‍കി

കോട്ടയം: ചരിത്രകാരനും സാഹിത്യനിരൂപകനും സാംസ്‌കാരിക പ്രവര്‍ത്തകനും ഗ്രന്ഥകാരനുമായ ഡോ. കുര്യാസ് കുമ്പളക്കുഴിയുടെ 75-ാം ജന്മവാര്‍ഷികത്തോടനുബന്ധിച്ച് സാഹിതീസഖ്യത്തിന്‍റെ ആഭിമുഖ്യത്തില്‍ കോട്ടയം ദര്‍ശന ഓഡിറ്റോറിയത്തില്‍ സ്വീകരണം നല്‍കി. അനുമോദന യോഗത്തില്‍ തേക്കിന്‍കാട് ജോസഫ് അധ്യക്ഷത വഹിച്ചു. തോമസ് ചാഴികാടന്‍, ഡോ. ജോമി മാടപ്പാട്ട്, ഡോ. പോള്‍ മണലില്‍, ജോയി നാലുന്നാക്കല്‍, ഉണ്ണികൃഷ്ണന്‍ കിടങ്ങൂര്‍, പി. രാധാകൃഷ്ണക്കുറുപ്പ് , ഡോ. ജോസ് കെ. മാനുവല്‍, ഫാ. എമില്‍ പുള്ളിക്കാട്ടില്‍ സിഎംഐ, സിറിയക് ചാഴികാടന്‍ എന്നിവര്‍ പ്രസംഗിച്ചു. സംസ്‌കാരവേദി ജില്ലാ കമ്മിറ്റിയും ആശംസകള്‍ നേര്‍ന്നു. 40-ല്‍ പരം ഗ്രന്ഥങ്ങളുടെ കര്‍ത്താവായ ഡോ. കുര്യാസ് കുമ്പളകുഴി സംസ്ഥാന ബാലസാഹിത്യ ഇന്‍സ്റ്റിറ്റ്യൂട്ട് ഡയറക്ടര്‍, സംസ്ഥാന വിവരാവകാശ കമ്മീഷണര്‍, സാഹിത്യ അക്കാദമി ജനറല്‍ കൗണ്‍സില്‍ അംഗം, സംസ്ഥാന മുന്നാക്ക വിഭാഗ കമ്മീഷന്‍ അംഗം, മഹാത്മാഗാന്ധി യൂണിവേഴ്‌സിറ്റി മലയാള വിഭാഗം അധ്യാപകന്‍ എന്നീ നിലകളില്‍ പ്രവര്‍ത്തിച്ചിട്ടുണ്ട്. നിരവധി പുരസ്‌കാരങ്ങളും അവാര്‍ഡുകളും നേടിയിട്ടുണ്ട്. എംജി യൂണിവേഴ്‌സിറ്റി മലയാള ഗവേഷണ വിഭാഗം വിദ്യാര്‍ഥികളും ഡോ. കുര്യാസിന് ആശംസകള്‍ നേര്‍ന്നു.

വിമാനത്താവളം: സ്ഥലം ഏറ്റെടുക്കൽ നടപടിക്കൊരുങ്ങി റവന്യു വകുപ്പ്

എരുമേലി: നിർദിഷ്ട ശബരിമല ഗ്രീൻഫീൽഡ് വിമാനത്താവളത്തിനു സംസ്ഥാന സർക്കാരിന്‍റെ ഭരണാനുമതിയായതിനെത്തുടർന്ന് 2,570 ഏക്കർ സ്ഥലം ഏറ്റെടുക്കാനുള്ള നടപടികൾക്കൊരുങ്ങി റവന്യു വകുപ്പ്. മണിമല, എരുമേലി തെക്ക് വില്ലേജുകളിലായി 2570 ഏക്കർ സ്ഥലമാണ് വിമാനത്താവള നിർമാണത്തിനായി ഏറ്റെടുക്കുന്നത്. ഇതിൽ ചെറുവള്ളി എസ്റ്റേറ്റിലെ 916.27 ഹെക്ടറും 121.876 ഹെക്ടർ സ്വകാര്യ ഭൂമിയുമാണ് ഏറ്റെടുക്കേണ്ടത്. പദ്ധതി പ്രദേശത്ത് നടത്തിയ സാമൂഹിക ആഘാതപഠനം പുനരധിവാസവും നഷ്ടപരിഹാരവും ഉറപ്പാക്കി കേന്ദ്ര സർക്കാരിന്‍റെ ഭൂമി ഏറ്റെടുക്കൽ ചട്ടപ്രകാരമുളള നടപടികൾക്കു ശിപാർശ നൽകിയിരുന്നു. വിദഗ്ധ സമിതി ഇതിന് അംഗീകാരം നൽകിയതോടെയാണ് ഭരണാനുമതിയായത്. ആഭ്യന്തരം, റവന്യു, വനം, ധനകാര്യം, സാമൂഹികക്ഷേമം തുടങ്ങിയ വകുപ്പുകൾ ശിപാർശകളിൽ പരിശോധന പൂർത്തിയാക്കിയിരുന്നു. റവന്യു സംഘം ഇനി ഭൂമി ഉടമകളെ കണ്ട് ഏറ്റെടുക്കൽ വിവരം അറിയിച്ച് വിശദ ഭൂമി സ്കെച്ച് തയാറാക്കി നൽകും. അതിനുശേഷം കെട്ടിടം, ഭൂമി, മറ്റു വസ്തുക്കൾ എന്നിവയുടെ വില നിശ്ചയിച്ച് നഷ്ടപരിഹാരം ശിപാർശ ചെയ്യും. ഇതോടെ ഭൂമി ഏറ്റെടുക്കാനുള്ള വിജ്ഞാപനത്തിലേക്ക് നടപടികൾ സ്വീകരിക്കുമെന്ന് റവന്യു ഉദ്യോഗസ്ഥർ പറഞ്ഞു. അതേസമയം, പദ്ധതിക്കായി ഏറ്റെടുക്കുന്ന ചെറുവള്ളി എസ്റ്റേറ്റിന്‍റെ ഉടമസ്ഥാവകാശ തർക്കത്തിൽ പാലാ സബ് കോടതിയിൽ നടക്കുന്ന കേസിൽ ജൂൺ അഞ്ചിനു വിസ്താരം നടക്കും. എസ്റ്റേറ്റ് കൈവശം വച്ചിരിക്കുന്ന അയന ചാരിറ്റബിൾ ട്രസ്റ്റിന്‍റെ പ്രതിനിധിയെയാണ് വിസ്‌തരിക്കുക. സർക്കാർ വാദിയായ ഈ കേസിൽ വാദി ഭാഗം വിസ്താരം കഴിഞ്ഞ ദിവസമാണ് പൂർത്തിയായത്. 2005ലാണ് ചെറുവള്ളി എസ്റ്റേറ്റ് ബിലീവേഴ്‌സ് ചർച്ച് വാങ്ങിയത്. ബ്രിട്ടീഷ് കമ്പനി കൈവശം വച്ചിരുന്ന എസ്റ്റേറ്റ് കൈമാറ്റം ചെയ്ത് വില്പന നടത്തിയത് നിയമവിരുദ്ധമാണെന്നും എസ്റ്റേറ്റ് സർക്കാരിന് അവകാശപ്പെട്ട ഭൂമിയാണെന്നുമാണ് പാലാ സബ് കോടതിയിൽ സർക്കാർ അറിയിച്ചിട്ടുള്ളത്.

ADVERTISEMENT

ADVERTISEMENT

ADVERTISEMENT

ADVERTISEMENT

ADVERTISEMENT

ആമസോണ്‍ ഓഫറുകളറിയാന്‍
ലിങ്കില്‍ ക്ലിക്ക് ചെയ്യുക

ADVERTISEMENT

More from other section

ADVERTISEMENT

LATEST NEWS

ADVERTISEMENT

ADVERTISEMENT

Quick Links

About Us Deepika E-Paper E-Shopping Karshakan Rashtradeepika Movies Tech @ Deepika

Business Deepika Viral Tax Letters University News Auto Spot Cartoon Scope

Matrimonial Special News Special Feature Calendar Samskarikam Career Deepika English Edition

Deepika Charity Health Sthreedhanam Responses Daily Quiz Youth Special Court Notice

Kuttikalude Deepika Deepika News Videos Out of Range US News Gulf News Student Reporter Classifieds

Children's Digest Today's Story Religion Book Review Sunday Deepika Send your greetings Online Advertising

Rashtra Deepika LTD

Chairman - Dr. Francis Cleetus MD - Michael Vettickatt Chief Editor - George Kudilil

Tel: +91 481 2566706 ,2566707,2566708

Privacy policy Terms and conditions for online payment

Copyright © 2025 , RDL. All rights reserved To access reprinting rights, please contact [email protected]