വൈ​ക്കം: മ​ഹാ​ത്മ​ജി​യു​ടെ യൂ​ണി​യ​ൻ ക്രി​സ്ത്യ​ൻ കോ​ള​ജ് സ​ന്ദ​ർ​ശ​ന​ത്തി​ന്‍റെ നൂ​റാം വാ​ർ​ഷി​കാ​ഘോ​ഷ​ത്തി​ന്‍റെ മു​ന്നോ​ടി​യാ​യി കോ​ള​ജി​ൽ നി​ന്നു​ള്ള വി​ദ്യാ​ർ​ഥി​ക​ളും അ​ധ്യാ​പ​ക​രും ഉ​ൾ​പ്പെ​ട്ട സം​ഘം വൈ​ക്കം സ​ത്യ​ഗ്രഹ സ​മ​ര​വു​മാ​യി ബ​ന്ധ​പ്പെ​ട്ട സ്ഥ​ല​ങ്ങ​ൾ സ​ന്ദ​ർ​ശി​ച്ചു. പ്രി​ൻ​സി​പ്പ​ൽ ഡോ. ​മി​നി ആ​ലീ​സി​ന്‍റെ നേ​തൃ​ത്വ​ത്തി​ൽ അ​ധ്യാ​പ​ക​രും വി​ദ്യാ​ർ​ഥി​ക​ളും അ​ന​ധ്യാ​പ​ക​രു​മ​ട​ങ്ങു​ന്ന സം​ഘ​ത്തെ ദ​ള​വാ​ക്കു​ളം ബ​സ് സ്റ്റാ​ൻ​ഡി​ൽ വൈ​ക്കം ന​ഗ​ര​സ​ഭ ചെ​യ​ർ​പേ​ഴ്സ​ൺ പ്രീ​ത രാ​ജേ​ഷും വൈ​സ് ചെ​യ​ർ​മാ​ൻ പി.​ടി. സു​ഭാ​ഷ് തു​ട​ങ്ങി​യ​വ​രു​ടെ നേ​തൃ​ത്വ​ത്തി​ൽ സ്വീ​ക​രി​ച്ചു.

പ​ഠ​ന യാ​ത്ര ചെ​യ​ർ​പേ​ഴ്സ​ൺ പ്രീ​ത രാ​ജേ​ഷ് ഫ്ലാ​ഗ് ഓ​ഫ് ചെ​യ്തു. തു​ട​ർ​ന്ന് വൈ​ക്കം മ​ഹാ​ദേ​വ​ക്ഷേ​ത്രം, ഇ​ണ്ടം​തു​ര​ത്തി​മ​ന, തീ​ണ്ട​ൽ​പ​ല​ക സ്ഥാ​പി​ച്ചി​രുന്നി​ടം, ആ​ശ്ര​മം​സ്കൂ​ൾ, കു​ടി​നീ​ർ​സ്മാ​ര​കം, പ​ഴ​യ​പോ​ലീ​സ് സ്റ്റേ​ഷ​ൻ, ബോ​ട്ട്ജെ​ട്ടി, വൈ​ക്കം സ​ത്യ​ഗ്ര​ഹ സ്മാ​ര​കം, വൈ​ക്കം ബീ​ച്ച്, ത​ന്തൈ​പ്പെ​രി​യാ​ർ സ്മാ​ര​കം തു​ട​ങ്ങി​യ​വ പ​ഠ​ന സം​ഘം സ​ന്ദ​ർ​ശി​ച്ചു.

1925 മാ​ർ​ച്ച് 18ന് ​വൈ​ക്കം സ​ത്യ​ഗ്ര​ഹ​ത്തി​ൽ പ​ങ്കെ​ടു​ത്ത ശേ​ഷ​മു​ള്ള യാ​ത്ര​ക്കി​ട​യി​ൽ മ​ഹാ​ത്മാ​ഗാ​ന്ധി ആ​ലു​വ യൂ​ണി​യ​ൻ ക്രി​സ്ത്യ​ൻ കോ​ള​ജ് സ​ന്ദ​ർ​ശി​ച്ചു. സ​ന്ദ​ർ​ശ​ക ഡ​യ​റി​യി​ൽ ഡി​ലൈ​റ്റ​ഡ് വി​ത്ത് ദി ​ഐ​ഡി​യ​ൽ സി​റ്റു​വേ​ഷ​നെ​ന്ന് മ​ഹാ​ത്മ​ജി കു​റി​ച്ചു. തു​ട​ർ​ന്ന് കോ​ള​ജി​ന്‍റെ മു​റ്റ​ത്ത് അ​ദ്ദേ​ഹം മാ​വി​ൻ​തൈ ന​ട്ടു. വ​ള​ർ​ന്നു​പ​ന്ത​ലി​ച്ച ഗാ​ന്ധി​മാ​വ് ഇ​പ്പോ​ഴും കോ​ള​ജ് അ​ധി​കൃ​ത​ർ സം​ര​ക്ഷി​ച്ചു വ​രു​ന്നു.

ഗാ​ന്ധി​ജി​യു​ടെ സ​ന്ദ​ർ​ശ​ന​ത്തി​ന്‍റെ നൂ​റാം വ​ർ​ഷം ഗാ​ന്ധി​വ​ർ​ഷ​മെ​ന്ന പേ​രി​ൽ ഒ​രു വ​ർ​ഷം നീ​ണ്ടു​നി​ൽ​ക്കു​ന്ന ആ​ഘോ​ഷ പ​രി​പാ​ടി​ക​ളി​ലേ​ക്ക് കോ​ള​ജ് ക​ട​ക്കു​ന്ന​തി​ന്‍റെ ആ​ദ്യ​പ​ടി​യാ​യി 13ന് ​യു​സി കോ​ള​ജി​ൽ നി​ന്ന് ആ​ലു​വ മ​ണ​പ്പു​റം വ​ഴി ആ​ലു​വ ന​ഗ​ര​സ​ഭ ടൗ​ൺ ഹാ​ളി​ലേ​ക്ക് പ​ദ​യാ​ത്ര ന​ട​ത്തും. തു​ട​ർ​ന്ന് പ്ര​ഭാ​ഷ​ണ പ​ര​മ്പ​ര​ക​ൾ,പൊ​തു സ​മ്മേ​ള​നം, ച​ല​ച്ചി​ത്രോ​ത്സ​വം,വി​വി​ധ മ​ത്സ​ര​ങ്ങ​ൾ എ​ന്നി​വ ന​ട​ത്തു​മെ​ന്ന് പ്രി​ൻ​സി​പ്പ​ൽ പ​റ​ഞ്ഞു.

ഡോ.​ജെ​നി ​പീ​റ്റ​ർ, എ​ൻ​എ​സ്എ​സ് പ്രോ​ഗ്രാം ഓ​ഫീ​സ​ർ ഡോ. ​അ​ജ​ലേ​ഷ് ബി.​നാ​യ​ർ, പൂ​ർ​വ വി​ദ്യാ​ർ​ത്ഥി സം​ഘ​ട​ന ജ​ന​റ​ൽ സെ​ക്ര​ട്ട​റി പി.​സി. അ​ജി​ത് കു​മാ​ർ, വൈ​സ് പ്ര​സി​ഡ​ന്‍റ് ആ​ർ.​സ​ജി, അ​ബ്ദു​സ​മ​ദ്, ഫോ​ട്ടോ​ഗ്രാ​ഫ​ർ ഡി.​മ​നോ​ജ് തു​ട​ങ്ങി​യ​വ​ർ നേ​തൃ​ത്വം ന​ൽ​കി.