റെ​യി​ൽ​വേ ഗേ​റ്റി​ൽ നി​ർ​ത്തി​യി​ട്ട ബ​സി​ൽ ഒ​രു പി​റ​ന്നാ​ളാ​ഘോ​ഷം
Monday, September 23, 2024 1:36 AM IST
തൃ​ക്ക​രി​പ്പൂ​ർ: ചീ​മേ​നി​യി​ൽ നി​ന്ന് പ​യ്യ​ന്നൂ​രി​ലേ​ക്ക് പോ​കു​ന്ന ലൗ​വിം​ഗ് ബ​സ് തൃ​ക്ക​രി​പ്പൂ​ർ ബീ​രി​ച്ചേ​രി റെ​യി​ൽ​വേ ഗേ​റ്റി​ലെ​ത്താ​ൻ കാ​ത്തു​നി​ല്ക്കു​ക​യാ​യി​രു​ന്നു ബ​സി​ലെ സ്ഥി​രം യാ​ത്ര​ക്കാ​ർ.
ബ​സ് നി​ർ​ത്തി​യി​ട്ട് അ​വ​ർ​ക്കൊ​രു സ​ർ​പ്രൈ​സ് പി​റ​ന്നാ​ളാ​ഘോ​ഷം സം​ഘ​ടി​പ്പി​ക്കാ​നു​ണ്ടാ​യി​രു​ന്നു. ബ​സി​ലെ പ​തി​വു യാ​ത്ര​ക്കാ​രി​യാ​യ അ​ഞ്ചു​വ​യ​സു​കാ​രി അ​വ​ന്തി​ക​യു​ടെ പി​റ​ന്നാ​ളാ​ഘോ​ഷം. ഇ​ള​മ്പ​ച്ചി സ്കൂ​ളി​ലെ പ്രീ-​പ്രൈ​മ​റി വി​ദ്യാ​ർ​ഥി​നി​യാ​യ അ​വ​ന്തി​ക ഒ​ള​വ​റ​യി​ലെ സ്റ്റു​ഡി​യോ​യി​ൽ ജോ​ലി ചെ​യ്യു​ന്ന അ​മ്മ മാ​ന​സ​യ്ക്കൊ​പ്പ​മാ​ണ് ലൗ​വിം​ഗ് ബ​സി​ലെ പ​തി​വു യാ​ത്ര​ക്കാ​രി​യാ​യ​ത്.

ബ​സി​ന്‍റെ പേ​രു​പോ​ലെ ഒ​രു സ്നേ​ഹ​ക്കൂ​ട്ടാ​യ്മ​യാ​യി നി​ല്ക്കു​ന്ന സ്ഥി​രം യാ​ത്ര​ക്കാ​രാ​ണ് വീ​ട്ടി​ലെ​ന്ന​പോ​ലെ കേ​ക്ക് മു​റി​ച്ചും പാ​ട്ടു​പാ​ടി​യും പി​റ​ന്നാ​ളാ​ഘോ​ഷം സം​ഘ​ടി​പ്പി​ക്കാ​ൻ പ​ദ്ധ​തി​യി​ട്ട​ത്. അ​പൂ​ർ​വ​മാ​യ ആ​ഘോ​ഷ​ത്തി​ൽ ബ​സ് ജീ​വ​ന​ക്കാ​രും മ​റ്റു യാ​ത്ര​ക്കാ​രും ഒ​പ്പം​ചേ​ർ​ന്നു.


രാ​വി​ലെ 8.30 ന് ​ത​ടി​യ​ൻ​കൊ​വ്വ​ൽ പോ​ളി​ടെ​ക്നി​ക് ബ​സ് സ്റ്റോ​പ്പി​ൽ നി​ന്ന് അ​മ്മ​യ്ക്കൊ​പ്പം ബ​സി​ൽ ക​യ​റി​യ​പ്പോ​ൾ ത​ന്നെ അ​വ​ന്തി​ക​യ്ക്ക് യാ​ത്ര​ക്കാ​ർ പു​തു​വ​സ്ത്ര​വും കേ​ക്കും സ​മ്മാ​നി​ച്ചു.
ബീ​രി​ച്ചേ​രി റെ​യി​ൽ​വേ ഗേ​റ്റി​ന് സ​മീ​പം ബ​സ് നി​ർ​ത്തി​യ​തോ​ടെ പി​റ​ന്നാ​ൾ ആ​ഘോ​ഷ​ത്തി​ന് അ​ര​ങ്ങൊ​രു​ങ്ങു​ക​യാ​യി​രു​ന്നു. പി​ലാ​ത്ത​റ​യി​ലെ വ​സ്ത്ര​ശാ​ല​യി​ൽ ജോ​ലി​ചെ​യ്യു​ന്ന സി​ന്ധു,ഇ​ള​മ്പ​ച്ചി സ​ർ​ക്കാ​ർ ഹോ​മി​യോ ആ​ശു​പ​ത്രി​യി​ലെ അ​ജി​ത, പ​യ്യ​ന്നൂ​ർ വ​സ്ത്ര​ശാ​ല​യി​ലെ രേ​ഖ, ഇ​ള​മ്പ​ച്ചി ഖാ​ദി നെ​യ്ത്തു​കേ​ന്ദ്ര​ത്തി​ലെ ദീ​പ, ഒ​ള​വ​റ​യി​ലെ ഫ​ർ​ണി​ച്ച​ർ സ്ഥാ​പ​ന​ത്തി​ൽ ജോ​ലി​ചെ​യ്യു​ന്ന കീ​ർ​ത്ത​ന എ​ന്നി​വ​രാ​ണ് അ​വ​ന്തി​ക​യ്ക്കൊ​പ്പം കേ​ക്കു മു​റി​ച്ചും പാ​ട്ടു​പാ​ടി​യും പി​റ​ന്നാ​ളാ​ഘോ​ഷം അ​വി​സ്മ​ര​ണീ​യ​മാ​ക്കി​യ​ത്.