അങ്ങാടിപ്പുറം: നാഷണല് ട്രസ്റ്റ് മലപ്പുറം ലോക്കല് ലെവല് കമ്മിറ്റിയുടെ ലീഗല് ഗാര്ഡിയന്ഷിപ്പ് സ്പെഷല് ക്യാമ്പ് അങ്ങാടിപ്പുറം പൊതുമരാമത്ത് റെസ്റ്റ് ഹൗസില് നടന്നു. 18 വയസിന് മുകളില് പ്രായമുള്ള ഓട്ടിസം, സെറിബ്രല് പാള്സി, മെന്റല് റിട്ടാഡേഷന്, മള്ട്ടിപ്പിള് ഡിസബിലിറ്റി തുടങ്ങിയ വിഭാഗങ്ങളില്പ്പെട്ട ഭിന്നശേഷിക്കാര്ക്ക് സമ്പൂര്ണമായി ലീഗല് ഗാര്ഡിയന്ഷിപ്പ് സര്ട്ടിഫിക്കറ്റ് വിതരണം ചെയ്യുന്നതിന്റെ ഭാഗമായാണ് ക്യാമ്പ് നടന്നത്.
പെരിന്തല്മണ്ണ, മങ്കട, വണ്ടൂര് ബ്ലോക്ക് പഞ്ചായത്തുകളില് നിന്നുള്ള 69 അപേക്ഷകള് തീര്പ്പാക്കി. പെരിന്തല്മണ്ണ, മങ്കട, പോരൂര്, താഴേക്കോട് ബഡ്സ് സ്കൂളുകള് ക്യാമ്പിന് ആവശ്യമായ സഹായം നല്കി. അസിസ്റ്റന്റ് കളക്ടര് വി.എം. ആര്യ, എല്എല്സി കണ്വീനര് സി. കെ. എ. ഷമീര് ബാവ, പിഡബ്ല്യുഡി മെന്പര് അബ്ദുള് നാസര്, എല്എല്സി ജില്ലാ കോ ഓര്ഡിനേറ്റര്മാരായ അര്ച്ചന, ഷാഹിന, ബഡ്സ്/ബിആര്സി അധ്യാപകരായ സാബിത്, മുബഷിര്, മിത, സനിത എന്നിവര് നേതൃത്വം നല്കി. ഹെല്ത്ത് കെയര് ഫൗണ്ടേഷനാണ് നാഷണല് ട്രസ്റ്റിന്റെ എന്ജിഒ മെന്പര്.