പെരിന്തല്മണ്ണ: സോള്സ് ഓഫ് പെരിന്തല്മണ്ണ സംഘടിപ്പിക്കുന്ന കിംസ് അല്ഷിഫ സ്പോര്ട്സ് ഇഞ്ചുറി ഡിപ്പാര്ട്ട്മെന്റ് "റണ് പെരിന്തല്മണ്ണ റണ്' ഇന്റര്നാഷണല് മാരത്തണ് 2025 ഫെബ്രുവരി രണ്ടിന് നടക്കും. ഷിഫാ കണ്വന്ഷന് സെന്ററില് നടന്ന ചടങ്ങില് മാരത്തണിന്റെ ലോഗോ പ്രകാശനം മുന് എസ്പി യു. അബ്ദുള്കരീമും തിയതി പ്രഖ്യാപനം പെരിന്തല്മണ്ണ എസ്ഐ ഫിലിപ്പ് മമ്പാടും നിര്വഹിച്ചു.
പ്രസിഡന്റ് അരുണ്കുമാര് അധ്യക്ഷത വഹിച്ചു. ഡോ. ഉണ്ണീന് കിംസ് അല്ഷിഫ, ജോയിന്റ് ആര്ടിഒ രമേശ്, ഡോ. ഷാജി അബ്ദുള്ഗഫൂര്, ഡോ. വിഷ്ണു വാസുദേവ്, ഡോ. അബ്ദുള്ള ഖലീല്, ഡോ. അബൂബക്കര് തയ്യില്, മര്ച്ചന്റ് അസോസിയേഷന് പ്രസിഡന്റ് പി.ടി.എസ്. മൂസു, ക്ലബ് വൈസ് പ്രസിഡന്റ് അബ്ദുള് ലത്തീഫ്, യാസര് പൂപ്പലം എന്നിവര് പ്രസംഗിച്ചു. വിവിധ മത്സരങ്ങളില് പങ്കെടുത്തവര്ക്ക് മെമന്റോ വിതരണം ചെയ്തു.