അരീക്കോട്: വയനാട് ലോക്സഭ മണ്ഡലം, ചേലക്കര, പാലക്കാട് ഉപതെരെഞ്ഞെടുപ്പുകള്‍ കേന്ദ്ര-സംസ്ഥാന സര്‍ക്കാരുകളുടെ വിധിയെഴുത്തായിരിക്കുമെന്ന് മുസ്‌ലിം ലീഗ് അഖിലേന്ത്യാ ജനറല്‍ സെക്രട്ടറി പി.കെ. കുഞ്ഞാലിക്കുട്ടി പറഞ്ഞു. വയനാട് ലോക്സഭാ മണ്ഡലം യുഡിഎഫ് സ്ഥാനാര്‍ഥി പ്രിയങ്ക ഗാന്ധിയുടെ തെരഞ്ഞെടുപ്പ് പ്രചാരണാര്‍ഥം സംഘടിപ്പിച്ച ഏറനാട് നിയോജക മണ്ഡലം കണ്‍വന്‍ഷന്‍ അരീക്കോട്ട് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
കെ.കെ. അബ്ദുള്ളക്കുട്ടി അധ്യക്ഷത വഹിച്ചു. ലോക്സഭാ തെരഞ്ഞെടുപ്പ് കമ്മിറ്റി വര്‍ക്കിംഗ് ചെയര്‍മാന്‍ പി.കെ. ബഷീര്‍ എംഎല്‍എ, നിരീക്ഷകരായ സി.ആര്‍. മഹേഷ് എംഎല്‍എ, കുറുക്കോളി മൊയ്തീന്‍ എംഎല്‍എ, ഗഫൂര്‍ കുറുമാടന്‍, കെപിസിസി സെക്രട്ടറി കെ.പി. നൗഷാദ് അലി, യുഡിഎഫ് ജില്ലാ കണ്‍വീനര്‍ അഷ്റഫ് കൊക്കൂര്‍, ഫോര്‍വേഡ് ബ്ലോക്ക് ജില്ലാ സെക്രട്ടറി കെ.പി. അനസ്, എം.പി. മുഹമ്മദ്, കെ.ടി അഷ്റഫ്, ബാപ്പു, ടി.പി. അഷ്റഫ് അലി, അജീഷ് എടാലത്ത്, പാലത്തിങ്ങല്‍ ബാപ്പുട്ടി, എ.ഡബ്ല്യൂ. അബ്ദുറഹ്മാന്‍, പനോളി ചെറി, ഇ.എ.കരീം, എം.കെ.കുഞ്ഞു മുഹമ്മദ്, പി.എം. ലുക്മാന്‍, ഒ.ജെ സജി, പി.പി. റഷീദ്, പി.കെ. അബ്ദുറഹ്മാന്‍ എന്നിവര്‍ പങ്കെടുത്തു.