മഞ്ചേരി: മഞ്ചേരി കച്ചേരിപ്പടി ജംഗ്ഷന് മുതല് ചെങ്ങണ വരെയുള്ള ബൈപാസ് റോഡിന്റെ ശോചനീയാവസ്ഥയില് 101 പേര് ഒപ്പിട്ട പരാതി പൊതുമരാമത്ത് വകുപ്പിന് നല്കി. ബിജെപി കോവിലകംകുണ്ട് ബൂത്ത് കമ്മിറ്റിയാണ് ഒപ്പു ശേഖരിച്ച് പൊതുമരാമത്ത് മഞ്ചേരി ഡിവിഷണല് എക്സിക്യൂട്ടീവ് എന്ജിനീയര്ക്ക് നല്കിയത്.
മഞ്ചേരി മെഡിക്കല് കോളജ്, കോടതികള്, സ്കൂളുകള് എന്നിവിടങ്ങളിലേക്കെത്തുവാന് പ്രതിദിനം നൂറുക്കണക്കിനാളുകള് ആശ്രയിക്കുന്ന റോഡ് ഏറെക്കാലമായി തകര്ന്നു കിടക്കുകയാണ്. പൊതുമരാമത്ത് മന്ത്രിക്കും എംഎല്എക്കും പരാതി നല്കുമെന്നും സത്വര നടപടികള് സ്വീകരിക്കാത്തപക്ഷം പ്രതിഷേധ സമരത്തിന് നേതൃത്വം നല്കുമെന്ന് ഭാരവാഹികള് പറഞ്ഞു. മണ്ഡലം ജനറല് സെക്രട്ടറി ഉണ്ണികൃഷ്ണന് തൊഴാക്കര, ഒബിസി മോര്ച്ച ജില്ലാ വൈസ് പ്രസിഡന്റ് തുളസിദാസ്, ജില്ലാ കമ്മിറ്റി അംഗം ഇ. ഇന്ദിര, മഞ്ചേരി മേഖലാ സെക്രട്ടറി അഭിലാഷ് പയ്യനാട് എന്നിവര് പങ്കെടുത്തു.