മഞ്ചേരി: പയ്യനാട് കുട്ടിപ്പാറയില് സ്വകാര്യബസ് മരത്തിലിടിച്ച് യാത്രക്കാരായ 20 പേര്ക്ക് പരിക്കേറ്റു. ഇന്നലെ വൈകുന്നേരം 3.15ന് ആയിരുന്നു അപകടം. കുട്ടിപ്പാറക്കും അത്താണിക്കലിനും ഇടയില് പോക്കറ്റ് റോഡില് നിന്ന് മിനിവാന് പ്രധാന റോഡിലേക്ക് പ്രവേശിച്ചപ്പോള് ബസ് വെട്ടിച്ചതാണ് നിയന്ത്രണംവിട്ടു മരത്തിലിടിക്കാന് കാരണമെന്ന് നാട്ടുകാര് പറഞ്ഞു.
കോഴിക്കോട്ട് നിന്ന് എടത്തനാട്ടുകരയിലേക്ക് പോകുകയായിരുന്ന സ്വകാര്യബസാണ് അപകടത്തില്പെട്ടത്.
അലനല്ലൂര് പ്രവീണ (17), തച്ചിങ്ങനാടം പണ്ടാരത്തില് സുബ്രഹ്മണ്യന് (50)- ഭാര്യ രാധിക(48), നെല്ലിക്കുത്ത് കെ.എം.മുഹമ്മദ് സബീഹ് (14)-സഹോദരന് മുഹമ്മദ് ഷമ്മാസ് (11), എടത്തനാട്ടുകര കാപ്പില് മുഹമ്മദ് അഷ്റഫ്(19), പുല്ലാര ചാളക്കണ്ടി ഫില്സ നസ്റിന് (24), കരുവാരകുണ്ട് തെക്കുംപുറം ഗഫൂര് (42)- ഭാര്യ സുബൈദ (40), ഫാത്തിമ (65), മേലാറ്റൂര് താഴത്തുംപീടിക ഫാത്തിമ ലീന (19), നജീബ് (40), മേലാറ്റൂര് ആശാരിത്തൊടി വിഷ്ണുപ്രിയ (21), നാരായണി(74), വള്ളുവങ്ങാട് അഫ്ന(18)- സഹോദരി സന്ഹ ഷറിന്(20), എടത്തനാട്ടുകര കാഞ്ഞിങ്ങാടന് ഫാത്തിമ തസ്നി(20), അലവി (65), കൊട്ടങ്ങോടന് ആയിഷ (20), റാഹിമ(65) എന്നിവര്ക്കാണ് പരിക്കേറ്റത്. ഇവരെ മഞ്ചേരി മെഡിക്കല് കോളജ് ആശുപത്രിയില് പ്രവേശിപ്പിച്ചു. ആരുടെയും പരിക്ക് ഗുരുതരമല്ലെന്ന് ആശുപത്രി അധികൃതര് പറഞ്ഞു.