എടക്കര: വഴിക്കടവ് മാമാങ്കര നറുക്കുംപൊട്ടി ഭാഗത്ത്കഴിഞ്ഞ ദിവസം പട്ടാപ്പകല് കെണ്ടത്തിയത് വള്ളിപ്പുലിയെയെന്ന് വനം വകുപ്പ് അധികൃതര്.
നെല്ലിക്കുത്ത് ഫേറസ്റ്റ് സ്റ്റേഷനിലെ ജീവനക്കാര് പ്രദേശം സന്ദര്ശിച്ച് കണ്ടെത്തിയ കാല്പാടുകള് പരിശോധിച്ച ശേഷമാണ് ഇക്കാര്യം അറിയിച്ചത്. കഴിഞ്ഞ ദിവസം നറുക്കുംപൊട്ടിയിലെ പരിയംതടത്തില് മുഹമ്മദിന്റെ വീടിന്റെ മുന്ഭാഗത്ത് വനത്തില് പുലിയെന്ന് സംശയിക്കുന്ന ജീവി പകല് മൂന്നേകാലോടെ ഓടി മറയുന്നത് വീട്ടുകാര് കാണുകയും മൊബൈല് ഫോണില് വീഡിയോ പകര്ത്തുകയും ചെയ്തിരുന്നു. തുടര്ന്നാണ് വഴിക്കടവ് റേഞ്ച് ഓഫീസര് ഷെരീഫ് പനോലന്റെ നിര്ദേശപ്രകാരം ജീവനക്കാര് പരിശോധന നടത്തിയത്. നെല്ലിക്കുത്ത് ഫേറസ്റ്റ് സ്റ്റേഷന് സെക്ഷന് ഫോറസ്റ്റ് ഓഫീസര്മാരായ ലാല് വി നാഥ്, കെ.ആര്. രാജേഷ്, ബി.എഫ്.ഒ മാരായ വിജേഷ്, ജിസ്റ്റിന, അമൃത രഘുനാഥ്, വാച്ചര്മാരായ കൃഷ്ണന്, റഷീദ് എന്നിവരുടെ നേതൃത്വത്തിലായിരുന്നു പരിശോധന.