വണ്ടൂര്‍: സ്ത്രീ പങ്കാളിത്തത്താല്‍ ശ്രദ്ധേയമായി യുഡിഎഫ് വണ്ടൂര്‍ നിയോജക മണ്ഡലം കണ്‍വന്‍ഷന്‍. പുളിയക്കോട് കെ.ടി. കണ്‍വന്‍ഷന്‍ സെന്‍ററില്‍ നടന്ന പരിപാടി പ്രതിപക്ഷ നേതാവ് വി.ഡി. സതീശന്‍ ഉദ്ഘാടനം ചെയ്തു. യുഡിഎഫ് വണ്ടൂര്‍ നിയോജകമണ്ഡലം ചെയര്‍മാന്‍ പി. ഖാലിദ് അധ്യക്ഷത വഹിച്ചു. മുസ്‌ലിം ലീഗ് അഖിലേന്ത്യാ ജനറല്‍ സെക്രട്ടറി പി.കെ. കുഞ്ഞാലിക്കുട്ടി മുഖ്യപ്രഭാഷണം നടത്തി. മോന്‍സ് ജോസഫ് എംഎല്‍എ, ഉമ തോമസ് എംഎല്‍എ,അഡ്വ. യു.എ. ലത്തീഫ് എംഎല്‍എ, എ.പി. അനില്‍കുമാര്‍ എംഎല്‍എ, ആന്‍റോ ആന്‍റണി എംപി, ഷാനിമോള്‍ ഉസ്മാന്‍, ബിന്ദുകൃഷ്ണ, വി.എസ്. ജോയ്, ആലിപ്പറ്റ ജമീല, പി.ടി. അജയ് മോഹന്‍, കെ.സി. കുഞ്ഞിമുഹമ്മദ്, കെ.ടി അജ്മല്‍, കളത്തില്‍ കുഞ്ഞാപ്പുഹാജി, ജോജി കെ. അലക്സ് തുടങ്ങിയവര്‍ പങ്കെടുത്തു.