ഈ കേസിനൊപ്പം ബന്ധുക്കൾ നൽകിയ പരാതിയിൽ സമഗ്രമായ അന്വേഷണം നടത്തുമെന്നാണ് കണ്ണൂർ ടൗൺ എസ്എച്ച്ഒ ശ്രീജിത്ത് കൊടേരി പറഞ്ഞത്.
ഇതുസംബന്ധിച്ച് വിശദമായ അന്വേഷണം നടത്തും. തെളിവുകൾ ലഭിക്കുകയാണെങ്കിൽ ശക്തമായ നടപടികൾ സ്വീകരിക്കും. പരാതി സ്വീകരിച്ച് ബന്ധുക്കൾക്കു രസീത് നൽകിയതായും ശ്രീജിത്ത് കൊടേരി അറിയിച്ചു.
പോലീസ് രജിസ്റ്റർ ചെയ്ത എഫ്ഐആറിൽ ഏതോ മാനസിക വിഷയത്തിൽ കിടപ്പുമുറിയുടെ ഫാനിൽ പ്ലാസ്റ്റിക് കയറിൽ തൂങ്ങിമരിച്ചുവെന്നാണു രേഖപ്പെടുത്തിയിരുന്നത്. തിങ്കളാഴ്ച വൈകുന്നേരം 6.20നും ചൊവ്വാഴ്ച രാവിലെ എട്ടിനുമിടയിൽ പള്ളിക്കുന്ന് കൃഷ്ണമേനോൻ വനിതാ കോളജിനു സമീപത്തെ ക്വാർട്ടേഴ്സിൽ ആത്മഹത്യ നടന്നതായാണു റിപ്പോർട്ടിലുള്ളത്.