ജനപ്രതിനിധികള്‍, ആരാണെങ്കിലും പൊതു സമൂഹത്തിനകത്ത് ഇടപെടലിലും ചലനങ്ങളിലും സംസാരത്തിലും പക്വതയും ധാരണയും ഉണ്ടാകണം. അവിടെ നടന്നതിനെക്കുറിച്ച് പൂര്‍ണമായ വിശദാംശങ്ങള്‍ ലഭിച്ചിട്ടില്ല. എന്തായാലും അന്വേഷിക്കാന്‍ നിര്‍ദേശിച്ചിട്ടുണ്ട്.
റവന്യൂ വകുപ്പിലെ നല്ല കഴിവുള്ള, സത്യസന്ധനായ, ചുമതലകള്‍ ധൈര്യമായി ഏല്‍പ്പിക്കാവുന്ന ഒരു ഉദ്യോഗസ്ഥനാണ് നവീന്‍ ബാബു. ഏതെങ്കിലും തരത്തില്‍ മോശപ്പെട്ടൊരു പരാതി ലഭ്യമായിട്ടില്ല.
2025 ഏപ്രില്‍ മാസത്തിനകം നവീന്‍റെ സര്‍വീസ് അവസാനിക്കും. കുറഞ്ഞ കാലം മാത്രമേ ഇനി സര്‍വീസില്‍ ഉള്ളൂ എന്നതിനാല്‍ അദ്ദേഹത്തിന്‍റെ ആവശ്യപ്രകാരമാണു പത്തനംതിട്ട എഡിഎം ആയി മാറ്റി നിശ്ചയിച്ചതെന്നും മന്ത്രി പറഞ്ഞു.