ബിജെപി സ്ഥാനാർഥികളുടെ കാര്യത്തിൽ ധാരണകളല്ലാതെ വ്യക്തമായ ഒരു തീരുമാനവും ഇതുവരെയുണ്ടായിട്ടില്ല.
വയനാട്ടിൽ എ.പി. അബ്ദുള്ളക്കുട്ടി, എം.ടി. രമേശ് എന്നിവരുടെ പേരുകളാണു നേതൃത്വത്തിന്റെ മുന്നിലുള്ളത്. പാലക്കാട് സി. കൃഷ്ണകുമാർ സ്ഥാനാർഥിയാകാനാണു സാധ്യത. ശോഭ സുരേന്ദ്രനും ബിജെപി സംസ്ഥാന അധ്യക്ഷൻ കെ. സുരേന്ദ്രനും പട്ടികയിലുണ്ട്.
ബിജെപി കേരള പ്രഭാരി പ്രകാശ് ജാവദേക്കറുമായി ഇന്നലെ കെ. സുരേന്ദ്രൻ ഉപതെരഞ്ഞെടുപ്പിനെ സംബന്ധിച്ചു സംസാരിച്ചു. രണ്ടു ദിവസത്തിനുള്ളിൽ സ്ഥാനാർഥികളെ തീരുമാനിക്കും.
വയനാട്ടിൽ പ്രിയങ്ക ഗാന്ധിതന്നെയാകും കോണ്ഗ്രസ് സ്ഥാനാർഥി.