| Back to Home |

വ​യ​നാ​ട് ദുരന്തം; മൂ​ന്നാം ദി​ന​ത്തി​ലും മൃ​ത​ദേ​ഹ​ങ്ങ​ളു​ടെ വ​ര​വ് നി​ല​യ്ക്കു​ന്നി​ല്ല!

ക​ൽ​പ്പ​റ്റ: മാ​താ​പി​താ​ക്ക​ളെ കാ​ത്തു​നി​ൽ​ക്കു​ന്ന മ​ക്ക​ൾ, ഭാ​ര്യ​യെ​യും മ​ക്ക​ളെ​യും തേ​ടി​യെ​ത്തു​ന്ന​വ​ർ, അ​യ​ൽ​വാ​സി​ക​ളെ തേ​ടി​യെ​ത്തു​ന്ന​വ​ർ. സു​ഹൃ​ത്തി​നെ തേ​ടി​യെ​ത്തു​ന്ന​വ​ർ... വ​യ​നാ​ട് മു​ണ്ട​ക്കൈ​യി​ൽ ഉ​രു​ൾ​പൊ​ട്ടി​യി​ട്ട് ര​ണ്ടുദി​വ​സം പി​ന്നി​ട്ടും ഇ​വ​രു​ടെ കാ​ത്തി​രി​പ്പ് തു​ട​രു​ക​യാ​ണ്.

വി​തു​ന്പ​ലു​ക​ളും നി​ല​വി​ളി​ക​ളും നി​രാ​ശ​യു​മാ​യി ദുഃ​ഖം ത​ളം​കെ​ട്ടി നി​ൽ​ക്കു​ക​യാ​ണ് ഇ​വി​ടെ. തി​ര​ച്ചി​ൽ ന​ട​ത്തു​ന്ന സ്ഥ​ല​ത്തു​നി​ന്നു കി​ട്ടു​ന്ന മൃ​ത​ദേ​ഹ​ങ്ങ​ളു​മാ​യി ക​മ്യൂ​ണി​റ്റി ഹാ​ളി​ലേ​ക്ക് ആം​ബു​ല​ൻ​സ് എ​ത്തു​ന്പോ​ൾ ഓ​ടി​യെ​ത്തു​ന്ന ആ​ളു​ക​ൾ.

മൃ​ത​ദേ​ഹ​ങ്ങ​ൾ തി​രി​ച്ച​റി​യു​ന്പോ​ൾ അ​ല​മു​റ​യി​ട്ട് ക​ര​യു​ന്ന​വ​ർ, ത​ള​ർ​ന്നു വീ​ഴു​ന്ന​വ​ർ... അ​ടു​ത്ത ആം​ബു​ല​ൻ​സി​ലെ​ങ്കി​ലും സ്വ​ന്ത​ക്കാ​ർ വ​രു​മെ​ന്ന് കാ​ത്തി​രി​ക്കു​ന്ന​വ​ർ... മൃ​ത​ദേ​ഹ​ങ്ങ​ൾ മാ​ത്ര​മാ​യി​രു​ന്നി​ല്ല ആം​ബു​ല​ൻ​സു​ക​ളി​ൽ എ​ത്തി​യി​രു​ന്ന​ത്. ശ​രീ​ര​ഭാ​ഗ​ങ്ങ​ളും എ​ത്തി​യി​രു​ന്നു. തി​രി​ച്ച​റി​യാ​ൻ സാ​ധി​ക്കാ​ത്ത​വി​ധം പ​ല മൃ​ത​ദേ​ഹ​ങ്ങ​ളും ചി​ന്ന​ഭി​ന്ന​മാ​യി​രു​ന്നു. തി​രി​ച്ച​റി​ഞ്ഞ മൃ​ത​ദേ​ഹ​ങ്ങ​ൾ പോ​സ്റ്റ്മോ​ർ​ട്ട​ത്തി​നു​ശേ​ഷം ബ​ന്ധു​മി​ത്രാ​ദി​ക​ൾ​ക്കു വി​ട്ടു​ന​ല്കി.

കഴിഞ്ഞദിവസം വൈ​കു​ന്നേ​രം അ​ഞ്ചോ​ടെ നി​ല​ന്പൂ​രി​ൽ​നി​ന്ന് നി​ര​വ​ധി ആം​ബു​ല​ൻ​സു​ക​ൾ മേ​പ്പാ​ടി​യി​ലേ​ക്ക് എ​ത്തി. മേ​പ്പാ​ടി ഗ​വ. സ്കൂ​ളി​ലാ​യി​രു​ന്ന നി​ല​ന്പൂ​രി​ൽ​നി​ന്നു​ള്ള മൃ​ത​ദേ​ഹ​ങ്ങ​ൾ തി​രി​ച്ച​റി​യാ​ൻ വ​ച്ചി​രു​ന്ന​ത്. മൃ​ത​ദേ​ഹ​ങ്ങ​ൾ തി​രി​ച്ച​റി​യാ​ൻ വ​ലി​യൊ​രാ​ൾ​ക്കൂ​ട്ടം എ​ത്തി​യി​രു​ന്നു. മൃ​ത​ദേ​ഹ​ങ്ങ​ൾ ക​ണ്ട് കൂ​ട്ട​നി​ല​വി​ളി​ക​ളു​യ​ർ​ന്നു.

അ​തേ സ​മ​യം, വ​യ​നാ​ട്ടി​ലെ ഉ​രു​ള്‍​പ്പൊ​ട്ട​ലി​ല്‍ മ​രി​ച്ച​വ​രു​ടെ എ​ണ്ണം 282 ആ​യി. 240 പേരെക്കുറിച്ച് ഇപ്പോഴും വിവരമില്ല. സൈ​ന്യ​ത്തി​നൊ​പ്പം ടൊ​റി​റ്റോ​റി​യ​ല്‍ ആ​ര്‍​മി​യും എ​ന്‍​ഡി​ആ​ര്‍​എ​ഫും അ​ഗ്നി​ശ​മ​ന സേ​ന​യും ആ​രോ​ഗ്യ​പ്ര​വ​ര്‍​ത്ത​ക​രും പോ​ലീ​സും നാ​ട്ടു​കാ​രും തി​ര​ച്ചി​ൽ തു​ട​രു​ക​യാ​ണ്.