ഭീമനടി: ചിറ്റാരിക്കാൽ ഉപജില്ല വിദ്യാരംഗം സർഗോത്സവം ശില്പശാല കോട്ടമല എംജിഎം എയുപി സ്കൂളിൽ സംഘടിപ്പിച്ചു. കഥ, കവിത, ചിത്രം, അഭിനയം, നാടൻപാട്ട്, പുസ്തകാസ്വാദനം, കാവ്യാലാപനം എന്നിങ്ങനെ ഏഴു മേഖലകളിലായാണ് ശില്പശാല സംഘടിപ്പിച്ചത്. സംവിധായകൻ സന്തോഷ് പുതുക്കുന്ന് ഉദ്ഘാടനം ചെയ്തു. വെസ്റ്റ് എളേരി പഞ്ചായത്ത് അംഗം സി.പി. സുരേശൻ അധ്യക്ഷനായി. സംസ്ഥാനതല സാഹിത്യ സെമിനാറിൽ പങ്കെടുത്ത പരപ്പ ഗവ. ഹയർ സെക്കൻഡറി സ്കൂൾ വിദ്യാർഥിനി എസ്. മഴയെ അനുമോദിച്ചു. എഴുത്തുകാരനും ഡയറ്റ് അധ്യാപകനുമായ വിനോദ്കുമാർ കുട്ടമത്ത് ഉപഹാരം നൽകി.
ഉപജില്ലാ വിദ്യാഭ്യാസ ഓഫീസർ പി.പി. രത്നാകരൻ, വിദ്യാരംഗം ഉപജില്ലാ കോ-ഓർഡിനേറ്റർ ഷൈജു ബിരിക്കുളം, മുഖ്യാധ്യാപിക പി.വി. ലിസ, സതീഷ് ബാബു, എം.പി. മനോജ്, ടി.വി. മഞ്ജുഷ, കെ.വി. ലെയ്സമ്മ, ഷെർളി ജോസഫ്, കെ.എം. സാറാമ്മ, ടി.സി. രാമചന്ദ്രൻ, പത്രോസ് കുന്നേൽ, കുര്യൻ ജോൺ എന്നിവർ പ്രസംഗിച്ചു. സി.പി. ശുഭ, രാഹുൽ ഉദിനൂർ, സാജൻ ബിരിക്കുളം, അനീഷ് വെങ്ങാട്ട്, ബിനേഷ് മുഴക്കോം, ജിതേഷ് കമ്പല്ലൂർ, രവി വാണിയംപാറ എന്നിവർ വിവിധ സെഷനുകൾക്ക് നേതൃത്വം നല്കി. ജില്ലാതലത്തിലേക്ക് തെരഞ്ഞെടുക്കപ്പെട്ടവർക്ക് ഫാ. ഷാജൻ വർഗീസ് സർട്ടിഫിക്കറ്റുകൾ വിതരണം ചെയ്തു.