ഭീമനടി: മലയോരത്ത് കനത്തമഴയിൽ റോഡുകൾ വെള്ളത്തിലായി. ഇന്നലെ ഉച്ചയ്ക്കുശേഷം പെയ്ത മഴയിൽ കോടികൾ മുടക്കി നിർമാണം നടന്നുകൊണ്ടിരിക്കുന്ന ഭീമനടി-ചിറ്റാരിക്കാൽ റോഡിന്റെ പല ഭാഗങ്ങളിലും ഓടിയില്ലാത്തതിനാൽ വെള്ളം റോഡിലൂടെയാണ് കയറിയൊഴുകിയത്.
കിലോമീറ്ററിന് രണ്ടു കോടിയിലധികം മുടക്കി കിഫ്ബി പദ്ധതിയിൽ ഉൾപ്പെടുത്തി നിർമിക്കുന്ന റോഡിന് ഓട നിർമിക്കാത്തത് തിരിച്ചടിയായി. കോടികൾ മുടക്കി നിർമിക്കുന്ന റോഡിന് ഓട നിർമിച്ചില്ലെങ്കിൽ രണ്ടു മഴക്കാലം കഴിയുമ്പോൾ തകരുമെന്ന കാര്യത്തിൽ സംശയമില്ല. ചെളിയും മണ്ണും കല്ലുകളും റോഡിൽ ഒഴുകിയെത്തിയത് ഇരുചക്രവാഹനങ്ങൾക്ക് അപകട ഭീഷണിയായി.